الأحد، 19 أكتوبر 2008

فى الليل................

فى الليل ...بتصالح مع نفسى
فى الليل...بشيل القناع من على وشى
فى الليل ...بلاقى اللى بدور عليه
فى الليل...بفتكر اللى واحشنى
فى الليل...بطفى النور واعيش على نور الشمعة
فى الليل...مافيش دوشة
فى الليل....مافيش كذب
فى الليل...النجوم بتلالء فى السما
فى الليل....القهوة ليها طعم تانى
فى الليل....صوت فيروز يتسمع من القلب مش من الاذن
فى الليل....كتابى ينام فى حضنى واسرح فيه
فى الليل...بنسى الاسية وافتكر الذكريات الحلوة
فى الليل....امبارح خلص وبكرة لسة ماعرفوش
فى الليل....بحضن نفسى واحس بالامان
فى الليل....اقدر المس ملامحى فى المرايا
فى الليل ....كلبى الصغير بيصحى ويعد يلعب تحت شباكى
فى الليل.....بقدراحس ان احلامى اقرب ليا
فى الليل.....دموعى بتلاقى حريتها
فى الليل....تفاجئنى ابتسامتى انها كانت مستخبية
فى الليل.....بلاقى الحب
فى الليل....بلاقى الامل
فى الليل.....بلاقى الحق
فى الليل.....بلاقى النية الصافية
فى الليل....بعرف الحقيقى من الكداب
فى الليل....بواجه نفسى
فى الليل....بعيش حياتى على مزاجى
فى الليل....برقص مع النجوم على انغام ضوء القمر
فى الليل......علاقتى بربى دايما احسن واقرب
لو عليه اخلى كل اليوم ليل ..................................لكن للاسف ماينفعش

هناك تعليقان (2):

Ahmed Shokeir يقول...

عشان الكلام الجميل ده كله عن الليل .. سميت مدونتي على إسم الليل

cema يقول...

احمد انا سعيدة جدا بتواجدك وتعلقيك على كلامى .... وسعيدة اكتر ان مدونتك اسمها كدة لانى بعتبر الليل يعنى النقاء وده معناه ان مدونتك كلها نقاء