الخميس، 26 ديسمبر 2013

قلبى حر

وايه يعنى
ماياما بكينا وضحكنا
والدمعة جفت والضحكة غنت
وحضنتنا قلوب دافية بقت وجرحتنا قلوب غفلة
وبكت عيونا تانى من بعد مادواها كتير
اترمينا ورمينا من برج عالى أفراح وآلام
ضحكة رنت وسط الزحام
دمعة تاهت وسط الكلام
سلام مفارق حزين
من بعد سلام لأرجع بعد طول غياب ملي قلبه حنين
ومن دة شربنا
ومن دة دقنا
لا حزن روى ولا ضحكة سدت جوع
اختار يومك بايدك
ما كله موجود وعلى لون
ربع غدر على نص خيانة شكلت من الأحزان قرطاس
آو ربع سعادة ومن الرضى املالى كأس
اغضب كسر وثور
أو هد بأيديك السور
ماشية ماشية والطريق مسير مفتوح وماشى
عقلك مخير يا راح يالسة مجاشى
اندم والطم إللى ضاع راح
بكرة لفرجك نجيب منين مفتاح
يومك لسة خيوطه فى أيدك
لون خطك بايدك
أشى وردى أشى ازرق
وكل بين الأبيض والأسود
أمتى وقفت دنياك لغيرك ولا سعرت خدك مداس
ما كلنا فينا الأناني والمحتاس
أتخنت خون خيانة
حبيت جرحت وآت جرحت
ظلمت والدنيا دوارة
ليه بقى البكى ما انت سامحت وآت سامحت
عيش يومك لنفسك ولغيرك بردة مكان
لوحدك أنسى دى الدنيا مالهاش أمان
سبلها وطلع لسانك
يأنا يا انتى يا مد وخانة
طلقة أحزانك بالتلاتة
عايشينك بالغضب عنك وبرضة بكسرك

قلبي حر

ليست هناك تعليقات: