السبت، 11 يوليو 2009

حاضر ... هنكبر هنكبر ليه الاستعجال؟


اول ما الام بتحمل فى ابنها بتقول اما يفوتو التسع شهور واشوفه والمسه واخده فى حضنى ..

واول مابيتولد بتقول امتى يبدأ يتحرك لوحده ..

ولما يبدأ يسحف تبقى هتجنن ويتكلم ...

واول مايبدأ يطلع صوت متلحن شبه لحن كلمة " ماما " تبقى نفسها ينطق كل الكلمات مرة واحدة ..

واول مايتكلم ويمشى تقول امتى ندويه حضانة ..

واول يوم حضانة تقول امتى المدرسة ..

ومع دخوله المدرسة تقول امتى يبقى فى ثانوية عامة ..

واول ما يخلصها وتبقى مش مصدقة نفسها طبعا تبقى هتموت كدة وبتدعى فى كل الصلوات انه يدخل الجامعة ..

دخل الجامعة بتحلم بيوم التخرج ..

اتخرج امتى الشغل ...

اشتغل عقبال العروسة ...

وفى الفرح تحلم بعد تسع شهور تبدأ تحلم بالحفيد وتفضل تعد الايام والاسابيع والشهور ....

ولما يجى الحفيد ، تبدأ معاه الكرة من اول وجديد .........

هناك تعليق واحد:

candy يقول...

دايما بقول الكلام ده...
بقول أننا لما بنتولد بيتقال فى السبوع "عقبال فرحها"
"عقبال ماتجوزوها"
ويوم الفرح بيبقى البكاء والولولة
وعقبال ماتيجبوا عيل
ولما يجيى يبقى عقبال فرحه!
----------------
انا اعجبت بالمدونة جدا وحطتيها فىالريدر بتاع مدونتى بعد اذنك يعنى