أين أنا؟؟؟؟؟

اشعر انى قد استيقظت من نومى ، فكل شىء بداخلى اشعر به مستيقظ ولكن ليس به حياة
اشعر بانفاسى تتصاعد ولكن قلبى لاينبض
اشعر بأصابع يدى تتحرك ولكن يدى مبكلة
اشعر بأن لدى عينان ولكنى لا ارى
اشعر بشفتاى ولكنهما كالحجر لايتحركان
لازلت اشعر بثقل اذاناى بجانب رأسى ولكن لا اسمع شيئا
لماذا يتخلل انفاسى المتصاعدة حبات الغبار ؟
اكاد ارى من على بعد الاف الاميال اشياء لا استطيع تفسيرها وبالرغم ،اشعر بضيق من جميع الجوانب !!
ياآلهى !! اين انا ؟
لماذا لم اعد اسمع اصوات طيور الصباح ؟
لماذا لم يعد هناك شمس ولا سماء ؟اين اختفت الارض الخضراء ؟ اين الالوان؟
لماذا لم يعد هناك سوا ذلك اللون العجيب الذى هو عبارة عن اصفر مختلط باللون الرمادى ؟
اين اختف رائحة العطر والزهور ، ولم يعد هناك سوا تلك الرائحة,,رائحة غبار!!
لماذا اختفت الحياة من جسدى النحيل, ولماذا ازداد نحافة؟
كيف استطيع الكلام دون كلام؟
فما اقوله الان ليس كالكلام الذى كنت اقوله من قبل ؟
فمااقوله الان ليس مجرد سوا اجابة على أسئلة فى غاية الصعوبة وغير مسموح لى ان امتنع عن الاجابة وغير مسموح لى ان استعين بصديق، فلا يوجد هنا بشر غيرى..
من يسألنى ليس ببشر ، لم اراه من قبل ولم ارى شبيهه فى حياتى , من أنت ؟ سؤال غير مسموح به...
ياآلهى !!! اين انا؟ قد مت ! لابد وانه الموت ، لابد وانه القبر ، هاقد أتى الحساب ؟؟
كيف حدث ذلك , فقد كنت من دقائق فى مكان آخر ومع بشر مثلى ، كيف فى لحظات اصبحت هنا ، كيف انتهت الحياة بتلك السرعة ، كيف خدعنى الوقت وصار دون ان انجز مهامى وعملى ؟
ياآلله لو ذلك يكون حلم وسأفيق منه ،، ام انا قد أتيت الى الحقيقة !!؟؟
هل ماكنت به كان حلو وهذا هو الواقع ،، ام ماكنت به كان واقع وهذا الحلم وسأعود لواقعى من جديد!!!!؟؟؟؟
ياالله لاتتركنى هنا وحدى ، خذ بيدى ، أيقظنى من هذا الحلم ...
لا تتركنى ياالله...يالله

رسالة اعتذار....

بكتبلك من قلب مجروح مشروخ مصدوم من فوقانه من حلم على حقيقة كسرت جواه كل حاجة حلوة ولخبطن جواه المعانى ، بكتبلك من قلب كله أسف ,,رسالة أعتذار....

أقر انا حبيبة مخدوعة ..

أنى أسفة جدا , وانت عارف ان مش من طبعى الاعتذار المباشر، وانى عشان اوصل للحظة اسف معناه ان الغلطة لاتغتفر، وانا فعلا غلط غلطة لاتغتفر ، علمتنى الدنيا وكسرت عنادى بأن لما الواحد يغلط مش عيب انه يعترف بغلطه مادام نفسه يصلح وانا لسبب ده قررت انى اعتذر بكلمة مباشرة وواضحة " أنا أسفة" ....

أسفة :على انى اقتحمت عليك حياتك وانت كهف وبير مالوش أرار واللى يفكر يقرب منك هيتبلع ومش هيوصل لحاجة لان البير اخره فاضى

أسفة: انى فكرت فى يوم انى ممكن اكون حد مناسب ليك انك تكمل معاه حياتك ، وطلع ده اى كلام وان ده مش فى مخطط حياتك اصلا

أسفة: على انى ماقدرتش احافظ عليك فى الوقت اللى كان فى حد تانى فى حياتك رماك بمنتهى الباسطة زى مابترمى ورقة الشراب الفيليه فى الباسكيت" اللى هى الزبالة "

أسفة : ان حبى ليك وتضحياتى ليك ماكنتش كافية انها تنسيك حب واحدة اسهل حاجة عندها تغير موجه قلبها زى مابتغير محطة الراديو مابين نجوم اف ام ونايل اف ام

أسفة : انى حلمت بيك فارس على حصان ، وانت اخرك واحدة تحلم بيك جايبلها شماعة عليها فستان سهرتها بعد التنضيف والمكوة عشان معزومة مع واحد تانى على عشوة عيد الحب

أسفة : انى رسمت لبكرة بتاعنا وانت مش موجود اصلك اتأخرت فى شغلك واضطريت احضر الحلم لبكرة لوحدى

أسفة : على سنين عمرى اللى راحت منى عندك ، فاكرنى اجى اخودها منك عشان ماتزحملكش دولاب الجزم اللى فى دماغك

أسفة : على اغانى الحب والغرام والشعر والكلمات ، واضح ان البوسطجى بعتهم غلط او انا غلطت وكتبت عنوان غلط

أسفة : على عزومة الغدا اللى كانت فى افخر مكان اللى كانت على شرفى ، بشرفى انت مسطول واضح ان كان قصدك واحدة تانية وانا اللى فهمت غلط

أسفة : انى لما انت قلت "بحبك" مافهمتش ان ده كان مجرد تست صوت او بروفة قبل العرض النهائى والافتتاح قصادها كنت بتجرب انك لسة بتعرف تقولها ،، برافو شاطر مابتنساش الكلام ، لكن ورينى شاطرتك فى انك بتعرف تفتكر المشاعر ولا لاء

أسفة : انى دمعت على زعلك قبل منك ، من باب الاحطيات ما انت اصل همومك كانت كتير " كنت فاكرة كدة"

أسفة : انى سمعت شكوتك وافتكرت انى اقرب القريبين وطلعت مجرد ودن بتملى فيها اللى انت عايزة

حبيتك حسيتك قربت وبعدت همك كان همى فرحك "اللى ماكنتش بعرفه " كان بيبقى فرحى " اكيد لما كنت بعرفه" فهمتك اكتر من نفسك " زى ماكنت دايما بتقول " حلمتكلك وحلمت بيك بس دايما حاجة غريبة كانت فى الاحلام ماكنتش بتقبى موجود ، خليتنى اشك انك واقع ملموس شاكيت فى أداميتك وفى وجودك كبشر مش مجرد خيال انا صنعته عشان اعيش فى الاحلام،، انا بجد أسفة على الازعاج ، ضيعتلك وقتك الرخيص وزعجتك بهدوئى وسط دوشة دماغك ...

انت ماقبلتش حبى ,,,بس اتمنى انك تقبل أعتذارى وأسفى .........

من الارض,, وليها راجعين!!!!

بقى الارض كروية تلف حول نفسها،، يعنى ابقى وقاف فى بيتنا فجأة الاقى نفسى فى شبرا !!!!!!!

طبعا كلنا فاكرين الجملة الشهيرة دى فى مسرحية السكرتير الفنى لفؤاد المهندس واللى كان بيقولها جمال اسماعيل لما ابنه راح قله ان الارض كروية تلف حول نفسهاكل ناس كانت مستغربة الفكرة وبعدين خلاص بقت حقيقة ان الارض بتلف كروية او بيضوية بس اهى بتلف ولولا انها بتلف ماكنش هيبقى فى ليل ونهار وشمال وجنوب وشرق وغرب وماكنش هيبقى فيه اسود وملون امريكى سودانى عربى استرالىيبقى الارض مالهاش وجه واحد ماهاش ناحية واحدة مالهاش كورنر واحد مالهاش وش وظهر لكن مدورةكل نقطة نهاية فيها عبارة عن نقطة بداية فى نفس الوقتالنهار مابيختفيش من على الارض ولا الليل الارض مافيهاش غروب واحد وشروق واحدلكن فيها كل ثانية شروق وغروب ضوء الشمس مابيختفيش من عليها ولا جمال القمر بيروح منهاالنجوم مضوية فوقها طول الوقتربيع خريف مطر ونسمة الصيف كله مع بعضه فى نفس الوقتكل الحاجات بتحصل فعلا فى الارض اللى احنا عايشين عليها ،،بس مش بنشوف غير الحتة اللى قصادنا وبس مابنشوفش اللى فى الناحية التانية ،يعنى فى انجلترا هتلاقى واحد يقولك الدنيا برد جدا ،بس الحقيقة ان مش كل الدنيا برد دى هى حتة من الارض اللى برد لكن فى السودان مثلا بعيد عنك الناس بتسيح هناك،،الاتنين فى نفس الوقت بس مش كل الناس بتحس بالحكاية دى ولا بتشوفهابالظبط زى المشاكل اللى بنقابلها فى حياتنا ،مابنشوفهاش غير من الناحية اللى قصادنا وبس مع انها زى الارض ليها اكتر من ناحية ونقط البداية فيها بتوصل لنقط نهايتها ، نظرتنا جامدة للمشكلة اللى قصادنا مع انى مؤمنة جدا انت كل مشكلة حلها جواها زى الارض الربد والحر الجليد ومارينا كلهم موجودين فيها بس الفكرة انت هتروح فين امتى وليه؟مش بس المشاكل حتو وجهات النظر او الافكار او طرق كلامنا مع بعضنا الجمل اللى بنقولها لبعض طول اليوم ساعات كلمات معينة تتقال فى مواقف تتفهم بطريقة غير لو اتقالت فى وقت تانى مع انها نفس الكلمةوده اللى بيخلق عدم التواصل مابينا ويسبب الخناقات والافش الكتير على بعض ، والحكاية كلها مش مستهلة ،هى بس تلت دقايق نفكر فيهم نفكر فى كل الاوجه والجهات للارض هنعرف انه ممكن يكون قصده كذا وممكن يكون كذا وكذا هنلاقى ميييت كذا هتحللنا المشكلة وهنختصر فى الوقت اللى بنضيعه فى اننا نفهم بعض او نعرف بعض او نحل مشاكلنا مافيش صح مطلق ومافيش غلط مطلق ،،كل حاجة ممكن تبقى صح وممكن تبقى غلط اللى بيحدد ده شوية عقل مع شوية تفكير هنعرف ، على فكره والله العقل ده حاجة كبيرة قوى عندنا احنا مش واخدين بالنا منها ، ومش بس العقل الاحساس كمان ، احنا عندنا شوية اوبشنز كدة فينا مش ماقدرنها ولا واخدين بالنا منها ، زى الثروات الطبيعية اللى موجودة فى الارض خصوصا الموارد المتجددة اللى عندنا مش كل موارد الارض مستغلة صح وفيها لسة ماحدش اكتشفه،،، متهيألى لو كل واحد فينا حاول يدور على الثروة اللى جواه هنعرف نعيش مع بعض احس بكتيييييييييييير من اللى احنا عيهيعنى مثلا انا كتير ابقى قاعدة تجيلى واحدة تشتكى من حد تانى وتقعد تتكلم وتتكلم طب انتى ليه شايفاها كدة ماهى ممكن تتشاف من ناحية دى ومن ناحية تانية ليه بنضيق الكون فى عنيننا مع انه وااااااااااااااااااااااااااسع جدا وكبير اكتر مما نتخيل كذلك مشاعرنا وعلاقتنا ببعض واسعة جدا وغالية جدا واكبر من اننا نتفهها ومانحولش نتعرف على بعض اكتر ونكتشف نفسنا من اكتشافنا للناس اللى حوالينا زى ما الارض مدورة ، برده علاقتنا مدورةنقطة نهاية تسلم نقطة بداية

احنا بقينا كدة !!!!!!!!!!!

حب: حب ايه ده ده حرام

حب: عيب احنا معنداش حب

حب: حب ايه بلا مسخرة وقلة أد

بحب: يالاهوى اوعى اسمع الكلمة دى تانى

حب: مافيش اسمها حب

حب: مابيروح بعد الجواز هو فيه حاجة بتفضل

حب:لو دخل الفقر مالباب

حب:مايوكلش عيش الزمن ده ولا يفتح بيت

حب:يعنى اللى حبو خدو ايه بلانيلة

حب:عذاب

حب:تنازلات

حب:اكبر كدبة فى العالم

هتجوز تقليدى:الحب حرام

هتجوز تقليدى: مافيش حاجة اسمها حب

هتجوز تقليدى:بس يبقى جاهز

هتجوز تقليدى:ضمانا انى ماتجرحشهى

بقت كدة، هى دى نظرة الناس الناس للحب، هى دى اصلا بقت نظرة الناس لاى معنى جميل فى حياتنا حرام ، عيب ، او مصلحة وفلوس وماديات، او أكتأب ومشاعر سلبية ونقد طول الوقت،،،اييييييييييه الدنيا مش كدة خالص ،،،

الحب ،،الحب ده هو الحياة اللى احنا عايشانه من غيره هنبقى مانفرقش عن الآلات كتير حتى مش هنحصل الحيوانات لان الحيوانات بتحب والنبات بيحب ،،يبقى مادمناش غير المكن نتحول لمكن آلى

ربنا لما كرم الانسان عن الحيوان فرق مابينهم فى العقل مش فى القلب ،،يعنى الحب ده غيرزة فطرية ربنا فطرنا كلنا عليها كل المخلوقات بتحب ماهو لازم تحب عشان تعرف مين هو ربنا عشان كدة كلنا عندنا قلوب وكلنا نعرف نحب الابحاث العلمية فى علم الحياة" البيلوجى" كانت بتقول ان الانسان الاول كان عندو ديل بس من انقرض من عدم الاستعمال"معرفش مدى صحة الكلام ده" لكن لو قلنا بمقولة ان فى حاجات ممكن تنقرض عشان مابتستخدمش يبقى لازم نقول انه فى يوم القلب ممكن ينقرض من جسم الانسان لعدم الاستعمال الدنيا من غير ماتنفعش تتعاش , اصلا احنا بنمارس الحب فى حياتنا كل يوم بصورة تلقائية .....

الحب هو السبب فى ابتسامة تترسم على شفايفنا كل يوم

هو اللى بيخليك تبتسم فى عز لحظة البكاء،،الام وهى بتولد مولودها بتبكى وبتصرخ من الام ،واول ماتسمع صوته تنسى الدنيا وترسم ابتسامة عذبة على شفايفها لما تبكى بسبب وجع الدنيا ومقالبها الكتير ،تجرى على حبيبك وتفتكرو فى عز زحمة اليوم تلاقى نفسك من غير ماتحس بتبسم لما تبكى بسبب خناقة مع حبيبك ،شكوتك منه ليه وعتابه بيخلص بابتسامة صلح ,,قبل ماتنام تفتكر اذاى اليوم كان جميل وعملت فيه حاجات بحبها او شفت ناس بحبها او مشيت النهاردة فى شارع بحبه او روحت فيلم للممثل اللى بتحبه,, اول ماتصحى من النوم بتبتدى يومك بابتسامة لانك هتنزل تروح الشغل اللى بتحبه او هتشوف الناس اللى بتحبها او حتى كفاية انك هتقوم تصلى وتعمل حاجة ربنا بيحبها وهيحبنى لما اعملها وانا بعملها عشان بحبه

شوف كمية الحب اللى طلعه منك عالصبح

والجواز : الشركة الابدية مشروع العمر ازاى تعمل مشروع انت مش حابه ومش مقتنع بيه وش هيفشل الحب ده هو الحياة وعلى رأى الست: العيب فيكو يا فى حبايبكو اما الحب ياروحى عليه

لكن مافيش حاجة اسمعها انه كدبة كبيرة ولا حرام ولا عيب وماينفعش يكون مصلحة ده حب ياجدعان حب

مافيش حب فاشل ،فى تجارب فاشلة

مافيش حب عيب ، فيه ناس بتهيص وتقضيها

مافيش حب كدبة،فيه انسان كداب

مافيش انسان غنى ، فى انسان بمشاعره وقلبه يعيشنى ملكة وقال ياواخد القرد على ماله،،يروح المال ويفضل القرد على حاله ،،بعد عشرة تلاتين سنة جواز اللى هيفضل الحب والعشرة الطيبة مش الفيلا والعربيةانا مؤمنة جدا انه سبب الوكسة اللى احنا فيها انه بطلنا نحب وبقينا نحكم على كل المعانى الجميلة فى الدنيا باحكام غريبة تفيد مصلحتنا الشخصية وبس مع ان احلى حاجة فى المعانى الحلوة دى انها مطلقة ربنا خلقها لينا كلنا بس احنا اللى بنحب نعبى الهوا فى أزايز ونخنقه مع انه اسمه هوا يعنى مالى الفراغ اللى حوالينا

الخوف ،، صديق لا يفارقنا ابدا

للى بيحب خايف ،،واللى مابيحبش برده خايف ,,واخرت الخوف ده ايه بقى؟؟؟؟؟؟!!!حالة خوف مستعصية سايدة شباب وبنات الشارع المصرى والبيت المصرى والنادى والجراج وكل حتة حواليناخصوصا لما الخوف ده يبقى مرتبط بالحب،،اصلا انا شايفة ان الحب والخوف اتنين صعب قوى انك تفرق بينهم،حاجة كدة عاملة زى التؤم الملتصق بيتولدو حاجة واحدة مع بعض وفى نفس الوقت ولو فى فرق بينهم بيقبى مجرد دقايق، لكن دايما هتلاقيهم مع بعض دايما واللى بيحب واللى مابيحبش برده بيخاف ،، بس طبعا خوف عن خوف يفرقيعنى اللى لسه ربنا ماكرموش وحب بيخاف من الوحدة، مافيش ونس فى حياته،حاجة كدة عاملة زى اللى بيخاف من الضلمة وفجأة النور يقطع ،،بيخاف انه يكبر لوحده ،بيخاف انه يتجنن من كتر مابيكلم نفسه لانه مش لاقى اللى يشاركو افكاره،،بيخاف انه يصحى فى يوم يلاقى مشاعره مصدية من كتر قلة الاستعمالكمان بيخاف من الاستعمال الغلط انه يحب حد ويطلع غلط او مايستهلش او يطلع من النوع اللى مابيقدرش او النوع الغبى ده اللى القعاد معاه تحس انه مضيعة للوقت،بيخافو من الجرح بيخافو من الالم ،بيخافو من خيبة الامل فى الناس،او يخاف من انه مايكنش حبيب كويس مثلا للشخص اللى معاهوفى ناس بتخاف من انها تضطر تتنازل عن حاجات اساسية فى حياتها او تفقد حريتها او بيخافو انهم لما يحبو حد يشوفو انه ممكن يقبله حد تانى احسن من اللى معاهم حالياوكل دول بيختلفو فى الاهداف وفى الغاية من الحب لكن كلهم بيتقفوا على انهم خايفييناما النوع التانى اللى حب وعاش او عايش اجمل قصص الحب الرومانسية الجميلة فده خوفه من نوع اخر اول نوع الخوف هو الخوف على الحب نفسه انه يقل او يتأثر ويختفى ورا دوشة الحياة وزحمتها وخنقتهاتانى نوع هو الخوف على الحبيب اللى بيظهر جدا فى الغيرة ، على اساس انك خايف انه يتاخد منك او نفقده بنخاف يبعد عننا بنخاف على زعله، بنخاف منعرفش نتحمل مسؤليته، بنخاف مانكنش البنى أدم المناسب ليه، بنخاف يبطل يحبنا او يحب حد تانى غيرنا ، نخسره،بنخاف على صورتنا قصاد اللى بنحبهبنخاف على اللحظة الحلوة لاتخلص بسرعة ومانحسش بحلاوتهاوبرده كلهم بيحبو ونفسهم يعيشو حياتهم كلها مع الشخص ده ،لكن بيخافوالخوف ده سلاح ذو حدين،،يعنى ياجبنا سابع ارض يايطلعنا سابع سما وفى الحلتين هو معانا بردهيعنى ممكن يكون سلبى فيحصل كل اللى احنا خايفيين منه، يعنى مثلا لو انا مثلا خايفة انى احب فعمرى ماهعرف اشوف الناس على طبيعتهم لانى دايما هاشوفهم بعينى الخايفة، فكل تصرفاتهم هترجمها عشان تخدم خوفى دهوعلى العكس لو انا خايفة من الحب ،ممكن اخلى خوفى ده ايجابى فى انى ماتسرعش واحكم بسرعة على الناس اخد وقتى أتأنى كدة وانشاءالله خير كمان اللى بيخاف انه حبيبه يبعد عنه او يفتقدته ،،ممكن جدا ببساطة اننا ناخود بالنا من اللى بنحبه ونحاول مانضيقهوش مادام احنا خايفيين قوى كدةالخوف قرين للحب مش هيسيبو فى حالو بس كمان مش معقول هنعيش فى خوف طول الوقت متهيألى لو حضنا خوفنا وفهمناه هنعيش عيشة افضل من اللى احنا عايشاناه دى

من علمنى الحب

" وكتب قلبى أنك أنت علمتنى الضحكة الحلوة ,علمتنى أن الدنيا أهم مافيها نعيش اللحظة"
أغنية جميلة من أغانى " عايدة الايوبى " أسمها" من زمان" أغنية قديمة شوية ومن أغانية المفضلة جدا ، وأنا بسمعها انهاردة سرحت شوية فى الجملة دى ,وسألت نفسى سؤال: هل فعلا ممكن نتعلم من حد معين معنى الحب ؟
جاتلى الاجابة صريحة وواضحة ومؤكدة من قلبى ،،، أكيد طبعا يا هانم ولا نسيتى , معلش اصل وانا قلبى واخدين على بعض شوية ههههههههه،، سألته نسيت ايه يالمض ؟
نسيتى مين اللى علمنا انا وانتى الحب !!!!!
ردت دموعى مع ابتسامتى فى نفس واحد : طبعا فاكرين
قلتلهم ده كان من 10 سنين
قالولى ولو انشاءالله ميت سنة ولا عمرنا ننسى ،، وقامت ثورة عليه كان أبطلها دموعى وابتسامتى ورعشة ايدى وقائد الثورة " قلبى " كانو بيدافعو فيها عن استاذهم اللى علمهم الحب وكانو بيطالبونى بأنى اخضعلهم وخليى عقلى ينشط ذاكرته ويحكيلهم عن الايام دى..........
وبماأنى حد دميقراطى وبطالب دايما بالحرية والاستقلال للافكار والمشاعر قررت اخضع لمطالبهم أنى أثبتلهم انى فاكرة كل حاجة عن الحب اتعلمتها من معلمى الاول ..وأبتديت أستعيد الذكريات
دايما بيقى عندى مشكلة مع الناس انهم شايفين انى مابحسش أو لما بتكلم مع حد بيحب او مرتبط ساعات بيقبو مش شافيين انى هحس بيهم لانى مافيش حد فى حياتى وانى عمرى ماجربت انى اكون فى علاقة ناجحة،،بس اللى ميعرفهوش هو انى ده اللى اتعلمته من معلمى الاول ....
الحكاية ببساطة انى بعتبرنفسى اكتر حظ منهم ، لانى اتعلمت الحب على اصوله ، أتعلمته كأنى شاعر أتربى على يد المتنبى ، او كأنى موسيقار عشق الموسيقى وتشربها على يد عبد الوهاب ، زى مغنى يعش الغنا ومثله الاعلى فيروز ، زى اللى اتبرى على ايد سيد درويش فى حب البلدى وانسانها البسيط ، أتعلمت الحب على أيدو ...هو مين ,,مش مهم أسمه هو عمره ماكان فى شهرة المتنبى او عبد الوهاب او فيروز او سيد درويش ،،لكن كان ليه كل الدنيا
اتعلمت منه أول درس : مافيش حب مع أنانية،، وانه لودخلت الانانية من الباب انتحر الحب من فوق السطوح
عمرى مافكرت فى نفسى ، ماينفعش يبقى اللى انا عايزاه وبس ومش مهم اى حاجة تانية ، ماينفعش افكر فى مشاعرى انا وطظ فيه هو...
تانى درس : كان الخصوصية فى الحب ،، مشاعرى حاجة خاصة بيه جدا ماحدش مسؤل عنها غيرى ماحدش ملزوم بأى حاجة غيرى ، مش معنى انى بحبه يبقى هو كمان لازم يحبنى ، وبماانى حبيته يبقى انا المسؤلة عن مشاعرى دى ، حتى لو هو ماحبنيش ، مش هكره ،،هو حقه مايحبنيش وانا من حقى احبه ،، وكل واحد حر
تالت درس : الرضا والقناعة ،،كنت بحس بسعادة طفلة مستنية العيد عشان تجرى وتلعب وتشوف كل الناس اللى بتحبهم بس لانها شافته من بعيد ، عمرى ماطمعت فى اكتر من اللى كنت باخده ، كانت صباح الخير ماتنيمنيش تلات ايام ، كانت زيارة كل خميس بالدنيا كلها ولما كنا نخرج خروجة كل كاااااااااااااااااااااام شهر كان ممكن افضل صاحية شهور وبحكى عن احساسى وكأنه عرض مستمر لمجرد انى خرجت خروجة وكنت فيها واحدة من ضمن بشر كتيييييير ويمكن كنت فى أخر الصف لكن اهو .......كنت برضى بنظرة من بعيد لما كان شوقى ليه يبقى شوق مجنون
رابع درس : الصبر ...........بكل ماتحتويه الجملة من معنى ، شوفتى ليه كانت تعتبر حاجة نادرة فى الدنيا مع ان المسافة بينا مش كتيرة واتعلمت انه لو صبرى قرب ينفذ اروح امون كدة بظرة من بعيد او لو البنزين ماكنش غلى ساعتها فكنت بمون اكتر بمكالمة خطف او دردشة على الماشى ،الثابية وانا بصاله فى عينه بسنين " ده ايام الرخص بقى " وارجع قضتى الصغيرة وافتح كتاب مذكراتى واكتب انه رغينا شوية صغيرين عالماشى واطير لما يسألنى عمله ايه ...
خامس درس : الثقة...القفة كان لازم تيجى بعد الصبر لان من مزايا الصير انه بيعرفنى اذا كنت صح ولا لاء والا ليه صبره كل ده!!!!!!!!!! فأكيد هيجى ثقة بعد كل الصبر ده انه هو ده حبيبى وصديقى والانسان الوحيد اللى ماينفعش اثق فى حد غيره لانه علمنى الثقة بنفسى

ولما سكت ،، ردت دموعى عليه بقسوة كفاية ياعليا امنت انك فاكره وعمرك مانسيتى ،،لكن قائد الثورة "قلبى" قالها ماحدش يتكلم الا بأذنى ، وأنا بقول كملى ياعليا انا مشتاق اسمع كلامك وعايز ومحتاج افتكر الدروس اللى اتعلمناها لان الوقت ده احنا معاكى بنمر بأذمة ومحتاجين نفتكر كل حاجة حلوة وايجابية اتعلمناها فى حياتنا .....أرجوكى ياعليا كملى
بعد احاح قلبى كملت
احنا كنا وقفنا فيين ياولاد،سادس حاجة
اه صح سادس درس: التضحية ،، مافيش حب منغير تضحية وتنازلات انشالله لو هضحى بحبك عشان حبيبك نفسه يعيش سعيد ،، انا كان ممكن احارب عشانه لاخر العمر ، لكن مادام مش انا اللى سعادته معايا ماكنش ينفع افضل موجودة ومشكله عبء عليه ،، وأتمنتله الخير ،، والله انه حبيبك يكون سعيد ده بالدنيا كلها حتى لو مش انت اللى بتشاركه سعادته بس المهم يكون هو سعيد ،، وبعدين مالها الصداقة ماهى كويسة برده ....
سابع درس : الوفاء والاخلاص ،، اصلا موجود او مش موجود ، قصاد عينى او بينا محيطات الكون كله مش مهم هو فى قلبى ومافيش غيره واى شنب يعدى من قصادى على نفسه مش عليه انا عندى اللى يكفينى وزيادة
ثامن درس : كان الحماية والامان ،، الحب حماية وامان مايعوضهمش كل سكيورتى العالم كله ولا كل جنود الارض ممكن تكون فى غابة ولا فى حوارى شيكاغو او حتى منشة ناصر وفى قلبك حب عمرك ماتحس بأى خوف ولا اى قلق الدنيا امان وقلبك فى امان ومحمى ولا اجدعها محمية طبيعية .....ز

هديت ثورتى ، نشفت دموعى ، حضنت ابتسامتى ، وقفت رعشة ايدى ،، سكتنا ودخلنا فى فترة سكووووووووووووت طوييييلللللةةةةةة جدا جدا غرقنا فى بحر ذكريات يمكن اللحظات اللى فيه مش كتيرة لكن المشاعر اللى كانت فيه كانت بالدنيا كلها
الحنان الطيبة الاخلاص الضحكة الحلوة البراءة المشاعر اللى من غير اى مقابل مش مستنى حاجة تاخودها عشان تلاقى حاجة تديها العمر اللى بيساوى لحظة انك تكون لحبيبك ونس وسكن الاحترام بينكو والخصوصية رعشة الايد عند السلام دقت القلب اللى شبه دقة قلب " جيرى" لما بيخاف من " توم" بتشاف دقة قلبك بعينك مش بتسمعها بس الصبر والامل ان بكرة اكيد احلى السهرة الحلوى وسط الشلة الحلوة فى بلكونة مصيف الاسكندرية كل سنة الخروجة اللى كلها دلع انك تمشى فى الشارع وتتمنى تشوفه صدفة مافيش انانية اغنية شايف البحر شوكبير او انا عندى حنين لمل اظبط نفسى بدندن ياماعيون شاغلونى لكن ولا شغالونى لما ترقص من قلبك وكل حركة فى جسمك بتقول بحبك يارب تتهنى لما تشوف نسخة صغيرة بتتولد قصاد عنيك مش جزء من جسمك لكن جزء من روحك وقلبك وتفضل محتفظ بأبتسامتك ...لماتعرف ايه هو الحب الحقيقى فى حياتك..ساعتها افتكرنى واعرف انك محظوظ
انا بعترف انى لو عرفت الحب فى يوم عمرى ماكنت هتعلمه على اصوله لو مكنتش حبيتك ..
حبيبى .....أشكرك

Marely&Me

كان فى افلام كتير شفتها فى الفترة الاخيرة ممكن كتير يشوفو انها تستحق انى اتكلم عنها يمكن اكتر من الفيلم اللى انا هتكلم عنه ،،وده يمكن لأن الفيلم ده من نوعية الافلام اللى بحبها جدا اللى بتعبر عن مشاعرنا ومخاوفنا البسيطة فى الدنيا من غير فزلكة الحياة البسيطة اللى نعشها كل يوم ،القيلم هو Marely& Me

الفيلم بسيط جدا وببساطة بيحكى عن "جون و مراته لانى مش فاكرة اسمها للاسف ههههههههه" الفيلم بيبدأ بيهم وهما بيتجوزو والمفروض انهم صحفيين هما الاتنين بيشتغلو صحفيين هى بكتب مقالات وهو صحفى تحقيقات ،، من غير دخول فى تفاصيل الفيلم بيحصل موقف بيخلى " جون " يفكر انه يجيب لمراته كلب صغير عشان تعتنى بيه ةتاخودبالها منه كنوع من التدريب على انها تهتم بروح عشان لما يبجيبو ولاد وفعلا بيروح يجيب "مارلى" على اسم بوب مارلى اللى بيحبو،،ومارلى بيكون سبب فى تغيير مصار جون الصحفى لانه مديره فى الشغل بيديلو وظيفة انه يكتب عمود بش منتظم فى الجرنال فى الاول جون مابيبقاش عارف يكتب ايه وفجأة بيقرر انه يكتب عن نفسه وعن مغمارته مع " مارلى " اللى فى الاصل كانت كوارث مش مواقف لان مارلى شقى وغريب الطباع بس مع كدة بيغيرهلم حياتهم تماما وبسببه جون عموده بقى اشهر عمود فى الجرنال بس ده عمرع ماكان طموح جون لانه طول الوقت شايف نفسه انه صحفى تحقيقات بس بيضطر يكمل فى كتابة الحاجات اللى كان شايف انها سخيفة وماحدش بيقراها اصلا ،، وبعد فترة بنقلاقى انهم بقو عيلة كبيرة اب ام تلات عيال ومارلى،،وعشان الاسرة دى تعيش سعيدة وفى مستوى كويس وامن بيفضل جون مستمر فى كتاباته حتى بعد مابيجيلو عرض فى جرنال تانى انه يبقى زى مابيتمنى صحفى تحقيقات بيرفوض عشان يفضل محافظ للاسرة دى على المستوى ده واستقرارها كمان ،، لحد مافى عيدميلاده مراته بتقرر انهم هينتقلو معاه ماترح مايروح عشان هولازم يعمل اللى كان بيحلم بيه ،، جون كان له صديق ملازم ليه طول الوقت وكان صحفى تحقيقات كبير وبيعمل تحقيقات قوية جدا لدرجة انه بينتقل لجرنال كبير جدا وبيقابله جون بعد فترة وبيورليه صورة لعلته فى مشهد انا بجد حاسيته جدا جدا الصاحب اللى سرقته مهنته ومقضى حياتى مابين التحقيقات والهلس والطنطيط من واحدة للتانية وبين الصاحب اللى كون اسرة جميلة جدا وجملة بيقوله الصحفى الناجح للاب ورب الاسرة الناجح " انك نجحت فى حياتك" جملة تلخص الكتير الفيلم ده من نوعية الافلام المستقلة،، بصراحة دى اول مرة ليه اشوف فيلم امريكانى مستقل ،فكرتى البسيطة اللى خدتها من افلامنا المصرية المستقلة انه فيلم مش مفهوم او قصير وبينجز الفكرة بشكل مطرقع وكل مخرج ودماغه بقى ودايما بيبقى فيلم بسيط بس مش بسيط فى التنفيذ للرؤية بس بسيط فى الفكرة ،،بس الفيلم ده خلانى اشوف انه ممكن نعمل طويل مستقل من غير فزلكة ولا طرقعة ،، فيلم هادى ادانى معانى كتير بطريق بسيطة جدا جدا فى حواره وفى السيناريو واختيار الزوايا والمؤثرات ،،بس ماكنش حتى " مارلى" اعتقد انه كان متساب برحته جدا ماعتقدش ان كان فى حد واقف على دماغه وعمل دوره ببراعة الحقيقة " كلب" بس بيمثل احسن من ممثليين محترفيين الحقيقة احلى حاجة فى الفيلم ده ,دايما فى الافلام اللى بيكون فيها كلب فى دور رئيسى فى الفيلم بيقبى عايز يقولك ان الكلب هو صديق البطل لان البطل ممكن مايكونش له اصحاب او منعزل او مكتئب ،،لكن هنا مارلى كان موجود وسط عيلة واسرة بدأت بوجوده فيها اصلا وزاد عدد افراد العيلة دى على ايده شاهد وحضر ولادة التلاتة عيال حبوه وحبهم وكان واحد منهم وكان جزء منهم وكانو جزء من حياته،،يعنى مش لازم خالص عشان يكون عندى كلب بطل انه بطل الفيلم يكون وحيد او مريض او كل البؤس ده لاء ينفع يكون لينا كلب صديق لعيلة واسرة كبيرة وسعيدة علاقة جون بمارلى كانت علاقة متوازية جون كان بيعد الايام والسنين بمرور ايام وسنين مارلى كان جزء منه وفى المشهد اللى بيقرر يفوك لمارى الطوق بتاعه ويسيبه ينطلق كان جون هو اللى نفسه ينطلق ويجرى يتحرر من كل القيود الشغل وحالة الصراع مابين تحقيق ذاته فى شغله كصحفى وبين ابوته ومسؤلياته كرب اسرة وزوج محتاج زجته اللى افتقداها فى وسط زحمة العيال والحياة ، الفرق بين الشاب جون الصحفى اللى بيبدأ حياته مع مراته البنوتة الصحفية الشقية المجنونة اللى كل حاجة عندها بخطة وبينها دلوقتى وهى زوجة قديمة وأم لولادين وبنت ومارلى وجون الاب اللى قرب من الاربيعن من غير مايحقق اى انجاز صحفى واحدغير مجموعة مقالاته اللى كان السبب الرئيسى والبطل الرئيسى فيها هو مارلى ،، كان شايف ان مارلى هو البطل الرئيسى لحياتهم الفيلم بجد على قد ماهو بسيط جدا مافيهوش اى حاجة ولا افكار عميقة ولا غامقة ولا اى حاجة يوم اسرة ممكن كلنا نمر بيه يعنى ممكن جدا اقابل واحد واحبه ويحبنى ونتجوز ونعيش حياتنا بشكل طبيعى روتينى ونجيب ولاد ويكبرو واحنا كمان نكبر ونعيش زى ماهلنا عاشواو اننا نختار انه يكون عندنا مارلى يقلب حياتنا وحياة اى حد يدخل حياتنا لمسرحية كوميدية ساخرة طول الوقت ويعيشنا جو من المرح والسعادة فى حياتنا ،، بصراحة انا اصلا عايزة كلب فى حياتى بشكل كبير يعنى اول مالفرصة هتكون متاحة هيكون فى كلب وش اصلا لكن كانت فكرة الكلب فكرة قديمة انه يجى لانى هكون الشخص الوحيد اللى مالوش ونيس فى حياته غير كلبه ،،لكن بعد ماشفت مارلى واكتشفت انه ينفع يكون مارلى جزء من حياة سوية جدا حتى انه هو اللى بيحافظ على مساوة واستقرار الاسرة دى اكيد ماعنديش شك للحظة انه هيكون فى مارلى مهما كانت الظروف ومهما كانت العيشة سواء لاقيت حد يشاركنى الاسرة اللى هتبدأ بثلاثة اشخاص مش بأتنن وده انا مش متأكدة منه قوى يعنى فخلينا نقول انه اول ماهكون فى فرصة تسمح بأنه يجيى كلبى المنظر هعمل كده فورا وبدون اى ترددMarlet&Me فيلم لازم يكون موجود فى مكتبة اى اسرة او حتى مكتبة اى حد عايز يشوف جمال الدنيا وحلاوتها وازاى نقدر نعيش حياتنا العادية جدا البسيطة جدا بس بأسلوب شقى جدا ومرح جدا مهما كانت الضغوط ومهما كانت التنازلات لان حياتنا مش طريق مسفلت وزى الفل فى مطبات كتيرة وحفر بس لو عندك " مارلى " بجد مش هتحس بأى حاجة هههههههههههههههشوفو الفيلم بجد وياريت تشوفه زى مانا شفته او مش لازم بس المهم تشوفوه،، بس مايكونش معاكو واحدة مجنونة حيوانات لانكو مش مضمون تروحو وكتف التيشرت ناشف ،،طبعا انتى عارفة نفسك وعارفة انا بتكلم عن ايه ههههههههههههههههه