الأربعاء، 31 ديسمبر 2008

بداية جديدة................


ونقول كمان ...............

بداية جديدة،ولما نقول جديد معناه انه كان فى حاجة قديمة،،والقديم مش كله وحش وبرده مش كله حلو فى كدة وكدة لان الدنيا اصلا ماينفعش تبقى حاجة واحدة ،،فترة ربنا اصلا فى الارض وحكمته بتقول ان مافيش فى الدنيا حاجة واحدة كل حاجة منها اتنين،،التناقض،،يعنى زى مافى وحش فى حلو،فى قديم يبقى اكيد فى جديدوالنهاردة بداية جديدةيوم جديدشهر جديدوالاهم سنة جديدة،يعنى تاريخ جديد بيبدأ1\1\2009السنة القديمة اللى فاتت علي انا شخصيا وعلى الناس كلها فى كل الدنيا ،كان فيها حاجات كتير توجع بس كمان كان فيها اكيد حاجات تفرح،هو صحيح اللى يوجع بيبان اكتر لان الوجع بيسمع فى النافوخ لكن الفرح بيمر كدة بهدوء فى قلوبنا بنحب نسرخ ونعلى صوتنا لما نتوجع،لكن لما بنفرح بنكتمها جوانا زى مانكون بنخاف لا نتحسد على الفرح "يمكن بنخاف من روحنا لما بنفرح" بس بجد انا شايفة ان بالرغم من الاوجاع والآلام والصداع ،اكيد فى ابتسامة ودوا وفرحة فى القلبمش اكيد لبسنا لهدومنا القديمة بيضايقنا ،لكن اكيد لبسنا لهدوم جديدة بيفرحنااذا،،كل ماهو جديد فى امل والامل هو اللى بيدينا الاحساس بالابتسامة،مش لازم سعادة مفرطة لكن على الاقل ابتسامةابتسامة لشمس جديدة بتشرق ابتسامة ليوم جديدابتسامة امل لانه اكيد فى امل انا عندى امل رغم ان الدنيا دلوقتى لسة مضلمة قوى"واحدة بالليل"يعنى بدأنا احلك اوقات الليل ظلمة،بس كمان انا متأكدة انه كمان كام ساعة بسيطة جدا الفجر هيشقشق ولو دلوقتى بسمع اصوات الليل المخيفة او المقبضة للقلب ،كلها كام ساعة وهسمع صوت طيور الصبح وهى بتسبح بحمد ربنا وبتغنى وهى بتسعى تدور على الرزق اللى ربنا واجدهولها فى الدنيا،هى مش عارفاه ولا عارفة رزقها فين ولا حتى هو قد ايه ،بس اديها بتسعى تدور عليه وهى بتغرد بصوتها الجميل,بتغنى بقى بتسبح بتقول ايه مش مهم المهم اننا حاسيين انها مبسوطة جدا وسعيدة ،اذاكان الطيور اللى مافيش فى ايدها حاجة بتعمل كدة ومتفألة،يبقى احنا يابشر عندنا عقل وبنفكر ,نتشاءم ونخاف طب ازاى؟؟؟؟؟؟؟طول مالشمس بتشرق،طول مافى جديد،طول ما فى املاكيد هنفضل على الاقل مبتسيمين وجوانا تأكيد انه بكره احلىمافيش احلى من كدةخسرت حاجات كتير قوى فى2008خسرت ناس بجد كانت جدعة معايا على قد ماقدرت اخر حاجةضاعت منى حاجات صغيرة فى وسط زاحمة حاجات كتيراكتشفت حاجات كتير لكن زى ماخلصت سنة خلص معاها كل الوجع وزى مابتبدى سنة جديدةزى ماهنلاقى حاجات جديدة بدل اللى ضاعتهنكسب ناس تانية بدل اللى خسرناهمهنكتشف كمان وكمان وكل مانكتشف اكتر كل ماهنتعرف على نفسنا اكتر واكتر ونعرف نشتغل على نفسنا اكتربس هو الايمان :ايمان فى قدرتناايمان فى بكرةايمان فى ان زى ماخلصت احزان قبلها ،هتخلص احزان جديدةايمان فى ان زى مافى خير فى شرايمان فى ان الحياة انتين،متفاقين،مختلفين،،بس فى الاخر بيوصلو لنفس النتيجةايمان فى ان الحب هو المركب وهو بر الامان،الحب بيصنع المعجزاتنحب نفسنا ، نحب بعض،نحب العالم اللى حوالينا،نحب شغلنا ،بلدنا،اصحابنا،جيرانانقلع النضارات السودا،عشان نتعرف على الوان الدنيا الطبيعيةيارب سنة جديدة وبداية جديدة بداية لكل واحد على حدا فى الاخر هنلاقى نفسنا كلنا ابتادينا بداية جديدةمن نفسنا للعالم اللى حوالينا

الأحد، 28 ديسمبر 2008

رسالة من بغى قديمة،الى مغتصبة حديثا...............

اختاه،،اعلم انه ماتمرين هو الصعب بعينه ، فلا اصعب ولا اسواء ولا يوجد شىء اقصى من ما تمرين به فى حياتك اليوم
انى اعلم جيدا مابك الان فلا احد يقدر على هذا الشعور ولكنى قد تعرضت لمثل هذا العمل الوحشى من قبل ....ةها هى قصتى ساتولها عليكى كى تعلمى ان الظالم واحد ............

منذ اكثر من 40 عاما قد تعرضت لمثل هذه الحادثة الشنعاء المخجلة والموجعة لكل ضمير صاحى،،قد تم اغتصابى وقتل ابنائى فى "بحر البقر" وسلبت منى اراضى وثروتى التى تركها لى اجدادى الفراعنة والاقباط والمسلمين، ولم يترك لى اى شىء ،لا شرف ولا ابناء احياء ولا ارض استطيع الوقوف عليها لكى ارى ماذا يحدث حولى ،سلب منى كل شىء ولم يبقى شىء سوى العار والفضيحة ،الفضحية والعار ليست لما حدث لى جسدايا فقد سلب من الشرف فى معناه الاكبر فقد تحولت فيما بعد الى ممارسة للمهنة ،بعد ان فقدت كل شىء وظل هناك ممن هم فلى مسؤليتى لم استطع من اين سأتى لهم باحتياجتهم فق كنت اريد القمح وتحسين الاقتصاد وايجاد القطن لكى اكسى من ليس لهم ذنب فيما حدث لى ،وقد نسيت ان السترة من بيع الشرف هى زيادة فى العراء ,,ولا ستر مع عدم وجود شرف،، اكمل لكى ماحدث بى لان ماحدث كان الابشع حيث من ضاحيت بالكثير لهم قد كبرو واصبحو يتهموننى ببيع الشرف واصبحو يطالبونى بان اقتل نفسى لكى يرفعو رأسهم وسط العالم فالان يشيرون الى باصابع الاتهام لاى من فرط فيما لديه وانا التى بعتك واوقعت بكى فى شباك هذه العملية الوحشية وقد نسو انى كنت مثلك يوما ضحية
فكان يوجد شخصا واحدا فقط كان من المحتمل ان يقذنى وينقذك معى ولكنه قد ضرب ،،استيقظت يوما لم اجده فانه قتل ،،لماذا؟لا اعرف..من قتله؟لا اعرف ,,لكنه لم يكن معى فلم اعرف كيف كان سينقذنى وينقذك لا اعرف؟ ولكنه كان قبل رحيله يتعهد انه سوف ينقذنا، ولكنه رحل !!!!!!!!!!!!!
توسمت خيرا فالذى تى بعده لكنه لم ينقذنى بل استخدمنى اكثر واكثر لاسباب لا اعرفها ولم استطع الكشف عنها ،،لكن النتيجة هى ما انت عيه الان ،،انا لست السبب لكنى كنت اداة مجرد اداة لا اعرف من يستخدمنى ضد من ولا اعرف لماذا اصلااستخدم ولا اعرف متى ساتوقف واتوب واعود كما كنت لحياة مليئة بالشرف والعفة والقوة

سامحينى يا اختى العزيزة فمن زمن بعيد جدا جدا جدا وانت نقطة ضعفى التى اعطاه من لا يملك لمن لا يستحق ،فكلانا ضحية ظالمين ،انادل لا يملكون ولا يستحقون سوى السحق من الوجود،،ضحية ظلم وضعف بل جبن دعينى اقول ....
ماذا سافعل انا معكى ونحن ضعيفتين لا نملك شىء ،،امرأتان يغتصبان على مرمى ومسمع من جميع رجال الارض ولا خطوة واحدة تأخذ للامام او حتى للوراء لكى ينقذانا ،بل منهم من يارك بيده الحقيرة مع الايدى الاكثر حقارة وهى تعبث فى الجسد الطاهر المقدس دون خشا او حياء او حتى رمشة عين تدل عن نغزة فى الضمير ،،لا اعرف لماذا انا اتهم معهم مع انك اختى الصغرى التى دفعت ثمن شىء لم تعثر عليه يوما،غزة اختى الصغرة ،،انا مصر اختك الكبرى اقول لكى انت اطهر منى فانت اغتصبتى لكنك يوما لم تصبحى بغى فلا انت ولا احد سيسمح لكى بممارسة هذا الفعل المشين ولا ستفعلى هذه التضحية الرخيصة التى قمت بها من اجلك انت وجميع اخواتى الصغار وحتى الكبار منهم
لا تخافى فمثل ماضحيت من اجلك فى زمن اسبق من هذا ،مثل ماضاحيت بأبنائى فى الفلوجة منذ 60عاما فأكايد لم ولن انساك وسأضحى من اجلك لا تخافى ،لم اسمح بأن تصبحى مثلى فانت لا تستحقين ان تكونى هكذا،،لابد وان يعرف العالم اجمع ان يرى كيف تعبث بكى تلك الايادى الحقيرة والعقول المسمومة والقذرة بكى يا طاهرة يا فلبى وقلب هذا الوطن المجروح ..............

يا حكامنا يا شعوبنا ويا شعوب العالم اجمع هذه دعوة للمحافظة على الشرف والعفة والالكرامة والكبرياء ،،ما اشاهده بعينىى كل ثانية هو ادانة للعالم اجمع ،فهذا ليس وقت للبحث عن المتهم ،لان المتهم الاول والاخير هو ضعفنا واستسلمنا جميعا لما يحدث فى هذه البقعة المقدسة فى قلبنا وقلبا العالم الاسلامى والعالم اجمع ،فانه ليس من الشطارة ان نشير بصابع الاتهام ونمصمص الشفاه ،ونحن نضرب على قفاناوتغتصب فلسطين امامنا فالجانى معروف لكل كائن حى على وجه الارض ومعروف للسماء ايضا ،فال مكان ولا وقت لكى نبحث فهو واضح كالشمس امامنا جميعا ،هذا ليس وقت تخاذل او حسابات ،،كفى ....................................

السبت، 27 ديسمبر 2008

أغتصاب يا خوانة ..................

كان يوم غريب,,لكن بصراحة ولازم اعترف بده اول مرة احس ان قضية فلسطين واللى بيحصل فيها مأثر على فرحتى اللى حاصل فى غزة النهاردة شىء مؤثر جدا واول مرة احس بالعجز وقلة الحيلة مش عارفة اعمل ايه،، فلسطين،،مغتصبة،،اغتصاب،،فاهمين يعنى ايه اغتصاب ولا ماسمعتوش عنه قبل كدة ؟ وبجد وحقيقى اول مرة احس انى لاازم اكون هناك,احساسى بالعجز قاتلنى ومش بس عجز لكن جبن كمان اد ايه انا حاسة انى مواطنة عربية جبانة وانى مستحأش انى اعيش فى حضن الوطن دة الوطن اللى عايش وبيتبسط وقلبه مجروح ازاى ازاى قادرين نضحك ونعيش ونسين اللى بيحصل فى ارضنا المقدسة المحتلة هاهاهاها" مقدسة محتلة" فى فىالدنيا حاجة اسمها مقدس محتل يبقى ازاى مقدس انهى قدسية دى اللى احنا سايبنها كدة تنتهك وتحتل سنين وسنين واحنا بنشوف وبنتفرج وبنمص شافيفنا على اللى بيحصل فى فلسطين واحنا بنتفرج عليه فى التليفزيونات ,سامحنى ياوطنى على ضعفى وقلت حلتى اصل حكومتى مش فاضيالك وراها نهب وسرقة وافراح عشر نجوم مش هى بس فى غيرها اللى مشغول باالبترول واللى مشغول بخناقة على حدود ارض واللى واللى وسايبين قلبك بينزف مجروح مدبوح منتهك مين فيهم حاسس بيك الكل اتأمر عليك ,,,طب فين حقوق الانسان وفين سفرات النوايا الحسنة وفين كل الناس اللى واجعه دمغنا على تعذيب السجون وانتهاكات المساجين فين الناس اللى صعبان عليهم الكلاب والقطط اللى فى الشارع فين كل دول والاطفال اللى بتموت من الجوع والبرد والعطش والضلمة والظلم والتشرد,,,امتى بقى يارؤساء يا امراء ياشعوب امتى بقى تنتهى المهزلة دى ناس بتموت كل دقيقة من غير اى ذنب وعلى رأى المثل المصرى الشهير"البيت بيت ابونا والغرب يترودونا" بس يارتها جت على الترد وبس دى مهزلة ده اغتصاب اغتصاب وهتك عرض كمان ودى جريمة عقبها الشنق الشنق يعتى الموت الموت لكل واحد يغتصب ويهتك عرض واللى حاصل فى غزة وفى كل فلسطين لسة الحروف فى اللغة العربية بكل ثراءها فى المعانى لسة مافيش الجمل والكلمات والحروف اللى توصف اللى بيحصل فيها كفاية جبن وصعف قوموا بقى واعملو حاجة فى حياتكو قبل ماتقبلوا رب كريم ياولنا من عقلبه وياولنا من دعوة المظلوم واحنا ظالمنها وجايين عليها وكل حكومات الوطن العربى مالهاش دعوة ياعم واحنا مالنا هنسيب السرقة والفساد لمين واللى يقولك هنسيب بترولنا لمين واللى يقولك هنسيب ماشرعنا واعمارنا لمين واللى يقولك هنسى حقدى على فلان ازاى خليكو يا كل حكام الوطن العربى متنيلين بستين نيلة على عنيكو وخفكو وجبنوكوا منها ومن ابنها المدلل بس اكيد غزة هاواى نفسها بنفسها وبايد كل اللى لسة شرفة وحاسين بيها اصل الوطنية والنخوة مالهاش كبير ولسة الشعوب والحمدلله ماحدش كاسر عنيها العمر واحد والرب واحد اموت وانا بادافع على المبدأ ولا اعيش نايم على ريش نعام بس عريان والكل بينهش فى جسمى سامحينى ياغزة على ضعفى اصلى عربى

الأحد، 21 ديسمبر 2008

انا والشتا وهواك...............


لما اتكلمت عن الحب ناس قالولى حب ايه ده هبل, فا اعدت افكر ليه ممكن حد يقول على اسمى معانى الدنيا هبل ؟ الحقيقة ان الحب معناه بيختلف من حد للتانى انا مثلا اليومين دول بعيش قصة حب وهمية , مش عايزين ار ها الحا جات دى بتتنظر , بس مش حب اللى هو بتاع واحد وواحدة وكدة " يعنى ربنا يبعت" لكن انا اليومين دول عايشة مع حبيبى اسمه ديسمبر ,ديسمبر اول الشتا " ده اسمه باالكامل " ديسمبر حبيبببى ده احلى حاجة فى الدنيا ذكرياتى معاه ماتتنسيش ومن زمان بحسة اكتر حد رومانسى فى الدنيا , اكتر حد ممكن يخدك فى حضنو وتسهر معاه احلى ليلة رومانسية فى الدنيا,كل حاجة فيه جميلة,,طب اتخيل معايا كدة وانت بتجرى على كبرى قصر النيل فى عز البرد عشان تتدفى ويكون معاك اكتر حد بتحبه فى الدنيا مش مهم مين انشالله يكون ال ام بى ثرى بتاعك وانت بتسمع احلى اغنية باالنسبالكطب اتخيل معايا كدة وانت جايب بولة اي كريم لمون شكولولاتة وبتكلها وانت بتتمشى بالليل فى شوارع وسط البلد ولا سعت العاصارى فى الزمالك ممممممممممم لذيذ موت ولا الحالة الرهيبة الكبرى لو انت بقى مجنون اخر حاجة تروح طالع على الاسكندرية هوا وتعقد على البحر اللى يجنن وهوا يسطلك وانت قاعد وبرده مش مهم مع مين " لاء دى مهم لازم حبيبك " وتدفو فى حضن بعض من البرد وشوية حمص الشام بقى الللللللللللللللللللللللللللللللللللللللللللللللللللللللللللللللللللللللللللللللللللللهدافى ويجننكل ده لا يمكن اعيشه مع حد الا مع حبيبى ديسمبر , تقدر تعمل كدة فى ابريل مثلا ؟!؟!؟!حلاوة ديسمبر كمان انه على طول فرحان على طول سعيد وكمان ايه كل الناس بتحتفل معاه بعيد ميلاده العالم كله بيحتفل وكل الناس اللى زعلانه من بعضها بتصالح بعضها, كل الناس بتقعد تشوف ايه الصح اللى عملوه وايه الغلط والكل بينوى انه تيجى عليه سنة جديدة ويقول اللى جاى احلى , متفائل , مجنون , فرحان , منطلق ,كله افراحمن كتر حبى ليه قلت لو يعنى بعد الشر اتجوزت لازم اتجوز فيه , كمان عيد ميلاد اعز الناس على قلبى فيه , كمان عرفت فيه خبر هز كيانى كله " سورى حاجة خاصة قوى" كمان من تمن سنين وحبيبى منير بيحتفلو بعيد ميلاده فى الاوبيرا اللى نفسى احضرها بقى السنة دىانا حابيت اقول ان لحظة الحب الحلوة ممكن تتعاش مع اى حاجة واى حد حتى لو مج عندك ممكن وانت بتشرب فيه بتحس بحب ينفع تعيش حب طول الوقت لو حبيت الحاجات الصغيرة دى هتوصل انك تحب اعظم حب فى الدنيا"اللى كلنا عارفينه وبنحبه برده"جربه كده تحبو معايا ديسمبر ولا لاء انا بغير اللى عايز يحب يروح يحب واح تانى غى مارس كويس على فكرة :) :) :) كل سنة وانتو طيبين

السبت، 20 ديسمبر 2008

الحب كالقدر,,ان عاندته اقتحمك.....


لما بسرح وأشطح بأفكارى لبعيد ,بتيجى فى مداغى افكار كتير معظمها غريب ويمكن مرعب , ومن ضمن الافكار الغريبة اللى جت فى بالى كانت فكرة عن الحب ,,حاسيت ان الحب عامل زى الموت يشبه فى حاجات كتير.....

هى الفكرة غريبة ويمكن تخض الناس لما تسمعها وده لاننا دايما عندنا خوف من الموتوالكلمة نفسها بتثير جوانا حاجات كتير وافكار كتير منها يطمنك مرة ومرة تانيه يخوفك على حسب حالتك الايمانية ساعتها,,ودى نفس الفكرة الاساسية فى الحب

ناس كتير كلمة حب عندها بتعنى الالم والخوف والفزع ساعات ,على حسب حالتهم العاطفية على حسب شافو ايه من الحب و سمعو عنه ايه!!!!


الموت بيجى فجأة فى حياتنا وبيخطفنا اما على جنة او اما على نار,,زى الحب..بيجى فجأة عمرك ماتعرفله ميعاد او زمان او مكان واما بياخودنا للسعادة والجنة ,اما بيكون عذاب وشقى ..مافيهوش بين البنيين...


الموت هو الحقيقة الوحيدة فى الوجود,لما ببص حواليا بكتشف ان اى ممكن يكون فيها كدب وغش لكن الموت حقيقة مؤكدة"كلنا هنموت"....زى الحب ,,الحقيقى منه,,وانا بفترض ان الحب حقيقى ,,ماقصدش الاشكال اللى بيتقال عليها حب ,لاء,,انا بتكلم على الحب اللى هو حب اللى هو برده فى اصله حقيقة مؤكدة,,مافيهاش غش ولا كدب ,,بحبك يعنى مش هضحك عليك ,مش هغشك,,الحب عنده معناه الحقيقة,الحرية ,الامان....


الموت ,,هو المستقر الاخير لحياتنا اللى احنا مدريكنها وعارفنها مش اللى احنا لسة مانعرفش عنها حاجة,,الحب كده برده,,هو اخرك مستقرك ,,اخر محطة الضياع والتوهان,,هو استقرارك وهدوءك وطمئنة نفسك ومسقرها ..


الموت هو نهاية عذاب الدنيا ,,والحب هو نهاية عذاب الوحدة اللى هى اشد عذاب بنقابله فى دنيتنا,,لمل واحد بيموت بنقول ارتاح,,ولما واحد بيحب بنقول برده ارتاح واخيرا قلبى ارتاح..

أوالموت ممكن يكون بداية عذاب اخر ووحشة,,وبرده الحب كده,,ممكن يكون بداية عذاب مالوش نهاية

والاتنين نتيجة احنا اللى بنوصلها بايدينا مش بايد غيرنا,,يعنى ممكن يكون الموت بداية راحة فعلا,,لو احنا اشتغلنا على اننا دايما نحسن من نفسنا ومن اعمالنا فى الدنيا وفى علاقاتنا باللى حوالينا,,وبرده الحب كده ممكن نعيش احسن شعور فى الدنيا ونسمتع بيه لو اخترنا اننا ننجح علاقة الحب دى ونشتغل على اننا نحسن من نفسنا عشان اللى بنحبه,,يعنى نتيجة الموت والحب احنا اللى بنعملها..


الموت والحب قدر ربانى مالناش يد فى حدوثه,,لكن النتيجة اللى بنوصلها فى الاخر احنا اللى بنعملها بنفسنا واحنا اللى بنختارها,,ماهياش قدر دى اختيار....

فى الحالتين وزى ماقلت انا بتكلم عن حقيقة مانيش بتكلم على اللى بيتسمه حب لاء انا بتكلم عن الحب على انه حقيقة فعلية من الحقايق الكونية اللى موجودة فى الكون حوالينا ,,الحب فى حقيقته مساوى تماما للموت كحقيقة مافيهاش فرق

"الحب هو بداية حياة ,ونهاية حياة تانية،والموت هو نهاية حياة وبداية حياة تانية، وفى الحالتين احنا اللى بنختار الحياة وازاى نعيشها،لكن مش بنختار وقتها ولا مكانها,,,ده ترتيب ربانى"


ودى كانت شاطحة من شطحات خيالى ،،ياريت ماحدش يتخض من الفكرة لان الموت مش حاجة وحشة،،ولا الحب......

الجمعة، 12 ديسمبر 2008

فنجان قهوة...............


فنجان القهوة فى بلدى ثقافة ,,وزمان ايام الزمن الجميل كانت القعدة فى جروبى ولا كازينو الشجرة بالدنيا ومافيها

ولا القعدة فى قهاوى وسط البلد وقهاوى المثقفيين,,وكلمة عايزاك فى موضوع مهم ويكون الرد عدى عليه ناخود القهوة سوا ......... ليه القهوة مش الشاى,,عن القهوة عندنا ثقافة

القهوجى " يعنى اللى غاوى القهوة مش دوءدوء اللى فى قهوة المعلم حمودة" اللى غاوى قهوة مثقف بطبعه ,,مش المثقف اللى هو بنضارة وكتاب ومابيستحماش ده لاء مش قصدى ده انا اقصد التانى اللى غاوى مزيكا وعنده هم شاغل باله ودماغه طول الوقت,,مش هم شخصى لاء هم جماعى بلده والمواطنين امثاله بكرة ولادنا نهر النيل وتلويثه الناس الغلبانة اللى يادوب بتعرف تلاقى قوت يومها بالعافية هم الجيل اللى طالع حتى لو ماعندوش عيال ولا حتة فى حياته علاقة لكن هو برده شايل الهم ,,السرقة والنهب والتهليب مين راح مين جه مين بيموت فى فلسطين والعراق,,لبنان وسوريا على فين القهوجى مش عايش بره الزمن ,,ايه الجديد فى المزيكا ,واخر اخبار المسرح ,وايه رأيك فى اخر فيلم شفته؟واخر كتاب ماسكه فى ايده وبيقرا وهو بيشرب فنجان قهوته على ضوء خفيف يادوب متسلط على الكتاب وفى الخلفية تلاقى صوت "سيناترا ولا لوتشيلو,,او حتى مزيكا من غير صوت" وساعتها القهوة ليها طعم تانى..............ز

او تلاقيه ماسك قلمه ورقته وقاعد يقول "بسم الله الرحمن الرحيم,,نقطة ومن اول السطر.........." ويخط اول خط فى كتابة " مذكراته,روايته الاولى اللى بيحاول يجسد فيها معناة بيشوفها كل دقيقة فى الحياة,يكتب جواب للمحبوبة وهو عارف انها مش هتقراه,,كارت معايدة بمناسبة عيد ميلاد ابن اخوه اللى هو اهم حاجة فى حياته,,..........." المهم انه مش هيبدأ كتابة من غير فنجان القهوة...........

او تلاقيه بعد الوجبة المتينة من الفول والطعمية فى السيدة زينب ولا الرفاعى بيدور على اقرب قهوة ويحبس بيها عشان يستطعو الاكلة التمام..........

او تلاقيه واخد ريشته والوانه ومتفق مع اصحابه يتجمعو فى مكان ويبدأوا يحضرو لوح المعرض اللى جاى اللى هيكون عبارة عن فن تشكيلى وتصميم حلى , ونحت على الخشب ,,, وبعد هدة يوم طوي هيروحوا يشربو القهوة مع بعض.....


هتلاقى جدتى ساعة المغربية معاها السبرتاية وقاعدة جنب شباك قضتها وبتعمل ليها ولجارتها فنجانيين قهوة ويفضفضو لبعض عن الراجل وعياله وعيال العيال ومرات الواد وجوز البنت ,,احلى قاعدة نم ستات ...........


هتلاقى شلة البنات متجمعيين بعد الشوبينج وحابيين يحكو حكاوى بنات بعد اللف يوم طويل ,,على ريحة القهوة .......

هتلاقيها واقفة قدام كنكة القهوة حزينة شريدة بتفتكر احلى الاوقات ,كنا بناكل كذا,وبنشرب القهوة مظبوطة واخر مرة حكينا ورتبنا امتى هيجى ويشرب القهوة مع بابا,,ويجى بابا ويقولها سكى على القهوة وخليها شربات...............


هتلاقينى ....قاعدة ,بعد يوم طويل مطمنة فى على "أية وحفيدى وهبة و باقى الشلة." ومولعة الدفاية وجنبى زووم وصوت فيروز مالى المكان وروايه محفوظ فى ايدى قاعدة قصاد الشباك بتنفس هوا ربنا الجميل ,, وفى ايدى فنجان القهوة......................

السبت، 6 ديسمبر 2008

وها قد اتى العيد..............


فى زمنا لما كنا صغيرين وكنا نسمع بكرة العيد ,كانت الكلمة بالنسبة لنا منتهى السعادة

بكرة العيد ,,يعنى لبس جديد

بكرة العيد ,,يعنى الفطار فى بيت جدو واللعب مع الصبيان والبنات

بكرة العيد,,يعنى عدية من بابا وماما وتاتا وجدو الخلان والاعمام والجيران وكل الناس الحلوة دية

بكرة العيد,,يعنى وقت الاجازة الطويلة اللى كلها خروج وفسح ولعب ومركب بشارع فى النيل

بكرة العيد,,يعنى بومب وصواريخ وفرقعة فى الجووبالالين حمرا وصفرا وزرقا

بكرة العيد ,,يعنى الكحك والبسكوت فى " الصغير" ,,,

بكرة العيد,,,يعنى خروف يمءمء طول الليل ويندبح الصبح

ويجى العيد ........الله اكبر الله اكبر الله اكبر ,,لا آله الا الله ,,,الله اكبر الله اكبر الله اكبر ولله الحمد ,,تكبيرات وذكر اسم الله للصبح ,,وده بيكون احلى صبح

يجى العيد ,,وبعد الصلة تتجمع الصحبة الحلوى ونفوت نعيد على الكل اللى نعرفه واللى مانعرفه...


ده العيد فى بلدنا الحلوة الجميلة مصر اللمة والضحكة الحلوة ,,تجميعة العيلة على فطار اول يوم العيد ,,الفتة واللحمة الضانى وصنية الرقاق بالشربة من ايد جدتى,,,لمة ستات فى المطبخ ساعة صبحية ,,,لمة الرجالة على القهوة بعد الصلة فى الفجرية,,ولعب العيال على باسطة السلم والضحك جايب اخر الميدان......................


لكن................العيد كلمة بقى ليها معانى تانية خالص

العيد بقى معناه حالة طوارىء فى الشوارع وانتظار لحادثة تحرش جماعية من شوية شباب لشوية بنات ماتفهمش اصلا جم منين ولا رايحين فين

كلمة عيد بقى معناه ,,شرب وتهييس ولف فى الشوارع بالعربيات والجرى والتدوير على اى حاجةا تضيع الدماغ وهو اسمه عيد........

كلمة عيد للاسف اصبحت باب رعب لكل بيت فى مصر من نزول اولاده وبناته للشارع ,,وياترى السنة دى هتكون حادثة التحرش فين فى انهو حى ولا شارع ,,وسط البلد ولا المهندسين ولا مدينة نصر ولا ...ولا ....ولا .... بس الاكيد انها مش هتكون مصر الجديدة :):):):) الحصن الحصين


بجد بتمنى ان العيد ده يمر بأمان وسلام ويكون عيد بجد يعنى فرحة ولمة وفسحة حلوة ,منخافش اننا نخرج ونفرح نحس بأمان واهلنا كمان يحسو علينا بامان ...

المفروض ان العيد مناسبة دينية روحانية ,,مش عارفة ازاى بنصلى العيد ونحرص قوى على صلاة العيد وبعدين نعمل تصرفات بعيدة تماما عن اللى عملناه فى الصلاة ,,ماينفعش


يارب اسعد ايامنا واجعله عيد مبارك علينا كلنا واجعل بركته تهل علينا بالمان والسعادة والخير..وترجع تانى كلمة عيد يبقى كلها فرحة وسعادة ولمة وضحكة حلوة هادية صافية......................

وكل سنة واحنا كلنا طيبين وبخير يارب " عيد مبارك"

الثلاثاء، 2 ديسمبر 2008

لم اكن يوما رجلا......................


عندما لجأت الى لكى تشكى لى كم تعانى من ذلك العشق الذى كاد ان يفتك بقلبك العذب الرقيق ,,لم أستطع حينها المساعدة

فقد كانت شكواك اقوى من عقلى واقوى من احساسى ,,فلم أكن يوما رجلا لكى اشعر بما يمكن ان يشعر به الرجل عندما يعشق,,لكنى انسان اعرف كيف يشعر الانسان عندما يجرح من طعنات تلك الحياة,واعرف انه مع اختلافنا ولكن المعانى فى الحياة لا تختلف باختلافنا نحن,فالكذب كذب كلانا يشعر به ,والعشق لا تغير حتى لو تغيرنا نحن,والفراق قاسى علينا جميعا ,,فدائما تثبت المعانى ولا يهمها كيف نحن ولا من نكون,رجلا كان ام امرأة ,,كلانا يجرح ويخدع ويتآلم ولكن,,احساسنا به وتأثيره علينا ,,فهو خاص بكل منا على حدة....

فقد جئت تشكو من البعد والفراق,,من الهجر والخصام,,من عدم الاهتمام وسوء التقدير

جئت تشكو من حيرة ,,هل مااشعر به هو حبا حقيقيا ام هى مجرد لعبة قررت الحياة ان تلعبها معك؟

جئت تشكو من ضعف,,ضعف جعلك لا تستطيع تحمل هذه الدمعة التى تسقط من عينيها حين تقرر العتاب....

جئت تشكوكذب,,لمعة الكذب التى تظهر فى عينيها وهى بين يديك ولكن تضطر حينها ان تكذب على نفسك وتقول انها لا تكذب................

جئت تشكو الوعد,,مائة غدا والاف الوعود ولا شىء يحدث ولا غدا يأتى ونبات ونصبح فى نفس تلك الوعود.....

جئت تشكو احلام ,, احلام ضائعة مستحيلة وممكنة ,,بعيدة جدا واقرب لك من وريدك فى نفس اللحظة.....

جئت تشكو آلم,,ولكن أى آلم تريد ان تشكو ,,اهو آلم القرب او البعد,,آلم يشعرك بنشوة ام آلم يقتلك؟

ثم.............

ماذا تريد بعد كل هذه الشكاوى؟

اتريد الحنان!!!!

ام تريد النصيحة!!!!!!

ام جئتنى باحثا عن شىء ما لا اعرفه ,وحتى انت ,لا تعرفه!!!!!!!


صديقى اذا كان بحث عن حنان يعوض لك مأساة عشقك الضائع وسط كل هذه الشكوى ,,فلا يروى الظمأن سوى الماء العذب وانت لا ترى اى ماء عذب سوى تلك الماء التى تتذوقها من يدها ,فلا أنهار العالم جميعها يمكنها ان تروى ظمأك


واذاكان بحثا عن النصيحة,,فسأخبرك نبأ جديد فقد اغلق باب النصائح من زمن بعيد وما قد شكوته لى كفيل بأن يوقف وظائف عقلى ويجمده ليصبح غير قادر على ان يعمل بجهد ويفكر حتى يفرز لك فكرة بما عليك عمله,,فأنت من أحببت وعشقت وانا اعلم جيدا وقد لمحتها بين دموع عينيك وأهات قلبك وحتى وانت تذكر اسمها كم انت تعشقها وتعشق كذبها وتعشق آلامها التتى تسببها لك.........

صديقى انت عاشق ومحب مخلص ووفى واعتقد ان الصفات الجيد الحميدة اصبحت نادرة فى زمننا ,كما انها اصبحت غالية الثمن ومن يملكها عليه دفع الثمن ,,,, صديقى لا اكراه فى العشق ,,,,


اما عن ذلك الشىء الخفى بداخلك دعنى اقل لك شيء...........

قد توسمت فيك العشق والوفاء والاخلاص ,,وشكواك هذه لا تخرج الا من قلب محب رقيق يكره الآم ولا يتستطيع ان يؤلم غيره من البشر ,,وكما قلت اننا لسنا رجل وامرآة ولكننا انسان وانسان ,,رجاء خاص لا تدعنى اغير رأيى بك ارجوك لا تجرح اخيك الانسان ,,لا تخلص ثأر من جرحك فى من احبك ,,لقد جربت الجرح والام فلا تعذب من حولك ولا تكذب عليهم ولا على حالك,,كن صريح معى وكن صريح معها وكن صريح من نفسك

ليست نصيحة ولا امر ولكنه رجاء خاص ,وهذا كل ما تمناه منك فقط....................

السبت، 29 نوفمبر 2008

على القهوة................


القهاوى البلدى فى بلادنا هى مكان لا غنى عنه لكل الطبقات ,طول عمرها مكان يجمع من الغفير للوزير,يجمع شعراء وعلماء وأدباء وناس بسيطة مالهاش اى هم فى الحياة غير هتدغدى ايه النهاردة ,مكان يجمع بين المسافر واللى راجع من السفر , بين عابر السبيل وبين المستقر واللى عايش تحت النصبة

على القهوة تلاقى الشاب والشايب والكل فى مشاكله دايب , من القهوة اخد ادبنا المصرى العظيم كل رواياته , قشتمر اتجمعو عليها الصحاب من المدرسة وحتى الاحفاد,, ورواد القهاوى مهما كانت ثقافاتهم مختلفة وبيئاتهم مختلفة فالكل بيجمعه حاجة واحدة بس على القهوة.......

بيكون عندنا ثقافة القهوة,,وثقافة القهوة دى حكاية لطيفة جدا,فمثلا هتلاقى على القهوة عم اسماعيل وفريد وعطية ومينا ومحمد ويمكن حتى تلاقى جو,,كلهم بيحللو وينقضو المجتمع فى كل قضاياه ولا أكنهم اجدعها محللين سياسييين ولا دكاترة أجتماع" زى حالاتى كدة انشاءالله" ولا فهيمة كورة ولا اجدعهم مخططين ومنسقيين معماريينولا نقاد سيما وتليفزيون, على القهوة تسمع ناس بتقول , هى بقت كوسة وكلها ماشية وسايط,بمناسبة الكوسة ياعم اسماعيل الا هو الخيار بقى بكام اليوميين دول ,انهو فيهم المسرطن ولا المحقون ولا الصوب ولا الطبيعى ؟؟؟ وتسمع بعدها احلى الضحكات وكأنهم سمعو اجدعها نكتة

ويطلع عليهم مذيعة النشرة : هذا وقد تدفق الوضع فى غزة ووصل اقصاه ولا تزال المباحثات مستمرة بين اسمه ايه واسمهم ايه التانيين................الخ

ياعم ولا ميت سنة كمان هى تفضل كدة لا ريس قديم ولا جديد هيحلها ماهو لو حلها تيقى ضد المصالح وساعتها يا هيتنش يا هيتسمم,,على رأيك

وشوية يجى صوت المذيع:ومن اخبارنا المحلية,,لقد تفقدت سيدة مصر الاولى السيدة الفاضلة تلاتين مدرسة جديدية كلهم على اعلى مستوى تعليمى فى اربع محافظات وقرى فى الصعيد

ياعم هى اصلا القرى ديت اهلها عارفيين يشربو مية نضيفة عشان يعلمو عيالهم كمبرورر , ياعم اسماعيل اسمه كمبيوتر,يابنى يعنى انا كنت هانسبه,هاهاهاهاهاهاهاهاهاهاه

ونوافيكم مشاهدينا بفاعليات مؤتمر الحزب الوطنى بعد النشرة,,,,, واد يا حودة اطفى الهباب ده وشغلنا الراديو على ازاعة الست,,آل مؤتمر الحزب آل ,,,الا يا محمد انت ماروحتش المؤتمر ده ,لاء, ولا انت يا مينا ,لاء ياعم فكك,,على رأيك يعنى هيكون ايه الجديد اللى هيتقال

" أعطنى حريتى اطلق ياداى" اللللللللللللللللللللللللللللللله يا ست الللللللللله اهو ده الكلام

صاحيح يا فريد انتو عملتو ايه فى مظاهرات الجامعة النهاردة ,,ايه اللى حصل ؟

يابنى والله دى شوية عيال فاضية ما انت عارفهم طلبة التيار الدينى شوية عيال كدة ماورهمش حاجة بس واراهم بالاوى سودة,,يا عم انا اصلا اتخنقنا منهم ماتفهمش هما اصلا عايزيين ايه ومتهيألى هما كمان مش عارفيين عايزيين ايه ولا فاهميين حاجة ,,الله معاهم بقى اديهم بيسلونا فى الجامعة لما مايكنتش ورانا حاجة,,يسلو ايه يابنى دى فى ناس بتتبهدل من غير اى ذنب بسبب البهوات دول,,,

يا ياولاد فكرتونا بأيام زمان ايام لما كان كل حاجة ليها معنى واضح مظاهرات معروفة ليه وعاشان ايه قضية والكل مشارك فيها وفاهمها مش دلوقتى ماحدش فاهم ايه اللى بيحصل وياترى الاعتصامات والاضرابات دى بجد طالعة من مصريين بجد ولااااااااااااااااا؟؟؟؟؟؟؟؟

اااااااه نظرية المؤامرة ,,الا هو ولامؤاخذة هى " المؤامرة؟ ولا المقامرة" بالقاف يعنى ,,ياعم وهى هتفرق ؟؟؟؟؟؟

هت ولعة ياحودة,,,شد يا عم اسماعيل يا جااااااااااامد أحوء أحوء ,,,هاهاهاهاهاهاهاهاهاههاه أريتو علية يا ولاد ال.......

سلامتك يا عم اسماعيل ياجن, طب وحياتك انت وهو لارزعكو عشرتين طولة منك له ماتعرفوش تنامو بعدها هههههههههههههههههههههههههههههههههههههههه

الثلاثاء، 25 نوفمبر 2008

حوار مع النفس


زمان اخويا لما كان صغير وماما تيجى تزعقله على حاجة عملها غلط او حتى تعاقبه ..كان يقولها " لما اكبر هعافبك" وكأنه كان متخيل ان هو هيكبر وهى هتفضل زى ماهى تفيكر طفل


مش عارفة ليه افتكرت الحدوتة دى جدا اليومين دول بالذات ,يمكن لانى جانى نفس الاحساساو فكرت نفس الفكرة ,,فعلا امى دلوقتى لسة امى ماتغيرش فيها حاجة ,,لكن احنا اللى اتغيرنا ,,احنا فعلا كبرنا واتغيرت الادوار اللى بنقوم بيها فى حياتنا

يعنى زمان كانت هى ماما واحنا الاطفال الصغيريين اللى محتاجيين الرعاية والاهتمام واللى كانو بيشبطو فى كل اللعب اللى فى الدنيا هاهاهاهاهاهاهاهاهاها

وبعديين هى برده ماما لما كبرنا شوية وابتادينا نروح المدرسة وكبرنا شوية فا بقى لينا ماما وبابا واصحابنا والمدرسين بتوعنا اللى اثرو فينا وفى حياتنتا ودماغنا كلها

وهى لسة امى حبيبتى بس كبرنا اكتر واكتر ودخلنا الجامعة وخلصناهاواشتغلنا واتجوزنا وجبنا عيال ,,فابقينا امهات واباهات وناس بتشتغل وبتنجز وكل يوم فى جديد فى حياتنا وبنتغير وبتتغير ادوارنا فى الدنيا

لكن هى فضلت ماما حياتنا هى حياتها احنا محور حياتها ,,بس اتحققت فعلا وجهة نظر اخويا فى ان هو كبر " كبر بمعنى ان ادواره اتغيرت وحياتها بقى بيقوم فيها بوظايف كتير فاهو مافضلش ابن بس بقى ابن واخ وبيعمل فى شغلو وزوج فى بيته " لكن هى فضلت ماما بس


الفكرة على قد ماهى طفولية جدا لكن انا حاستها حقيقية جدا , وانا يمكن من كتر تأثرى بأمى عيشت الدور وعملت فيها الام الحنون لكل الناس اللى كانت موجودة فى حياتى , كنت فرحانة قوى لما كانو اصحابى مسمينى "ماما" ال يعنى بقى خلاص البت فيها حنية الدنيا لدرجة انى اكون فى وجهة نظرهم ماما , لما دخلنا فترة ثانوى كبر بقى احساسهم ده بأنى ماما ده لان فى الفترة غالبا البنات بتبقى بعيد شوية عن امها فكنت انا " الماما" البديلة واللى يخنق زيادة ان امهات صحباتى كانو بيحسو بنوع من الراحة انى شايلة عنهم هم عيالهم طول ما البنت معايا خلاص الام مطمنة ومش حاملة هم , واكيد طبعا احساس الثقة العمياء دى من الاهل كان بيحسسنى بسعادة كبيرة جدا فى الوقت ده , الله يا سلام كل الناس الكبرة دى بتثق في يا سلام ياسلام " مين أدى بقى


والدنيا اتغيرت بقى وكبرنا كلنا بس انا اتعثرت شوية فى دراستى فا هما سابقونى فى الدراسة , وكبرو اكتر لما خلصو الدراسة وابتدوا الشغل وابتدو حياة عملية ومنهم اللى اتجوز كمان , فاطبعى الادوار اتغيرت ولانى مش ماما فى الاصل ده كان مجرد دور وهمى فاكيد مانولتش الاهتمام والرعاية اللى بنديهم لامهتنا لما كبرنا ,,ودى كانت الغلطة

الغلطة اللى حاسستنى قد ايه الدنيا ماشيت من حواليا بس انا فضلت زى ماانا مافيش اى حاجة فى اتغيرت حتى شكلى اللى هو المفروض ومن الطبيعى يتغير انا ماتغيرتش فى اى حاجة حياتى لسة زى ماهى وشكلى لسة زى ماهو , افتكرت انى كبرت ونضجت بس اكتشفت انه اطلاقا ماحصلش اى حاجة من كل ده,,زمان كان واحدة من اللى انا كنت امهم دول , كانت بتقولى لما انت تفكيرك كدة وانت لسة صغيرة كدة امال لما تبقى فى الجامعة هتبقى عاملة ازاى

حبة اقولك يا صدقتى العزيزة جدا " وحشتينى بالمناسبة " اننا اهو بخاص سنين الجامعة ويمكن لو شوفتينى النهاردة هتقولى انى صغرت مش كبرت , هتحسى انه فى فرق لكن مش لقدام ده للوراء

هى ماكنتش غلطة حد غيرى انا اللى استنفذت طاقى لغيرى اطعتلط كتير قوى وانا اللى حاطيت لنفسى عقبات وفى حاجات خدت منى اكتر من حجمها وصلتنى لانى ماعملتش اى حاجة فى دنيتى مختلفة من سنين كتيرة ,ماوصلتش لحاجة , على حسب خططتى القديمة كان المفروض اكون فى مكان تانى

لكن انا كسلت, واستهترت,وعطلت نفسى جدا جدا ,,,,مش هقول انى مكتئبة وعمالة اعيط واغبط دماغى فى الحيط , لكن انا مضايقة من حالى مش مبسوطة انى عاملة كدة , مش عارفة ازاى باقيت كدة ,,اكيد ماكنش نفسى اكون كدة , وبرده اكيد نفسى مافضلش كدة ,,لان اسواء حاجة حاسيتها فى حياتى هو الاحساس اللى انا عشته الفترة دى من حياتى ,,",يا رب ساعدنى وماتسبنيش لوحدى انا من غيرك اضيع يا رب ماليش غيرك"

وعلى رأى منير "يا لون ربيع وردى الحزن مش قصدى ده انا فرحى شوف قدى طارح نهار"

الأربعاء، 12 نوفمبر 2008

ألد الاصدقاء,واصدق الاعداء




اكاد اشعر به وراءى فى كل مكان, وفى كل وقتلا يهمه اين انا ولا من حولى ولا ماذا يمكن ان يكون بى من دوار تلك الحياةاتمنى لو اراه أو حتى أدرك أين هو فقط لأسأله ,,,لماذا؟لماذا تلاحقنى كظلى؟لماذا تلاحقنى فى كل مكان اطوق اليه,واشتاق له؟لماذا تلاحقنى كطفل فقد امه,واختارتنى الايام ام بديله له رغم عنى؟لماذا تلاحقنى كشمس الصيف العمودية الشعاع تحرق كل ما تطوله ولا تبرز اى معان جميلة والوان الطبيعة حولها؟لماذا تلاحقنى كملاحقة هذه الفتاة لذالك الشاب ,,عشرات السنين من العمر ,ولكن دون جدوى؟لماذا تلاحقنى كالاحمق الذى يريد حب فتاة ولكنها لم تزل فى علم الغيب ,ولكنه ينتظرها بشوق ؟لماذا تلازمنى كخطية لم تغتفر , ونغزة وجع ضمير فى قلب قد اتمنى العفو والتوبة؟لماذا تلازمنى كالصديق الوفى الذى يفدى روحه لصديقه,دون تفكير؟لماذا تلازمنى كمدل للطريق فى صحراء لا يوجد بها ونيس ولا حياة؟لماذا كل هذه الطيبة معى ولماذا كل هذا الاهتمام بى والعناية الكاملة لدرجة الرفة فى كل الاوقات؟ارجوكاتركنى اعيش بحريةاتركنى ارى النور اتركنى استنشق عبير الزهور فى الربيعاتركنى ارحل عن سماك المظلمة المليئة بالغيوماتركنى اسمع ذالك العصفور الطليق على شباك قلبىاتركنى لالمس دفىء الشمس فى نهار شتاء قارص البرودةسيدى :لا اريد اهتمامكلا اريد رعايتك المليئة بالالغازلا اريد مرافتكانت لا تملك ما اريدهليس بامكانك ان تجعلنى افضل مما انا عليهلم ولن بامكانك ان تكون صديقىلم لن نصبح معا ولا نمسى معاقد اشتقت للنور وانت تعشق الظلامانا اريد ان ابدأ ربيع عمرى , وانت لا تزال تريد الخريفلقد اشتقت لتلك الغنوة المليئة بالامل والتفاؤل , وانت لازلت تسمع هذه الغنوة مليئة البكاء والنوحلقد اردت ان اتمايل على تلك الانغام وانت لازلت تعشق موسيقى الجنائز ذات البوق البومىلقد اشتقت لرؤية الالوان , وانت لازلت تعيش وسط ذكريات الابيض والاسودابحث عن الطيران وانت ليس لديك غير ذلك التابوت الخشبىصديقى الذى لم اكن اريد صداقته يوما....فقد اردت الهرب منك,فارجوك لا تبحث عنىاخترت لقلبى الحرية,فدعنى اتحمل مسؤلية اختيارىاخترت لعقلى ان يعمل ,فدعه يعملاخترت لاذنى ان تسمع النصيحة,فلا تضع بيها محصولك الجديد من القطناخترت ليدى ان تتحسس الاشياء,فلا تمسك بيدىاخترت لعينى ان ترى,فلا تقف امامىاخترت لرأسى ان تنظر لاعلى,فلا تمسك بالسقفايها الخوف لقد اخترت ان اتركك,,فدعنى وشأنىنصيحة من شخص قد عشت معه طويلا,,انصحك ايها الخوف بالانتحار او تعديل المسار وان تترك العالم والناس وشأنها, بدلا من ان يأتى يوما تجد نفسك جريحا على الارض دون ان تعلم من اين اتتك تلك الضربة

الأحد، 19 أكتوبر 2008

فى الليل................

فى الليل ...بتصالح مع نفسى
فى الليل...بشيل القناع من على وشى
فى الليل ...بلاقى اللى بدور عليه
فى الليل...بفتكر اللى واحشنى
فى الليل...بطفى النور واعيش على نور الشمعة
فى الليل...مافيش دوشة
فى الليل....مافيش كذب
فى الليل...النجوم بتلالء فى السما
فى الليل....القهوة ليها طعم تانى
فى الليل....صوت فيروز يتسمع من القلب مش من الاذن
فى الليل....كتابى ينام فى حضنى واسرح فيه
فى الليل...بنسى الاسية وافتكر الذكريات الحلوة
فى الليل....امبارح خلص وبكرة لسة ماعرفوش
فى الليل....بحضن نفسى واحس بالامان
فى الليل....اقدر المس ملامحى فى المرايا
فى الليل ....كلبى الصغير بيصحى ويعد يلعب تحت شباكى
فى الليل.....بقدراحس ان احلامى اقرب ليا
فى الليل.....دموعى بتلاقى حريتها
فى الليل....تفاجئنى ابتسامتى انها كانت مستخبية
فى الليل.....بلاقى الحب
فى الليل....بلاقى الامل
فى الليل.....بلاقى الحق
فى الليل.....بلاقى النية الصافية
فى الليل....بعرف الحقيقى من الكداب
فى الليل....بواجه نفسى
فى الليل....بعيش حياتى على مزاجى
فى الليل....برقص مع النجوم على انغام ضوء القمر
فى الليل......علاقتى بربى دايما احسن واقرب
لو عليه اخلى كل اليوم ليل ..................................لكن للاسف ماينفعش

الاثنين، 6 أكتوبر 2008

من وحى مسلسلات رمضان2008

من وحى مسلسلات رمضان 2008 المانشيت الرئيسى فى كل الجرانين"قرار العفو من رئيس الجمهورية عن الصحفى............من التهمة محل القضية,وهى الترويج لشائعة مرض سيادته"
أحب اتوجه بالشكر لكل من الاستاذة الفظيعة "امينة درويش" يسرا على مسلسلها الرائع اللى خلى الناس كلها من اصغرها لاكبرها يقدرو الصحفى ويشوفوه بيتعب ااى وازاى هو رقيق وقمر زيك كدة وحرام يتبهدل,,وازاى انه سوبر يعنى واتر بروف ضد الميه ضد النار ومابيجرالوش حاجة خالص
كما احب اتوجه برده بالشكر للاستاذ يوسف الصياد"خالد صالح"على شخصيته الصحفية الجميلة الرائعة اللى برده سوبر ,,مبادىء وقيم وشرف وحالة ازدواجية رهيبة واخيرا خطف الصحفى الهمام وقدرته على الهرب بعد الخطف ب4سنين بس طبعا يصع العودة فى ظل حالة التربص من ناس جوه وبره ده طلع الموضوع اكبر من جوه بس ده كمان ليه ذيول بره ماحدش يعرف عنها حاجة,,والله صعب عليه وبكانى
ياترى بقى يا هلترى كان اصحاب الاعمال الدراميه الرهيبة دى متخيلين النجاح للدرجة دى
ولا يا ترى ده انتصار جديد يوم ستة اكتوبر عشان الناس تنسى الانتصار القديماللى من خمسة وتلاتين سنة عشان يبقى ده طازه فريش ماهو برده خمسة وتلاتين سنة كتير فا عايزيين حاجة يشهدلها الاجيال الجديدة فا يلى نعفو عن الصحفى اللى اتمرمت سنة بحالها مرفوع عليه قواضى من الدنيا كلها تقريبا,فانزل الحكم ل ستة شهور وبعدين شهريين كتر خير الاستأناف وبعدها قرار العفو,,ودى الحلقة الجديدة من المسلسل
ياخوفى يابدران لا يكون قرار متهور زى قرار ال التلاتين فى الميه زياده وتانى يوم تترفع الاسعار
انا اكيد مش مضايقة من القرار ده انا طبعا مبسوطة جدا للاستاذ "ابراهيم عيسى"لكن احنا للاسف عندنا خبايا كتير وناس كتير لما تقول يمين هما يعملو الشمال على طول وش يعنى ماعندهمش تفاهوم وكأنهم بيطلعو الريس مش فاهم حاجة,,يعنى فى القضية دى الريس كتر خيرو سامح فى حقه وعف عن الراجل لكن اصحاب المصالح مش هيسيبوه فى حاله,لان مقالته الشهيرة ماكنتش عن الريس فى حد ذاتها دى كانت عن لعبة البينج بونج بين فريقين"فريق جيمى واللى معاه" و فريق"شوشو واللى معاه" ودول بقى مابيطلعوش فى خطب فى الاعياد الرسمية ويقررو قرارات عفو عن البنىءادمين
عشان كدة انا مش حاسة بنصر ,لكن يمكن الحاجة اللى ممكن اقول انها لفتت نظرى كحاجة ايجابية هى ان الريس فعلا حاسس بالناس اللى بتتكلم وان فعلا هو دماغه مش تايهة عن اللى بيحصل جوه وانه عارف ان لكل حاجة وقتها , وهى خطوة كويسة
بس بعد ايه,,يعنى اقصد,,الموظفيين فى الضرايب بيخدو حقوقهم بعد اعتصام
افران العيش مش بتزيد ويبقى فى رقابة الا لما تحصل موصيبة والناس تموت
العشش ماتتحولش شقق الا لما الناس تموت تحت الظلط والطوب
نعمل سنة ستة ونلغيها لما الدنيا تخرب ونرجعها لما خربت اكتر
نقول زحمة مرور,,يقولو قانون جديد شنطة اسعاف ومثلث,,وانشاء الله هيتغير برده
لازم القطر يولع عشان نصلح
المترو خربان نزود اعلانات
نحبس صحافيين وبعدين نعفو عنهم
ايه فى ايه بقى احنا هنقديها كدة بقى ولا ايه
بس سيبك انت يسرا كانت قمر المسلسل وابسط يا عم ابراهيم ياعيسى اكيد يسرا القمر هتيجى تزورك مش زمية مهنة وبايونك وامن وايدها امينة!!!!!!!!!!!!!!!!!!!!!!

الخميس، 2 أكتوبر 2008

حاجات كتير

مش عارفة أبدأ منين,,
فى حاجات كتير ..نفسى احكى عنها
فى حاجات كتير..وحشانى
فى حاجات كتير,,قلقانى
فى حاجات كتير كتير محيرانى
نفسى احكى عن ظلمى لناس كتير كان بينا حاجات حلوة لكن دخل بينها حاجات صغيرة غيرتها وبوظت حلواتها حاجات خلت اللى فات بقى ماضى يتلعن ايامه بدل مايتقال عليها كانت احلى الايام
نفسى احكى عن غبائى وعن الناس اللى جيت عليها عشان ناس تانية ماتستهلش
نفسى احكى عن علاقتى بربى العالية ساعات واللى بتكون بعيدة ساعات ةازاى كل مااحتاجله الاقيه ,لكن كتير ببعد....
نفسى احكى عن تمشية حلوة مع الصحاب فى وسط البلد,,ولا على شط نيل الزمالك ساعة عصارى
نفسى احكى عن اللى حب ولا طلش وعن اللى حب وطنش وعن اللى حب واتحب وفرقت بينهم الايام وعن اللى حب واتحب وعدى الريح ووصل لبر الامان وهو مشبك ايده فى ايد حبيبه
نفسى احكى اللى الحب عنده بقى اسمه عايز اريح ضميرى من ناحيتك,,,ياعزيزى الحب شىء ووجع الضمير شىء تانى
نفسى احكى عن حاجات وحشانى.......
وحشانى الضحكة الطالعة من جوة حضن القلب
وحشانى الشلة اللى غاوية تهييس وضحك وضربة الدنيا ضرب
وحشانى السهرة فى بلكونة جدى على صوت الست فى ليلة الخميس
وحشانى البسمة ساعة اللقى,,والبوسة ساعة الفراق
وحشنى صوت فيروز مع كتاب الرباعيات قصاد الدفاية فى برد ليلة شتا
وحشتنى اللمة ساعة المغربية مع صوت المدفع والشيخ رفعت وكوباية القمر الدين
وحشتنى صديقتى الوحيدة,,والبعيدة وبينى وبينها بلاد بس من غير مسافات
وحشنى صديق وحيد بعيد حضن الاهل والوطن والحبيب
وحشنى احساس كان عندى زمان غاب ومعادش بيجى يزورنى اد ماكان بيجى زمان
قلقنى حاجات كتير,,,,
قلقنى اتنين كل مناهم يجمعهم بيت ومن الدنيا مش عايزين غيره
قلقنى واحد لسة ماعرفش طريقه ولا عدوه من حبيبه
قلقنى حلم بعيد قوى عنى تحقيقه
قلقنى مستقبل جيل بحاله جى بكرة وبكرة بتاعه مش بعيد لكن ملامحة لسة مش باينالى
محيرنى سؤال,,كنت صح لما اخترت الحلم ده دون كل الاحلام؟
محيرنى انسان,,مرتاح فى البعد؟ولو مش مرتاح طب ليه مصر عليه؟ولو مرتاح طب بيحوم ليه؟
محيرنى التانى,,حس انه وصل للى هو عاوزة وبيحلم بيه؟
محيرنى قلبى وعقلى ؟هو ده الوقت اللى لازم نعيش فى؟ولا كان احسن لينا وقت تانى؟ولا لو علمتم الغيب لاخترتم الواقع؟
محيرانى نفسى,,,هو انا صحيح زى ماهما شايفين؟ولا انا زى ما انا شايفانى؟ولا انا حد تالت غير الاول والتانى؟
سؤال اخير................هو انا قلت اللى عاوزة اقوله,ولا انا ماقلتش حاجة خااااااااااااااالص؟!؟!؟!؟!؟!؟!؟!؟!؟
وسؤال لليعرفنى بس...........هو انا مجنونة!!!!!!!!!!!!!!!!!!!!!!!!!!!!!!!!!!

الأحد، 7 سبتمبر 2008

لى فكرة هو برده اسمه بنى أدم


لقطات 53

Today at 1:19am Edit Note Delete
على فكرة هما برده اسمهم بنى أدمين,,نفس وروح,,مواطن شقيان زيو زيينا كلناهو مين؟هما انسان غلبان من اربعين سنة قالولو انزل مصر ياعبد الواحد دى بيجولو بقت عمار ومليانة مصانع وبكرة تكون عامل فى مصنع كبير,,ولا تبنيلك عمارة ماهى بقت عمار وبيبنيها ولادها,, ونزل عبد الواحد مصر" القاهرة" بس هما كانو مسمينها مصربس عبد الواحد لما نزل على مصر البلد اللى مليانة شغل للزيو ماكنلوش مأوى لابيت ولاسكن لكن اهو هيدور على حتى تلمه من برد الشتا واهى اربع حطان,,قاللولو تعالى وليك مساكنك مساكن العمال بس لازم الاول تلاقى شغلانة فى مصنع عشان تسكن فيها,طب وبعدين ده لسة مافيش شغلانة ولا قرش داخل البيت وأم العيا هناك فى الغيط مش عارفة عنه حاجة,,سأل واهو برده اللى يسأل ماتهوش سمع ان الواد عواضين لاقه مكنة صغيرة كدة محندءة فين ياعم مش بعيد على اطراف المدينة عند الجبل ,,ماشى ياعم المهم على قد الحال ,,ولاقة القوضة المحندءة وبعدها الشغلانة وبعدها بعت جاب ام العيال والعيال,,ودارت بيهم الايام والعيال اتعلمو بالمجان وكبرو ودخلو الجامعة,,لكن كبرو وكبرت معاهم الحتة وعيال الحتة ومش كله زى عم عبد الواحد علم عياله" اصل عم عبد الواحد بقى ريس عمال فى المصنع وعنده خبرة كبيرة " فتح لابنه بالمكفأة فى اخر الزمن حتة ورشة والعيشة مشيت,,لكن بره ماكنتش الورشة لوحدها كان حواليها ورش كتير والناس كترو والبلد كلها نزلت مصر وكله سكن جنب عم عبد الواحد ,,وسنين مرت وعدت واحفاد عبد الواحد ملو المكان وظهر جيل جديد من الناس اللى راحت بيتهم ياعنى فى كارثة طبيعية وسكنو جنب احفاد عم عبد الواحد ,, ومرت ايام ويخلق من ضهر العالم فاسد,,بس خلاص ياعينى المنطقة مابأتش هزمة زى الاول اصل كتير قوى من الاحفاد ستات وبنات واطفال وشيوخ وشباب كله انهتى بيه الحال تجت انقاض صخرة كبيرة,,ومش عارفيين حتى يوصلولها............الدويقة ومنشأة ناصر منطقة من اسؤ مناطق القاهرةللأسف مش عشان عشوائية بس لكن كمنطقة امبارح فى برنامج البيت بيتك محمود سعد طلع وقال من يوم ماشتغلت فى الصحافة من السبعينيات وانا بسمع الحقو المقطم ...المقطم هيقع.. وكلام من ده..وللاسف مافيش اى حاجة حصلت وكأن الحكومة بتقول يولع المقطم باللى عليه واللى تحتيه,,ماهو عليه قصور فاخمة وناس تملك ثروات "وللثروة مداخل كتيرة" وتحتيه ناس بتسبب فى أمراض المجتمع حرامية وغلابة يعنى برده من اللى مالهومش ازمة خطة الحكومة الشهيرة من قديم الازل فى التخلص من الاعالات فى البلد من المواطنين..خدنا على كدةلكن الحقيقة اللى فوق واللى تحت اياكانو فهما بشر انسان " من احيا نفس فكأنما احيا الناس جمعيا.ومن قتل نفس بغير حق فكأنما قتل الناس جمعيا" فيما معناه لانى مش حافظة قوى,,وشوفوا بقى هما تسببو فى قتل كام نفس بالتجاهل والانشغال ودلء الميه فى غير مكانها,,اه العشولئيات وزى مادرسنا هى معقل لامراض المجتمع سرقة وبطالة ومخدرات ماننكرش لكن ,,المرض يتعالج مش نقتل صاحبه ونقول ماه كان عيان وعبء,,عالجه ولو مانصلحش حالة يكون فى خطة بديلة,,,المقطم ماحدش ؤبناة كجبل ده اتكون بأسباب ليها علاقة بيالطبيعة واحنا اكيد مش هنحاسب الطبيعة ,لكن اكيد نحاسب التقصير فى التعامل مع مواجهة كوارث الطبيعة دى,,مش هنحاسب الحكومة " ونفسنا كمان" على وقوع الصخرة لكن يتحاسب اللى كان عارف انها هتوقع لان فى كمية ابحاث كل وراقها الفيران فى معهد البحوث والمكتبات وادراج وزارتاالاسكان والتخطيط,, بتنهبه بالكارثة دى من زمااااااااااااااااااااان لكن تروح فين ياغلبان,,عمرنا الصحرا بمنتجعات اخر شياكة وجمال,,ونسينا الناس اللى اصلا كان المفروض مخطط لها تروح الاماكن الجديدة دى واكتفينا وقلنا ما هما اللى مش عاوزيين ولما بيروحو بيرجعو تانى,,يعنى عنلمنا اللى عليا وهما بقى دى مسؤليتاهم وكأن الحكومة بس حكومة تحذيرية ومالهاش سلطة على المواطن وعلى حياتهوكالعادة طبعا هيحصل شوية حاجات مالهاش معنى واسبوع وهتتنسى الحكاية من اولها لاخرها وال خمس تلاف جنيه هيلهو الناس الغلبانة عن اللى راح,, وكان الله بالسر عليمولا عزاء للرجال " لوكان فيه اصلا" ربنا مع الغلابة,,ويسامحنا بقى على ضعفنا,بس ياريت بما اننا فى شهر الخير والكرم كل حد يقدر يقدم شىء للنا دى فى الموضوع ده ياى شكل واى طريق يعملها فورا هما محتاجين اى حاجة اى حاجة حتى لو رحت فطرت معاهم فى الخيم اللى قاعدين فيها وتواسيهم وده اضعف الايمان................................

الثلاثاء، 5 أغسطس 2008

قلنا المرور واقف,,,قالو مثلث وشنطة اسعافات اولية

الدنيا زحمة وماحدش بيوصل فى معاده ابدا ,,مرور واقف ,,عربيات كتير ,,ناس مابتلتزمش انها تمشى فى الحارات المخصصة ليها كرو ماشى فى وسط البلد وخلاط اسمنت فى وسط جامعة الدول ,,ميكروباص ماشى عكس الاتجاه فى شارع كبير والمفروض سريع..واحد ماشى على 60 فى الحارة الشمال على طريق سريع,,, نقل ماشى اقصى الشمال وملاكى اقصى اليمين منتهى الغباء يعنى ,,فاقام قالو قانون جديد للمرور يمكن يحل الازمة,,حزام ومثلث وشنطة اسعاف وتغيير لوح معدنية,,امام برافو كل ده هايل ,,لكن ايه علاقته بالزحمة,,ايه علاقته بالاشارات اللى بتقف بالساعة,,ايه علاقته بالعربجية اللى ماشيين وسط البلد,,ايه علاقته بسواقيين الميكروباص اللى لما بنشوفهم واحنا ماشيين بنستخبى منهم واصبحو كابوس بيهدد اى حد ماشى فى الشارع مش بس اللى سايقيين......
بصراحة انا مش عارفو واخرتها ايه لغاية امتى هنصلح فى الاماكن السليمة ونخرب زيادة فى الاماكن الضايعة اصلا,, بصراحة الحكومة عندنا نيتها سليمة جدا جدا وبتحاول تفكر ,,لكن فى حاجة اسمها خبراء فى الطخيط دول بقى حكومتنا ماسمعتش عنهم اصلا او حاجة الحقيقة مش عارفة,,لكن فعلا عندنا مشكلة كبيرة فى التخطيط والادارة والدليل اننا فى رمضان من الصعب نلاقى الدنيا زحمة طب ليه بيكونو فيين بقيت السنة ليه اللى بيعملو فى رمان مش بيعملوه طول السنة ,, تقريبا كدة دى بركة الشهر الكريم غالبا كدة
عندى شعور خبيث ان احتمال الطرق فى بلدنا تتحسن لو احنا كلنا اشتغلنا عليها بس بصراحة لازم حكومتنا تشتغل معانا شوية بقى ولا ايه!!!!!!!!!
صحيح ودنك منين يا جحا,,,,,هو مهم المثلث ومهمة الصيدللية ومهم الحزام لكن الاهم ان العربية تمشى الاول عشان نستخدم كل الحاجات دى ,,,العربيات مابتمشيش,,الاشارات دايما مقفولة,,كلنا بنطرد من محضرتنا عشان عمرنا مابنوصل ,,,مواصلتنا زى الزفت
المترو بيعطل والناس بتتخنق فى حوداث وكهربا بتقطع ومية مجارى بتخش على خط المترو
الاوتوبيسات عمرها مابتيجى فى مواعيد وطبعا زحمة جدا لانها قليلة جدا جدا
الميكروباصات لازم نتشاهد قبل مانركبها ومايكونش معانا اكتر من تمن الاجرة لان عادة بنتسبت فيها
التكسات اولا خربانة ثانية بهوات مايروحش مكان ما احنا عاوزيين لكن مكان هما عاوزيين ثالثا البزين غلى وبقى حرامية
العجل مالوش مكان فى الشارع
بصراحة انا اختفيت من كتر الماشى
سكة بقى عشان كدة خلاص اتخنقنا ياعم جحا!!!!!!!!!!!!!!!!!!!!!!!!!!!!!!!!!!!!!!!

الأحد، 20 يوليو 2008

الصغير لما خاف

كنت مرة قاعدة براقب تصرفات طفل صغير كان بيلعب ومبسوط جدا جدا ,,كان بيلعب فى التراب ,,ماشى كل الاطفال كدة .... وبعدين امه نادتلو علشان ياكل ,,طلبت منه يغسل ايده الاول عشان التراب,,, وزى كل الاطفال ماكنش عاوز يغسلها ,,كل همه انه كان عاوز ياكل,,طفل ,, مش فاهم ليه لازم يغسل ايده

ولما جت تفهمه دى كانت المشكلة,,
" انت لو ماغسلتهاش وكلت كدة من غير ماتنضفها هتجيلك امراض وميكروبات وهتعية وتروح للدكتور ويديك حوقنا,, سعتها الولد ابتدى يكون اسلوبه عدوانى جدا ابتدى يخبطها على راسها بالمعلقة,, ويقولها اسكتى ,, وهى مكملة ومش فاهمة هو ماله,,,هى بتقوله يابنى انا خايفة عليك قوم اغسلها احسنلك ,, وهو مستمر فى الزعيق والضرب وبيقولها اسكتى اسكتى بس خلاص بس بقى خلاص,,ويضربها بأيده الصغيرة ,, وهى مش فاهمة وبتزعقله انت ليه بتعمل كدة"

الحقيقة انا اللى كنت مستغربة هى اللى ليه بتعمل كدة, يعنى معقول مش فاهمه, مش فاهمة ابنك, اللى هو حتة منك, مش فاهمة انه خايف من الكلام اللى انت قلتيهوله بدافع الخوف عليه,,الحقيقة انه خاف منك انت لانك ببساطة باقيته مصدر خوف ورعب بالنسبة له,, هو ماكنش محتاج غير حاجة بسيطة قوى
انك تخديه فى حضنك وتقوليله براحة وبابتسامة حنية الام انه يقوم يغسل ايده بصبونة جديدة فيها لعبة اشترتهالك,,كان هيقوم جرى وبعدين تبقى تفهميه براحة مخاطر الميكروبات والجراثيم وحملة ديتول اللى انت قلتيهالو دى اه هى بدافع الخوف عليه,,لكن تحول الخوف من منك عليه الى منك انت ومن اللعب ومن الاكل ومن كل حاجة,,ليه؟

الخوف اسوء شعور ممكن يشعر بيه انسان,,ولما بنخاف بنتحول الى ناس تانية بنتحول لاطفال محتاجين حضن يطبطب علينا يحسسنا بالامان ويقولنا ماتخفش ياحبيبى وبس كل الحكاية حضن وضمة حنان ماتخدش ثوانى لكن ممكن تطمنا سنين

الاثنين، 30 يونيو 2008

كوبرى قصر النيل

مريت من على كبرى ,,كل يوم مشاويرى بتحكم عليه انى اعدى من على الكبرى
وفى يوم وقفت وقفة مع نفسى على الكبرى وسرحت
اكتشفت انى شبه الكبرى,,وان القصة كلها بدأت هنا واستمرت هنا وخلصت برده هنا
ولقصة هى .........

قصة الولد الصغير اللى كان بيعدى من الكوبرى ده كل يوم وهو رايح النادى عشان يلعب ,,الصغير اللى كان كله امل وضحك وحياة بتنبض اسرع من الصوت,,الصغير اللى اول مرة قلبه فيها يدق كانت هنا على الكوبرى ده لما كان بيتمنى انه يعدى الكوبرى بصرعة عشان يلحق الحلوة ام الضفاير اللى مستنياه جوه النادى يلعبو سوا ,,, وكبرو
وبطلو يلعبو لعب الاطفال ودخلنا فى الفريق اللى تحت 16 سنة واصبح المشى على الكوبرى هو غايتهم واملهم والتزويخة من التمرين واكل الذرة صاعة العصارى على الكوبرى ,,, او حركة مجنونة وجرى تحت المطر فى عز البرد
وخلاص كبرنا على النوادى والتمارين وروحنا الجامعة وكانت اول خناقة هنا على الكوبرى
وشاف الكوبرى الايدين وهى بتتفك عن بعضها وكل ايد راحت فى مكان عشان هى كبرت قبلى وبقت عروسة زى القمر وكترو العرسان, وانا لسة واقف جوايا طفل كبر بس مش لدرجة انه يكون هو العريس ,, وتروح البنت ويفضل هو لوحده على الكوبرى ويحس انه هو والكوبرى شبه بعض,, الناس بتروح وتيجى عليه وهو واقف زى ماهو اسد من اسود الكوبرى
وتمر ايام ويلاقى نفسه واقف مع اللى حس ان قلبه اختارها وان هى دى كل حياته وان اللى فات كان مش اكتر من مراهقة لكن اللى هو فى هو الحقيقة الابدية اللى مابعدهاش كدب ,,, ويمر وايدو حضنة ايدها وقلوبهم على قلب بعض فى التمشية وبرده كله على الكوبرى
وهنا كانت احلى فرحة بالنسبةله لما نجحو سوا وانهو الدراسة وبقينا اشخاص مفيدين لمجتمعنا وحطينا رجلينا على اول الخطوات
لكن ............يحصل اللى بيحصل كل يوم وتيجى تانى خناقة على الكوبرى,, ويقولها انا مقدرش اسيبه ده شاف احلى الذكريات وانا عمرى كله عليه ازاى نقدر نسافر بس ,, بس السفر فرصة كويسة لينا فى بداية حياتنا هيسعدنا كتير ,, مااحنا كويسسين ليه مستعجلة احنا مع بعض بالصبر ممكن نوصل وايدك فى ايدى
ده كلام احلام لكن الواقع بيقول اننا لازم نمشى عشان نعيش ,,, سامحينى مش هقدر
يبقى معناه هامشى لوحدى,, وانت خليك هنا عامل زى الكوبرى ده عمرك ماهتتحرك الناس هتيجى وتروح من حواليك وهتتغير عليك وانت هتفضل زى مانت زى اسدين قصر النيل بالظبط,, واضح ان من حبك فى الكوبرى بقيت زيه

ويلاقى نفسه لوحده من تانى على الكوبرى وفعلا الكل متغير وهو زى ماهو ,,,,,,,,لا ابدا مين قال

هو النهارده اب لبنتين وولد وماشى بيهم فى عربيته الصغيرة وجنبه اللى قلبه اختارها ووافقت جنبه وامنت بيه وهما ماشيين من قصادى دلوقتى على كوبرى قصر النيل

الخميس، 29 مايو 2008

للطفولة احكام

زمان وانا طفلة صغيرة فى المدرسة او حتى فى البيت كانوا دايما يقوقولنا "حب لأخيك ما تحب لنفسك"
"لازم نتعلم ازاى نساعد غيرنا"
"لما كانو بيحولو يقنعنونا بالصيام كانت الجملة الشهيرة عشان نحس بالفقرا"
يعنى كبرت ,اتربيت على انى لازم اساعد غيرى ,,ماكونش اناية,,احس بغيرى ,,على كدة كبرت على كدة اتربيت
ودلوقتى انا عندى من سنين العمر حبة مش كتير ومش قليلين قوى , يعنى انا يادوب فى النص ,, لكن ابتديت احس بمدى الكتب اللى انا اتربيت عليه من وانا صغيرة , وكامن مابقاش سهل اغير طبعيتى
لما ابتديت اشوف الحقيقة المزيفة اللى احنا بقينا عايشين فيها
يعنى مهما تعمل برده انت مش اللى انت
مهما تحب برده مش انت المطلوب
مهما تشتغل مش ده اللى انا عاوزه
مهما تعمل برده مافيش تقدير مافيش اى حاجة
الكل شايف اللى هو عاوز يشوفه
اللى خلانى اقول كدة ,,الىى بيحصل بين الصحاب وبعضهم
لسة حد كان بيحكيلى انها ليها صديقة عزيزة عليها قوى ومرت بأزمة والبنت دى وقفت حنب صديقتها وقفة جدعنة فظيعة ,,بجد وقفة جدعنة فى كل حاجة فى الحاجات المادية , والحاجات المعنوية والعاطفية وكل حاجة
ومع ذلك وبعد كم الجدعنة دى , ديما بتتعامل معاها وحش جدا
مش بتحن عليها , لما بتحتاجها جنبها مش بتلاقيها فى جدعنة صحبتها معاها ,,البنت دى زعلت قوى وجتلى بعيط اعمل ايه معاها,,لسة النهاردة كنا مع بعض وبحكلها على حاجات خاصة حصلت ومضياقنى وهى بحس انها فى دانيا تانية مش بتسعدنى ولا بتاخد بايدى ,,مش بتسمعنى لما خلصت كلامى معاها بدأت هى كلام عن حياتها وانها مبسوطة قوى انها لاقيت حد فى نفس ظروفها وكأنها نسيت انا عملت ايه معاها فى اللى هى مرت بيه"
بصراحة البنت دى كانت منهارة وهى بتتكلم معايا وبتقولى قد ايه هى عايشة لاصحابها, وانها مالهاش فى الصحبيات للولاد ولا مرتبطة بحد ولا فى حد فى حياتها ممكن تشكيلة مالهاش غير صحبتها دى وبس ولو راحت منها هى عمرها ماهتعرف تصاحب تانى لان ثقتها مابقتش زى الاول فى الناس
ردى للبنوتة اللطيفة دى هو انها مش غلطتك دى غلطة تربية صدقينى صدقتك دى ماتعلمتش فى حياتها يعنى ايه تدى ولا يعنى ايه نحس باللى حوالينا ولا يعنى ايه صداقة وجدعنة ولا اتعلمت اى قيم نبيلة فى حياتها , انا واثقة انك لو سألتيها يعنى ايه مبدأ مش هتعرف ترد عليكى,, ماتفقديش ثقتك فى الناس لكن ماتعوديش نفسك انك تدى للى مايستهلش ادى بس الاول لازم تعرفى البنى ادم ده يستاهلك ولا لاء ,,لو اللى حواليكى فاقدين للاشياء الحلوة هما الشواذ انما انت القاعدة افهمى ده كويس جدا و ماتخليش ده يأثر عليكى ............
وماتنسيش تربى ولادك على الخير زى مانت اتربيتى على الخير :)

الثلاثاء، 25 مارس 2008

زمان قالو بين المعلم والمريد ,,,الحب.....

اعذرنى صديقى العزيز,,,فلم اكن اعلم انى اثير ضجرك الى هذا الحد
اعذرنى لجهلى فأنا لا أعلم ولا أدرى ما صورتة وجهى بمرأة قلبك,,عقلك
اعذرنى لمرضى ,,فليس على المريض حرج,,,وقد مرض بك قلبى
اننى ادرك جيدا كم انت رجل يحترم كلماته,,وكلمات الاخر ,,وحياته
لم اذكر مرة استهزاء فاتت علينا,, ولا كلمات عبثية
لذا جئتك طالبة العلم
قد عرفت من من جاءو قبلى,,,انهم قد حملو اعظم الشهادات
فى جرح القلوب
قد علمت لقبك يا سيدى وهو " جارح القلوب "
ياله من لقب ,,قد تفتخر به
باعتقادى ,,كم هى مهنة مربحة,,فاكم مريد تعلم جرح القلوب
وكم هم كثر
قد رأيت كم هى ممتلئة حجرتك بمريديك
سيدى ,,معلمى,,اعلم
اعلم انى لست تلك الطالبة التى كنت تتمنى ان اكون عليها
وعذرى..........
انى يوما لم اكن اريد تعلم جرح من جرحنى
لكن استاذى
انا هنا
فقط لغاية واحة ,,,هى
ان اتفوق على استاذى ,,, والقنه الدرس
فقط...لكى تدرك ماذا انت بفاعل بمن هم مثلى من البشر
فلتكن انت اول تلاميذى معلمى
ولنرى هل تعلمت منك جيدا ام ما علمته لى الدنيا كان اكثر منك تأثير على..............
فلنرى........................................

الأحد، 23 مارس 2008

شفت بعينى ماحدش قالى...............

مشيت فى الشارع , ببص يمين وشمال بحالو ادور على لقطة حلوة ممكن القطها , بس ياخسارة اللى شفته مكانش حلو قوى........
هو : بيحاول يتكلم معها يشرحلها الظروف وهو عامل ازاى وحياته شكلها ايه مخاوفه مقدرته ايه اللى يقدر يعمله ومايقدرش يعمله حاجات كتير قالها وهى بتسمع ,,كان نفسى اسمع صوت عقلها لكن انا سمعت ما هو افظع صوت قلبها
هى: قلبها بيصرخ بيستغيث بيسأل الف سؤال كلمهم بيبدؤ بليه,,لما انت عارف كل ده ليه سبتنى اجبك من الاول ؟ طب ليه حبتنى ؟ وليه سبتنى ؟ مليون ليه ومافيش رد
كان نفسى اجرى عليهم وطبب عليهم وقولهم اوعو تفرطو فى بعض حرام الحب يمكن هو التعويض العادل عن اى مشاكل ممكن تقبلوها فى حياتكو كان موقف صعب مافيهوش اى رحمة
سمعتها بتقولو ان عارف انت عملت فى ايه ,,عارف يعنى ايه احس انك حبك كان مجرد شفقة علبه , كان مجلرد انانية منك,,,,قالت حاجات كتير بس هو معرفش يرود عليها
ليه حصل كدة؟؟؟؟ليه بقت اسهل حاجة عندنا اننا نضيع كل حاجة حلوة حاولينا وبعدها نرجع نقول هو ليه الدنيا وحشة؟ ليه بنخون ونرجع نعيط ونقول ليه بنتخان؟ ليه بنقسى على بعض ونرجع نسأل ايه القسوة دى جاية منين؟ ليه بنضيع الحب ونرجع نقول مافيش حب؟
لبه؟لبه؟ليه؟ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الأربعاء، 19 مارس 2008

يفضل اسمها أم...........

جتلى وقعدت تبكى...بتقولى انا اسمى ام عندى بنت وولد ,,ربيت وكبرت وعلمت وفى الاخر.........وبكت
مالك يا ست ليه البكى؟؟؟؟؟؟؟؟
قالتلى سبينى يمكن البكى يغسل الهموم..........سبتها
شوية وقلتلها احكى
بدأت تحكى.....
لما كنت بقعد قدام التليفزيون قرب احتفلات عيد الام واشوف ازاى الناس بتغنى لأمهتها كنت ابكى ويصعب عليه حالى, وسألأ نفسى هو ليه ولادى مابيعملوش معايا كدة؟
صحيح هما بيجيبو هدايا وبيقولولى كل سنة وانت طيبة ,لكن كان دايما جوايا شعورانهم مش بيعملو كدة من قلبهم
سألتها ليه انت حاسة كدة, ومنين حاسيتى كدة؟
قالتلى ,,قلب الام,
قلتلها ازاى؟
قالتلى انا طول عمرى شايفة ان عمرى ماقصرت فى وجباتى ناحية ولادى
قاطعتها وقلتلها يعنى بتعملى ايه؟
قالتلى ابدا كنت بحبهم وبدلعهم .....وسكتت قلتلها بس؟؟؟؟
قالتلى هو فى اكتر من ان الام تحب ولادها؟؟؟؟؟؟ظ
قلتلها فى حاجات كتير
قالتلى زى ايه؟
قلت: التربية, التوجيه,الحنان ,الرعاية,الاهتمام,ضمة الحضن.....زحاجات كتير
قالتلى ومع ذلك كانو بيحبو ابوهم اكتر !!!!!!!!!
طب ماسألتيش نفسك ليه؟
سألت..........
والاجابة؟؟؟؟؟
معرفتش اوصل لحاجة...
والمطلوب يا ست
عاوزة احس ان ولادى بيحبونى
بصى يا امى
مافيش ام مابتحبش ولادها,, وكمان مافيش اولاد بيكرهو امهم ,,انت أم,, وهتفضلى ام مهما حصل لكن............
ولادك ماشفوش منك الحنان والرعاية اللى هما بيسمعو عنها فى اغانى الام ولا فى الكلام اللى بيسمعو
انت معرفتيش تضمى بنتك ولا تفهميها ولا تسعديها لما كانت محتجالك ,بالعكس انت وقفتى فى وشها وماحستيش هية ممكن تكون حاسة بايه وانت بعيد عنها وهى مش لاياقى,,,والولد معروف دايما انه بيكون حنين وعطوف على امه ,, وكمان هو الكبير وواخد باله من كل اللى فى البيت
لكن احساسك ده سبب كبير منه انت وعلاقتك بيهم من الاول ,,, مش الاكل والشرب بس هما كل علاقتك بولادك
فى حاجة اسمها السهر جنب العيل من دول لما يسخن,,حاجة اسمها سهر عليه طول ماهو بيذاكر,,حاجة اسمها تشجيع لما يعمل حاجة صح وكلام بهدوء لما يغلط...لو كنت عملتى كدة معاهم عمرك ما كنت هتحسى بالشعور ده ابدا
لكن سامحينى هما ماشوفش منك ده
ومع ذلك انت ام وهتفضلى ام مرفوعة عالراس وجوة القلب ربنا وصانا بيكى والاب خير,,, والرسول كمان وصانا بيكى واكيد يترضلك الجميل ,,لانك ام واكيد الامومة اللى جواكى ظهرت فى بعض مواقف ماينفعش تتنسى
ضمى ولادك لسه الاوان مافتش وةهما كمان هيجولك ويبوسو ايديكى
افتحى معاهم صفحة جديدة
عشان انت هتفضلى ام ......................... كل سنة وكل ام بخير وصحة وسعادة

الثلاثاء، 18 مارس 2008

خايفة...................

ياترى عشان الدنيا تلاهى والناس بعيد عن بعض ,,انا خايفة
ولا عشان وجودى وحيدة فى الدنيا دى ,,انا خايفة
ولا عشان ماحدش حواليا حاسس اصلا بالامان ,,انا خايفة
ولا عشان كلبتى الوحيدة فى عز البرد حاسة بخوف وكل ما ابوصلها الأنى ,,انا خايفة
ولا عشان صديقتى الوحيدة بعيدة ...قوى ,,انا خايفة
ولا عشان مش عارفة اسمع صوت قلبى ,,انا خايفة
ولا عشان سبنى لوحدى استناه,,انا خايفة
ولا عشان بسمع نشرة الاخبار عاالجزيرة ,,انا خايفة
ولا عشان تاه صوت فيروز وسصت صراخ غزة ولبنان,,انا خايفة
ولا عشان اللى بيموتو فى طابور العيش..كل يوم,,انا خايفة
ولا عشان الاطفال اللى كل يوم بتتولد"مشوهة" ,, انا خايفة
ولا عشان ماليش صوت ..واضح ,,انا خايفة
ولا عشان لما بقيت ابص فى المراية ماشوفشملامح وجهى,, انا خايفة
ولا عشان انا شايفة الجبن فى كل مكان حواليا,,انا خايفة
ولا ليه ؟ ولا ايه؟؟؟؟؟؟؟؟؟؟؟؟؟؟؟؟؟؟؟
تعددت السباب والخوف واحد................

الأربعاء، 12 مارس 2008

صااااااااااااااااالح بوابير الجاااااااااااااااااز.............

كدة كان بينادى زمان الراجل اللى كان بيلف على البيوت فى مصر عشان يصل بابور الجاز اللى كان البيت المصرى البسيط بيحضر عليه اكله,,كانت ام العيال يعد تنفخ فى البابور لحد ماينقطع نفسها عشان تقلى شوية بنتجان لابو العيال والعيال عشان لما يرجعو من الكتاب ومن الشغل , ولما اضطورت الدنيا من حواليهم ربنا فتح عليهم بالبوتجاز الابيض الشعلتين ده بتاع المصانع الحربية, واللى كان بيشتغل بالانابيب ,,انابيييييييييييييييييييييييييييييييب ,, كدة كان بينادى بتاع الانابيب,, وفى عصر التكنولوجيا الحديثة ومع الانفتاح بقى عند ست البيت بوتجاز 5شعلة وفرن بلمبة وبيشتغل اشعال ذاتى واخر حلاوة ,, ماهو بقى فى غاز طبيعى ههههههههههههه بعد ماالستات ارتاحت من دعء بابور الجاز ,, وبعد ما ارتاحو من الانابيب اللى بقت بتنفجر فيهم ,, قعدت الجارة " فلانة الفلانية " مع جارتها يلطمو ويعيطو ليه خير ؟ كفاالله الشر؟؟؟ اصل هيرجعو للهم ده تانى ال ايه يا خويا الراجل اللى نغنغنا وعايشنا فى نعيم ال صعب عليه وقالنا كفاية كدة عليكو دلع وطبخ على البوتجازات اللى بتشتغل بالغاز الطبيعى تعالو نبطل استعمال غاز عشان فى اخوان لينا يا عينى حرام محرومين والستات مش مدلعين زيكو لسة ماخدوش حقهم وهما هنا قريبين جنبنا مش بعيد ,, فا احنا انسانيا مضطريين نودلهم شوية غاز مدعم عشان يعرفو يعيشو كويس وبالمرة نوفرلهم قد مليار جنيه كده عشان يعيشو عيشة فل ويدوءو الاكل على الغاز الطبيعى زيكو ,,يا ست يا مصرية انت طول عمرك كريمة وبنادى بحقوق المرأة حرام تحرمى جارتك السو دى من شوية غاز طبيعى يا دوب يجى 20 سنة بس يكون عيالك كدة كبرة وربنا كرمهم وبيشحتو على باب السيدة ولا يمكن يشتغلو طباخيين عند جارتك السو عشان يادوب يلحقو الفتافيت من طابيخهم البايت.................
انا بجد مش فاهمة ولا فى اى حد فاهم اى حاجة كانت حلقة فى العاشرة مساء النهاردة مستفزة اخر حاجة
هو احنا ليه كل الناس شايفانا دءين عصافير,,,الكبار هيقولو سيبوهم دول مش فاهمين حاجة مش معقولة هنخلى شوية ناس حىالله اسمهم شعب البلدى اللى المفروض ان الكبار دول موظفين عندهم وبيحمولهم مصالحهم مش معقول نسيبهم هما يمشو سياسة البلد على كيفه
طب ماشى لو احنا مجرد شعب مش فاهم حاجة,, وانتو الكبار فاهمين كل حاجة ,, طب هو احنا مش من حقنا نفهم , بلاش نفهم مش من حقنا نعيش فى بلدنا حاسين بأمان لبكرة
ياكبار اللى بتعملو كل حاجة عشان مصلحة البلد من فضلكو احمونا بجد ,احمو جيل شايف بكرة مش بتاعه فى بلده الحق شباب ممكن فى لحظة يسيبك لايس لوحدك ويوح يطبخ هناك على الغاز الطبيعى بدل مايتخنق هنا من ريحة بابور الجاز

السبت، 8 مارس 2008

الوحدة.,الحب,الصداقة


دايما كنت بقول انك طالما عندك اصحاب يبقى انت كدة عمرك ماتكون وحيد , كنت دايما متخيلة ان الصديق ده اهم من اى حاجة فى الدنيا لانه لما بتحس انك وحيد او حبيبك بعيد عنك او بيحصل اى مشكل او اى احساس بيجيلك اول حد بتفكر فى هو صحبك صديقك , كنت فاكرة ان السعادة هى انك تكون مع صحبك ,,,, زمان كنت لما اتعب كنت اعتقد ان لما هاكلمك صديقتى هارتاح و كنت بتخيل انى ارتحت

وكنت بصدق نفسى ,لكن الايام واصحابى اثبتولى ان الصداقة مش زى ما انا متخيلاها, مع اصحابى باظت كل معانى الصداقى اللى كنت معتقده فيها ومصدقاها,,زمان امى سألتنى ليه بتهرب من اصحابى القدام, سعتها قلتلها ينفع يكون فى حب من طرف واحد ,لكن لا يمكن يكون فى صداقة من طرف واحد...سكتت امى ومعرفتش ترد لكن قالتلى والعشرة ؟ قلتلها امى عمرهم ماحياتاجونى ومش هايلاقونى,,لكنا الصداقة مش خروج ومرواح هنا وهناك ونزول المحلات والغدا مع بعض فى حتى شكل ,المعنى اشمل واعمق

عمتى لها صديقة من اكتر من 40 سنة صداقة وحادة عايشة فى مصر والتانية فى البحرين,لكن مافيش حاجة مايعرفهواش عن بعض بيحسو بعض ودايما لاقيين بعض فى اصعب واحوج الظروف رغم البعد,,يمكن لو كانو عاشو فى بيت واحد ماكانو هيبقو قريبين كدة ولا الله اعلم

اللى اعرفو انى لما اتحرمت من احساس العشق وانى اعيش قصة حب ,عمرى ما اهتميت فيها زى كل البنات دايما اللى كان بيهمنى هو انى اعيش صداقة حقيقة انه يكون لى صديق واحد بس احنمى فى من غدر الدنيا صديق يشاركنى كل اهتماتى وتكون أراءنا ومبدأنا واحدة نكون عايشين مع بعض على المرة قبل الحلوة,,انك ماتعش قصة حب كان فى نظرى مش معناه انك مش عايش ,لكن ان ماتعرفش يكونلك صديق بحياتك هو الده الموت بعينه,الحب شعور جميل ومعنى اكبر ممكن تعيشه دايما مع كل حاجة حواليك لكن الصداقة منين تجبها لو ماكنتش حية بتنبض يبقى مالهاش وجود

اه بعترف انى فى عيوب لان احنا بشر لكن ازاى تكون بتعرف تتحمل عيوب غيرك ومافيش حد بيتحمل عيوبك وازاى تكون صديق وانت بتخاف من صدقيك لما حمله يتقل عليك ومتعرفش تتحمله

سؤال نفسى أسأله لاصحابى الاعزاء هو انتو فى حياتى ليه عشان اشيل وامسح وراكو قرفكو وبس ولا انتو فى حياتى عشان تخدو اللى انتو عاوزينو وبس....حقو على فكرة محدش يقدر يمنعكو لكن ,بلاش تحسسونى انى امنا الغولة انا مش وحشة كدة وانتو بكرة لما تكبرو كدة وتعقلو هتفهمو قصدى وتعرفو انى خايفة عليكو مش قصدى ابدا ادبحكو او اوجعكو زى ماانتو شايفين

لو فهمتونى كنتو هتعرفو انتو بتتعملو مع مين , يمكن مشكلتى , يمنك مشكلتو ,,لكن النتيجة هى انى انا بدنيا وانتو فى الدنيا التانية, على فكرة دنيتكو حلوة كلها حب وتفكير فى الحبيب والجواز وفى الاستقرار مع الشريك اللى كل واحد اختاره ,وعشان كدة عمرنا ما هنتلاقى لانى بساطة انتو عندى اهم من الحياة اللى انتو بتكلمونى عنها

الفرق بينا انكو تقدرو تعيشو من غير الصديق مادام الحبيب موجود , وانا مقدرش اعيش حتى لو مع الحبيب مادام الصديق غير موجود........

الوحدة وسط الناس ,اصعب بكتير من الوحدة اللى بين اربع جدران ,,مالهاش حل ...................

الخميس، 6 مارس 2008

لما قلت عايزة اكون حرة......قالولى اتجوزى


يوم عيد الحب اللى فات كنت متفقة مع الشلة بتاعتى انهم يخرجونى لأنى حالت النفسية كانت مؤسفة اخر حاجة ,,لكن اللى حصل ان صديقاتى العزيزات باعومنى وقضيت عيد الحب مع اصدقائى الذكور خولى وألبير قلتلهم عارفين نفسى فى ؟ قالولى خير مأنت اصلك أحلامك كتير ومالهاش علاقة ببعض" قصدهم مجنونة" قلتلهم عاوزة اروح وسط البلد فرد خولى وقاللى هتبقى زحمة قوى دلوقتى البلد واقفة يابنتى قلتلهم عارفين بجد نفسى امشى فيها من الساعة 2 بالليل لحد ماتشرق على الشمس وانا على كبرى قصر النيل وأكون ماشية ومعايا المولقاط بتاعى " الكاميرا بتاعتى" فرد عليه خولى برده وقاللى لما تجوزى.....
بصراحة الكلمة فضلت ترن فى ودنى كتير قوى يعنى عشان اكون حرة لازم اتجوز , عشان أعمل حاجة بسيطة زى دى لازم اكعملها وانا مقيدة بسلاسل زوج ؟!!! فجأة حسيت انى بتكلم مع واحد طالع من فيلم أبيض وأسود بكل قيم ومعتقدات الزمن ده واهما ان المخرج الوحيد عشان تعرف تتنفس يعنى تكون فى بيت جوزها طب ايه اللى خالاهوم واثقين ان البنت لما تتجوز هتقدر تعمل اللى نفسها فى ؟ منين جابو الثقة دى ؟؟!!يعنى عشان افرح لازم اتجوز,,عشان احب لازم اتجوز,,عشان اعيش وسط اطفال لازم اتجوز,,عشان اكون مرأة كاملة لازم اتجوز,,عشان اكون ست ناجحة لازم اتجوز,,عشان اكون حرة لازم اتجوز....................................
تفكير عقيم طب منين هاكون كل دة وانا اسيرة لبنى أدم واحد يايكون كويس ويايكون زفت ما هو على رأى المثل " الجواز عامل زى البطيخة لاتكون قارعة لاتكون حلوة" طب انا بقى منين اضمن ان بطختى حلوة مش احنا عندنا مثل تانى بيقول " اللى تحسبه موسى يطلع فرعون" ولا ده ماينطبقش على الجواز وان الجوز لازم يكون زى الفل
ليه دايما مأجلين كل حاجة لحد ماتحصل حاجة تانية ,البنت تأجل الكعب العالى لحد ماتتجوز, الموهوب يأجل موهبته لحد مايخلص دراسته وياخد الشهادة,,,, وهلما جر ,,كله بيتأجل لحين اشعار أخر ليه مابنعرفش نعمل كل عمل فى وقته الحقيقى والطبيعى يعنى حاسس انك عايز تعيش لحظة جنون عيش لحظة جنون من غير ماتستنى اللى حواليك , عايز تخرج اخرج , عايز تحب حب,,عايز تعيش لحظة صدق عيشها كفايانا تأجيل بقى كم من العمر ضاع بسبب التأجيل ده كام لحظة حلوة ضاعت بسبب كلمة لما وانا كام ضاع منى بسبب الكلمة دى من كل اللى حوليه ...لما فكرت بينى وبين نافسى قررت انى لازم ماستناش على انا عاوزاه لما ,,خدتنى الجلالة بقى لكن طلعت طلعت ونزلت على مافيش مش هاقدر اغير حاجة وهااضطر استنى لما .....بس مش لما اتجوز لاء لما اقدر اكون قد انى اقول لاء واعمل اللى انا عاوزاه وقت ماعوزو وهو اصلا عاوزة ايه ده انا غلبانة فى طلباتى والله بقى عشان اروح مكان لازم اتجوز,,امال لو حبيت اسافر مثلا ايه بقى لازم اكون جرة ورايا سبع عيال,,الله الغنى هاعمل اللى انا عاوزاه غصب عنك ياخولى ومن غير جواز وبكرة تشوف وانت عارف جنانى .....

الأربعاء، 5 مارس 2008

دنيا.........

لسة أمبارح , بس أمبارح أتفرج على فيلم عربى وألاقى نفسى بطلة للفيلم ده, كان طول عمرى بحلم بالفن والتمثيل والرقص و الحب, والفيلم ده حققلى كل رغباتى , الفيلم هو دنيا " اسمه كده دنيا" محمد منير وحنان ترك..الاخراج" جوسلين صعب" من لبنان ..دى بينات سريعة عن الفيلم لكن الهم هو الحالة اللى عيشنى فيها الفيلم انك تشوف نفسك زى ما انت بتحلم بيها وزى ما انت حاسسها ده شىء صعب مش موجود وانك تفرح لما تلاقى حد حسك ووصل لاحساسك بنفسك لدرجة انك ماتحسش بالكون اللى حواليك, طول عمرى بستنى انى الاقى فيلم زى ده يمكن ماهواش احسن فيلم فى الدنيا فنيا لكن الاحساس انى اشوف فيلم زى ده معناه انى مش لوحدى شايفة ان الدنيا بتتحس مش بتتفهم او تتحسب نفس الحروف " بتتحس , بتتحسب " بس الفرق كبير الخوف والضلمة والنور والشروق و ايه هو الحبمين هى الحرية شكله ايه الامان لون النو ايه؟؟؟؟؟ كلها معانى وصلتنى من حركة ممثلين, وأضاءة مدير تصوير, وسيناريو كاتب, وزوايا مخرج,, والاهم من كل ده انه وصلنى من احاسيس بنى أدمين أ زاى فى عمل ممكن يخرج من ناس عادية كدة ويكون واصل لاعلى درجة احساس بالطريق دى,,, انا عارفة ان محمد منير ملك قلبى طول عمره احساسو عالى لكن هنا هو اعلى حاجة,, حنان ترك مش هقول انى مزعلتش لما عرفت انها خلاص قطعت صلتها بالفن,, حاسيت بأحباط رهيب لما فوقت من غرقتى فى هذا العمل الرائع جدا " بالنسبة لى" انى عارفة حنان ترك بقيت ايه دلوقتى وبتفكر ازاى وبين اللى وصلتو لى من الفيلم ده اختلاف كبير وكأنها بتتبرء من الفيلم ده ,,حاسيت انها لجأت لله عشان تغسل ذنوب هذا الفيلم على الرغم من انه مافيهوش ما يخدش حياء المتزمت العربى" اقصد المشاهد"ليه؟؟؟ليه احنا ماليانين بكل التناقضات دى؟ليه احنا لينا مليون وش ؟ ليه الناس بدارى وشها الحقيقى على الرغم من ان فى ناس بدارى الوش الحلو الكويس مش شرط اننا بندارى الوحش بس لاء , كتير بيدارو الحلو وكأننا لازم نشوف دايما الوحش ماينفعش الحلو يكونلو مكان ماينفعش يكون الفكر الجديد صوتو عالى ,, انا عارفة انه مش جديد على العالم كله ان الجديد يرجم ورحم الله " جاليليو, وأبن رشد"وغيرهم كتيييييييييييييييييييييييييير, بنزيف الحقايق وبنسمى كل حاجة بغير أسمها( الخوف=ألتزام, الحب=جواز , الجهل=أوامر الله) كل بغير مكانه مافيش حاجة بنعملها بنشوفها بأسمها الحقيقى الشىء ونقيضه ويمسى بالخير الست فيروز " انا راح صار لازم ودعكن خبركن عنى".....................................

الثلاثاء، 4 مارس 2008

كل ما فكر فى نفسى.........

أمبارح وأنا بتفرج على برنامج العاشرة مساء ,كانت الحلقة عن الطفلة سماح اللى اتقلت برصاص الغدر من ايد الغادر الاكبر" ثعبان الكبرى" ده يمكن حتى الكبرى احن منه على ضحيته,, ما علينا طبعا الكلام الحمصى بتاع اتأثرت قوى وتعبت ودمعت والجو ده لا ده كان زمان , طب ليه؟ لانى وببساطة شديدة حسيت ان انا اللى قتلتها او بمعنى ادق انا اللى غدرت بيها وانا عمرى ما غدرت بحد ,يوم ما غدر تبقى طفلة بريئة كانت بتلعب بتمارس حقها الطبيعى والاكبر فى الحياة, بعد ما قريت مقالة أ. مجدى الجلاد فى المصرى اليوم عدد امبار برده " شوف الصدف" المقالة كانت عن الغاز الطبيعى اللى راح هناك بسعر التراب زى ماقال وازاى احنا ودينا للجارة اللى ماتتسمى وهى لا جارة ولا نيلة اصلا دى سو وشر ورأس افعى ,, ازاى اقدر اثق فى عصبة بلدى لما تقولى مستقبلك مشرق وهى بتدى للماتتسمى غاز طبيعى وتغليه وترفع دعمه عنى , جاتلى حالة من اللغبطة " الهطل " بمعنى طبيعى اكتر الصورة للاسف عملة كده ( رفع دعم عن كل حاجة, عن الغاز الطبيعى وجعله حر يعنى ارتفع سعر الوحدة يغلى انخفض يرخص, بنودى للبيقتلنى غاز فى نفس ذات الوقت,اللى ماسكين فلوسى بيقولو احنا بندد باللى بيحصل فى الاراضى المدبوحة , فى نفس ذات الوقت انت بتديله غاز لمدة 20 ستة , طفلة ماتت وابن عمها من كام يوم فى بلدك من رعاياك يا مولاى وانت عادى ولا اتهزتلك شعرة ) للدرجة دى احنا مالناش لازمة للدرجة موتنا فى راحة ليكو ,يعنى ايه احنا نمشى منها نروح نوشفلنا خرابة تلمنا لاننا عبء على سيدكو,,,هة من كام يوم كان شهبندر التجار بيتكلم مع محممود سعد فى البيت بيتك" دى كدبة على فكرة واضح ان البيت فى الايام اللى جايه مش هيكون بيتنا كلنا, الا اذا كان يقصد بيه بيت اللى بيجو " ما علينا يومها قال : اطبخى يا جارية كلف يا سيدى" شهبندر التجار بيقولينا كدة اللى بيديك مصروفك بيقولك كلف يا سيدى يعنى بيديهولك بالشمال بيخدو ب..................... ولال بلاش خلينى مؤدبة ,,,حسبى الله ونعمة والوكيل المفروض انها بتعمل حاجة لكن دول محتاجين عمله اكبر من كدة دول محتاجين يروحو دريم بارك......
اسفة يا سماح ماوراكيش رجالة تأخدلك بحقك ربنا يرحمك ويرحم ملايين زيك هنا وهناك,,سامحينى وماتتعديش علية عند اللى خلقك لاهنى جبانة و مافيش حاجة فى أيدى مثلى الاعلى ضعيف وجبان وانا بالاتبعية تلعط زيو ويمكن اجبن , بس اوعدك هما 20 سنة وبس بعدها هاشوف شغلى معاه ودينى لاقطع عنهم المصروف " يو اصدى الغاز" اصل خدتنى الجلالة بمسرحية العيال كبرت

الأحد، 2 مارس 2008

Facebook | My Notes

ممكن نتعرف؟؟؟!!!

اليومين دول زى ما يكون موسم
,,انا فى نادى كبير وعريق كدة انا باروحه كتير النادى ده باءالو فترة كبيرة قوى بيجدد فى الصالونات بتاعته, الحقيقة كل الناس مستغربة ليه كل التجديدات دى اليومين دول بالذات ؟
الحقيقة ان النادى حس كدة بالفترة والكياسة المصرية ان دى هى فترة التعارف !!!! تعارف ؟ اى تعارف!! التعارف اللى بيتقال عنه نظرة,فابتسامة,فكلمة,فازغاريد زغاريد زغاريد.......
موسم العرسان والعاريس ..النادى المحترم حس ان الجواز رجع زى زمان صالونات, فا ققال اشمعنى الشباب والبنات اللى مش غاويين اعدت الصالونات بيتعرفو على بعض وبيتجوزو" اى كان شكل الجواز " والغلابة اللى قاعدين فى الصالون مش بيتجوزو لاء احنا قررنا كمجلس ادارة اننا نوضب الصالونات عشان الناس تيجى وتعرف تتعرف على بعضها كويس , ماهو برده يا بخت من وفق راسين فى الحلال,,
فا وانا قاعدة كدة لاقيت الشكل ده أم و أم وولد وبنت او يعنى شاب كبير ناضج وشنبه يقف عليه الصقر زى ما بيقولو, والبنت ناضجة كدة محترمة وقاعدة فارده ضهرها تقولش غزال قاعد,,
وكل واحد فيهم قاعد و بيتعرف , كدة من غير استأذان, كل واحد فيهم قاعد وعارف انه بيتعرف عادى الفكرة بقى انه كل ةاحد فيهم فجأة بيلاقى حد مالوش اى لازمة فى حياة التانى ولا له اى كونية فى الحياة باالنسبة له فجأة تلاقى نفسك بتتسأل عن
( ايه اكتر لون بتحبيه؟
هوياتك ايه؟
مرتبك كام؟
مابتفكريش تتحجبى" لو ماكنتش محجة طبعا"؟
طب هو انت مابتفكرش تحلق شنبك؟
ايه اكتر كافيه بتحبه؟
ايه ده هو انت بتقعدى فى كافيهات؟
عندك صحاب بنات؟
مين صحابك؟
بتقدى وقت فراغك ازاى)
الى اخره من اسألة عنك عن حياتك عن يوميات عن خصوصياتك و مع ذلك انت مضطر للاجابة لأنه الاعدة مفروغ منها انتو قاعدين عشان تتعرفو,يعنى الاجابة ببساطة ؟"احنا بنتعرف" لكن لسة هتقولى ممكن نتعرف ؟ هأولك انت قديم قوى... و ال بيقولو جواز صالونات قال ده كفاية انه بيبدء بتنازل واضح عن خصوصيتك بدون اذنك كمان, لكن التعارفات القديمة انه يجى ويقول ممكن نتعرف كان فيها نوع من الخصوصية والحرية فى لو اه خلاص انت اديته الاذن ولو لاء يبقى انت حر فى انك تحافظ على خصوصيتك وحريتك ومافيش حد بقى حط مانخيره فى حياتك فجأة بحجة " بنتعرف"...........