الخميس، 26 ديسمبر، 2013

تركينى اعشقها بحرية

صحيت يوم زيه زى اى يوم ،، لبس راحت الشغل قلب فرحان رغم كل الاحزان والمشاكل والضغوط هتقابل الحبيب ونور العين
مقابلة قهوة وهوا وليل خريفى
كلام كتير عن الهموم وشكوى من حال الدنيا وضيق الحال وتغيير القلب والاحوال ولفة المشاعر فى كاس ودار عل الكل
نظرة بله شعور بالغربة وعقل بينطق كل الكلمات العقلانية فى الدنيا
ماهو حبيب ومهما قال وطلب على العين والراس
لو كان امبارح طلبه ماتسبيش ايدى ولاقابى وحيد فى غربة الايام وابنى معايا بيت حيطانه من جدار قلوبنا وسقفه روحين طاهرين ،،وكان ردها قبلت اشاركك ،
فانهاردة طلبه اسندى ضهرى واحمي مشاعرى اللى تاهت وبعدت وبردت
احمينى من ضعفى وخوفى
احضنينى لما توه امشى ورايا رجعينى من تهتى او ارشدينى فى رحلتى نورى قلبى اللى ضلم من كتر وابيجرى ورا سراب
عارفك اقوى مت الزمن والضعف والخوف
عارف خوفك بس واثق فى قوة روحك على شيل الحمل
حبك اشبه بحب الروح للطيران
عارفك هتطلقى سراحى بحب وود عشان اقدر ارسى على البر اللى محتاجه
عارفك هترقبينى بروحك وعارف انه هتوه بثقة انى مش هضيع
يمكن اتوه ابعد اخاف مش هفهم حاجات كتير عايز ادور اخودلى لفه فى الكون الحر و اسرقها من جنوحها يمكن تكونلى وليف
مش هقدر منغير وجد روحك حواليا فى الدنيا ترشد تحضن تحمى وقت الخطر
عارف انى بسرق روحك منك
عارف انك روح مش للسرقة ولا الضعف يعرفلك عنوان
عارفك زى بس رجلك ديما ثابته
واثق عشقك المجنون مش هيخنقنى هيرشدنى فى رحلتى المجنونة

تمسك وشه بين ايديها اللى اصغر من حبات المطر
نظرة عميقة للقلب من جوة
توه سافر ابعد اعشق احزن اضعف عيش حر واسرح فى الملكوت اتمنى واستنى واءمل واحتار اسءال واستنى الجواب
امشى بخطى ثابتة واثقة للمجهول وماتخفش ،، القلب العاشق مافيش اشجع منه
الروح الحرة مافيش اقوى منها
التوه ساعات بتكون اصدق من وجودك فى مكان مدركه تماما
اهم من التوهان او الثبوت هى الحقيقة
عيش حقيقى واجرى وطير ثق واءمل منغير خوف
ايوة انا هنا ليوه هحميك ايوه حق العاشق فى الحرية والطيران مش الجمود والوقوف فى المكان

عيش طير اتحرر ابعد اعشق ده حق عشق روحك عليك
وانا هتدور وهثق وهحمى وهراقب وهقف وهفرش روحى بساط يطير وراك تنام عليه وقت هلاك روحك ترتاح عليه
دة قدر عشقى

بوسة علخد ونظرة بمليون احساس تقول للعشق مالكش نهاية جوة الروح تتكتب كلمة النهاية ،،لكن عمر ماكان للنهاية وجود فى العشق

ليست هناك تعليقات: