الخميس، 26 ديسمبر 2013

ولهى دنيا ولازم تتعاش


فى حاجتين جوانا ديما بيتخنّقو مع بعض وخناقتهم ديما بتعمل جوانا حاجة كدة عاملة زى التقلة بتمنعنا من حاجات كتير حلوة ممكن نحسها او حتى وحشة جبل التلج اللى جوانا اللى بيبردنا قوى والبرد دة بيوصلنا اننا نبطل نحس لا وحش بقى ولا حلو هنحسه ... الحاجتيين دول هما عبارة عن حلم وكابوس .....


الحلم ..هو اللى يخليك نحس الحلو الجميل التفاءل الحماس اللى يملاك حبوب الشجاعة اللى تخليك معتقد انك ممكن تهزم الوحش تكسر الجبال تطير تلمس النجوم تعمل اى حاجة بمنتهى الحماس انك تقدر الفكرة نفسها ان كل حاجة ممكنة بصبر وحماس واصرار هعملها يعنى هعملها وبمنتهى الصبر مش مهم امتى المهم هتيجى ... كل واحد فينا عنده الحلم دة اللى لما بس يفكر فيه او يسرح فيه يملا وشه ابتسامة اااااااااااد كدة ويرقص القلب م اليمين للشمال مش مهم اى حاجة المهم انك مبسوط بحلمك وكل مابجى قصادك انت بتتبسط........ :)


اما الطرف التانى ..الكابوس : وجع فى القلب خوف مزمن من انه يحصل مجرد بس فكرة انه يمكن يحصل كفيلة ترقدك فى سريرك بعيون مترقبة وقلقانة وقلب مرعوب وجسمك منكمش على بعضة ضامم ركبك على صدرك ومتكلفت تحت بطنية ولحاف كاءنك فى فيلم كرتون هربان ومستخبى من وحش شايف خياله على حيط وانت متخيله سونيا بعاصية الماءشة بتاعتها وفى الاخر بيطلع ابوك ايم يشرب مية.... رعب كابوس ينغظ علينا يومنا وحياتنا كلها ونعيش فيه ولو بس عديت ريح صغيرة شايلة اى حاجة شبه الكابوس دة من بعيد تترعب وتجرى جوة نفسك تنكمش وتبعد عن الناس كلها وتعيش انت والكابوس وهواك ..... يخليك مش حاسس باى حاجة غير خوف وبس خايف حتى تعمل الحاجات العادية بتاعت كل يوم فى حياتك ... تبا لك ايها الكابوس 


الاتنين دوول طول ماهما active جوانا بيعيشونا فى مرار لانهم على طول بيتخانقو و ساعات انت بتكون نفسك تقعد فى هدوء فا ساعات بتختار واحد منهم وتعمل للتانى off فا مثلا تختار الحلم تفضل تضحك زى الاهبل على طووووول مبتسسسسسم حتى لو فى مصيبة حاصلة حواليك فاتتحول لانسان معندوش دم ومابحسش باللى بيحصل حواليا ...


ولو استسلمت للكابوس ورميت الحلم ورا ضهرى هتحول مع الوقت لانسان كاءيب حافى منتن فى ريحتى من كتر مانا متتقوقع تحت البطانية وغير مبالى لانى مقتنع بهمومى اللى فى راسى الةى لسة هتحصل او خايف انها هتحصل برضة مع انى المفروض مش بنجم ... والبتالى باكون انسان انانى همى وكابوسى ومن بعدى الطوفان ايه يعنى عندك مشاكلك الفعلية وحاصلة منا كمان عندى كابوس هيموتنى .... 


الجليد اللى بيتكون جوانا بسبب اما حلم او كابوس ... كل عادى جدا وبيحصلنا كلنا وبتمر علينا لاحظات الحلم ولحظات الكابوس ... بس اية اللى بيعمله جوانا التلج دة ؟؟ بيمنعنا نحس يمكن !! لا خوف بقى ولا فرح ولا هدوء ولا دوشة ... حتة تلج هى مش حاسة بحاجة بس مطلعة برد وسقعة على حواليها يعنى بس انا متلج لاء كمان بتلج الحواليا معايا ....

طيب ايه بيدوب التلج !! 
النار يمكن ؟ !
طيب لو الخناقة اللى جوانا هيى اللى بتملانا جوانا تلج ,, اية بقى اللى يخلىجوانا نار تسيح التلج دة ؟؟!! 

النار رمز للقوة والحماس الخطى الواثقة والثابتة لقدام ديما .... ماشى يعنى اعمل ايه !! اولع فى البيت ؟؟! 


لاء الناس بتوع اللايف كوتشينج بيعملو ايه بقيقولك ولع شمعة قدامك لما تكون عصبى او متوتر او قلقان هتهديك وهتصفى ذهنك هو الحقيقة انها بتسيح التلج اللى جواك فابتصفى الروح وبتخلى كل حاجة واضحة قصادك فابتقدر تشوف الجمال اللى بيبقى مستخبى تحت تراب القبح جوانا وفى اى حاجة حوالينا ....


النار او الشمعة دى ممكن تكون اى حاجة ممكن تكون حتى اشخاص حوالينا مجرد كلامنا معاهم ممكن يسيح اى جبل تلج جوانا .. ممكن يبقى خناقة مع حد بنحبه فانعرف بعدها قد ايه حبنا دة بجد او هزار او علاقتنا دى مهمة ولا هشة ... او حتى لو مع الناس فى شغلنا ... مشكلة بجد قابلناها فى حياتنا بتعرفنا احنا مككن نستحمل ايه او مانستحملش ايه وبنتعلم وننضج بعدها فاللى يجى بعدها مش هيخبينا من نفسنا تحت اللحاف ... قوة وثقة انك تفتح شباكك فى عز المطر وانت مش خايف لانها واضحة قصادك ان المية مش هتتدخل م الشباك تغرقك ... عارف نفسك بتحب المطر افتحلها الشباك مابتحبهاش اقفله بتحبها بس بتخاف تعية اقفل الشباك واتفرج عليها من وراه واطلق لقبلك عنان الاحساس بيهو وخيالك ياترى المية علوش بتعمل ايه وهتلاقى متعة فى الخيال زى متعة الجرى تحتها مش هتفرق .....


الاحلام والكوابيس فلاشات بتيج قصاد عنينا ماتخليهاش تاخود منك وقت اكتر من وقتها اول ماتلاقى التلج اتكون جواك اشعل النار او ولع الشمعة بسرعة الحق نفسك قبل ماتكون انسان بارد او انانى .. ماحدش فينا يحب يكون كدة ... الحياة حلاوتها فى نارها هتخليك تحس وتملاك حماس بس مش هتبعدك عن اللى حواليك هتصفى روحك هتشوف احسن هتتعامل احسن هتعرف تلاقى السلام بينك وبين نفسك ..عندك حلم اسعاله عندك كابوس ماتغذيهوش بافكاراك السودة لو ولعت النور مش هتشوف خيال مرعباو لو تفيطو خالص وخليتها كحل برضة مش هتشوفه خالص لكن اللمبة السهارى او البصيص الوى من بعيد دة هيهريك خيالات مرعبة وكل فى ايدك هتولع الشمعة ولا هتلعن الضلمة ... :) 


بس كدة

ليست هناك تعليقات: