الراقصون على السلالم

حرية التعبير،،الرأى والرأى الاخر،،عصر الحريات،،، الحق الحرية المساواة

شعارات اترفعت على مر العصور فى كل دول العالم وكل المجتمعات العمرانية ، واتكلم عنها كل رؤساء الدول الكبيرة وكل كبار المجتمعات دى ...

لكن سؤالى هل الشعارات دى معمول بيها فى بلدنا الجميل اوحتى فى مكان فى الدنيا مش عندنا بس ؟

هل فعلا فى حاجة اسمها حرية رأى ؟ فى حاجة اسمها حرية تعبير ودميقراطية؟

فعلا هو اسمه رأى ورأى أخر ؟ وهل فعلا هو عصر حريات وسماوات مفتوحة ؟فى حق ؟ حرية؟ مساواة؟.

كل الاسئلة دى وغيرها كتير بيجى فى راسى كل يوم وانا بفتح الدش او حتى التليفزيون الارضى عشان اشوف اهم اربع بنىْدمين فى حياتنا " منى الشاذلى- معتز الدمرداش- محمود سعد - عمرو اديب" اللى بقو اهم واغلى علينا من عيالنا وابونا وامنا ،، اللى بقى صوت الشعب ولا كأنهم اهم نواب فى اهم مجلس للشعب ،، راعيين الغلابة واللى صخرو نفسهم لكشف الحقايق للمشاهدين الغلابة او اللى مش غلابة

الاسئلة دى كلها بتيجى فى بالى كل ماتوقع عينى على هذا النوع من الجرانين الجامدة اللى مالهاش سقف لحريتها واللى عندها عصاية سحرية بتكشف بيها كل الحقايق وتكشف عن كل الفساد بالصور والمستندات

كل يوم احنا على معياد مع النوع من المذعين المذكورين سلفا مع برامجهم الجامدة اخر حاجة بيتكلمو مع نفس المسؤل او عن نفس الجريمة الغامضة، او عن هذا المختل عقليا الممسوك فى قضية مهمة ،، او مع المنتج اللى عامل قضية مع الرقابة عشان فيلمه العبقرى ،، او عن مدى تفاهة و جماهيرية " على حسب " المسلسل الرمضانى بتاع النجمة اياها

لكن الملفت للنظر ان الكلام هو من بره باين انه صباح الحرية يعنى سبق " عمر ماكان وزير يطلع على التليفزيون " على عينك يا تاجر لكن بما اانهم هما كلمتين مع نفس الشخص فى نفس البرامج فبنلاقى انه مافيش حرف زاد او نقص من برنامج للتانى ،، يعنى نفس السؤال بنفس الاجابة ،، زى مايكون مش من حق المذيع او المذيعة يسأله عن حاجة تانية "فعلا حرية وفعلا دميقراطية"

انا اللى بشوفه كل يوم بيفكرنى بمثل مصرى قديم " اللى رقصو على السلم لا اللى فوق شافوهم ولا اللى تحت سمعوهم"

وبصراحة اللى رقصو على السلم دول هما اللى بيطلعو يطنططو فى التليفزيون كل يوم من 10 - 12 بالليل" مواعيد اذاعة البرامج دى " واللى فوق هما اللى بيطلعو على القنوات الفضائية ، واللى تحت هما المرتبطين بالتليفزيون الارضى

الفضائية " السطوح" فوق فوق قوى والناس اللى بتطلع على الفضائيات هما كمان فوق قوى عن المواطن الغلبان اللى مايهموش من كل الرغى ده غير ان يعرف يعيش وياكل ويلاقى الدوا ويعلم العيلين اللى طلع بيهم من الدنيا واللى لما بيشوف الكلام ده على لسان اهل السطوح او العلاى عمره ما هيصدقه لانه دايما شايفو فوق فاكيد مش حاسس بيه ولا بمعناته ، اللى فوق بيعيش فى جو نضيف صحى بعيد عن الزحمة والدوشة والاختناقات المرورية " يعنى مثلا ازاى وزير الداخلية هيحس بالزحمة والخنقة لما بيجى يروح بيتهم بيقوفلو الشارع عشان يعدى الراجل ما كدبش لما قال الدنيا رايقة ماهو طبعا شايفها رايقة"

واللى بيطلعو على التليفويون بتاع الغلابة فى البيت بيتهم " اللى هو اخر شياكة ومفروش من @ home

عمره ماهيحس ان البيت بيته ابدا ، والفروض ان دول اللى تحت بس تحت قوى برده بعيد عن البنىْ أدم الطبيعى اللى ماعندوش وعقد ومش منفسن ومواضيع اللى موجودة فى برنامج اللى تحت عقيمة مافيهاش اى حاجة مفيدة ولا جديدة انت لسة جو اطار التليفزيون يعنى عمرك ماهتقدر تقول على حاجة مش عاجباك ووزيرك قاعد فى المكتب اللى جنبك الحيطان ليها ودان ، ولسة ماقدرناش نتخلص من عقدنا القديمة والخوف من كل ماهو حكومى او " سلطة"

لسة ماوصلناش للحرية اللى تعلى وتطور وتجدد ،، لسة جوانا كبت وتقريسبا الكبت اللى جوانا ده موروث شعبى من زمان بعيد ، يعنى لسة ماوصلناش جوانا فى تفكرنا احنا كناس عادية بسيطة تقدر تحلل وتقارن وتناقش جايبين ناس بالنيابة عننا موفوضنهم يتكلمو عننا ويقولو الناس تعبانة ويجبولنا اتنين تلاتة يقولو اه امين الناس فعلا تعبانة وادينا فضفاضنا عن اللى جوانا وخلصت الحدوتة وماحصلش اى حاجة مفيدة لا لينا ولا لمصلحة البلد

مين المستفيد الاول والاخير من سوق البرامج الحوارية والجرانين الحرة المستقل منها والحكومى ؟

ماعتقدش انى حد جاتله اى فايدة شخصية او كمواطن فى بلد مهمة زى بلدنا" او حتى لو مش مهمة" من كتر الرغى والقيل والقال اللى بيتقال فى البرامج دى ،، الحاجة اللى جاتلى من البرامج دى ، الخوف ، مابقاش جوايا حاجة غير خوف وضلمة وعتمة ،، انا شايفة ان البرامج دى لسة محتاجة تتطور وتراجع النظر فى اللى بتقدمه لان بجد

يأهل المغنى دمغنا وجعنا ،،دقيقة سكوت لله.............

أخر رقصة................

زحمة و دوشة وناس هايصة ومفرفشة كله بيرقص على كل انواع المزيكا عالى منها وواطى ،، سالسا وفالز وتانجو ومودرن والامر مايسلمش من شوية بلدى بردة ،،ماهى سهرة جنان والحب مالى المكان كله فرحان والجو جامد اخر حاجةوهى كانت شعلة الحفلة

لما رقصت الفالز ،،كل واحد كان واقف كان بيحلم يكون هو الكتف اللى بتترمى عليه فى اخر الرقصة

لما رقصت السالسا ،،،كانت الارض بتلف تحت كل الحاضرين ،وبلفة منها حس كل الموجودين ان العالم مابقاش العالم الثابت ده لكنه بيلف فى دواير طول الوقت ومع التانجو،،،،ماكنش فى ايد اى حد غير انه يغمض عينه ويحلم انه طاير معاها سما فو سما بخطوات ثابته محدده عارفة رايحة فينجنونها وروحها المرحة والسرعة والاندفاع والغرور اللى بيطلع منها فى كل خطوة ومع كل تمبو فى المزيكا ، كان بيلهب المكان وبيشع فيه روح الغيرة والرغبة،،والتحدى ،، تحدى لمن سيفوز بها فى اخر السهرة عشان يرقص معها اخر رقصة سكتت المزيكا،،وقف الرقص ،، ومافيش على وشوش الناس غير نظرة اندهاش وترقب ، وقفت بكل ثبات وثقة وغرور وتحدى وسط كل الموجودين وفى نص حلبة الرقص وبصوت اكثر ثباتا ومليان بالتحدى والغرور والكبرياء"

ودلوقتى : مين يحب يرقص معايا؟ "

ملواتى ، اميرتى ، حياتى ، تحت امرك انا ، انا كلى ليكى ، مين غيرى طبعا ؟ ،،، كلهم اتمنو يرقصو معاها وكلهم شافت فى عينهم الامنية والحلم والرغبة فى انه يفوز بيها اخر الليلة ، مش اكتر رمت بنظرة متأملة ، ولاحظته وشورت عليه من بين كل الموجودين وقالتله

" أنت" !!!!!!!!!

الكل اتجنن مين ده ؟ ده مدعو معانا ؟ اصلا ماشفناهوش بيرقص طول الليلة ؟دى اتجنن!!! اه ده معقول ؟ تلاقى الرقص دواخها؟

كان واحد واقف بعييييييييييييييييييد فى هدوء وثقة ، وكان الوحيد اللى ماطلبش انه يرقص معاها ، ده يمكن فضل معظم الليلة مابيرقص غير مع البنات اللى يعنى على أدهم كدة بهدوء وثبات قالها ،،

" أنا" ؟؟؟؟؟؟؟

قالتله ايوة انت انا اخترت تكون اخر واحد ارقص معاه

قالها :بس انا ماخترتش انى ارقص معاكى

الكل استغرب ،، انت اتجننت ،، ده اكيد مجنون،، وكلام من ده كتير قوى،،، وطبعا اكتر من اتغاظ كان هى،، زاد جنونها وعنادها ،، واعتبرت انه كدة عداها وهى كدة هتشن عليه حرب ولازم تكسبهاحاولت انها تستعيد ثباتها وهدوءها

وقالت: تبقى خايف؟؟؟؟

هو وبكل ثقة : من ايه؟

هى: منى انا

هو: وايه اللى يخوفنى منك؟

هى : عشان انا اقوى منك،، خايف على نفسك تضعف قصادى وكأنها تحدته

مغرورة

خلاص لو كلامى غلط اثبتلى واثبت للناس العكس

موافق ارقص معاكى بس خلى بالك اللى هيفوز فى الرقصة عليه تنفيذ اللى هيطلبه منه التان

ىموافقة

ووقف كل واحد فيهم قصاد التانى وكأنهم هيبدأو مبارزة مش رقصة،، وبدأت مزيكا التانغو تعزف نغماتها وبدأو برسم لوحة كلها تحدى وعنف وكبرياء ،، حرب مشاعر كل منهم عايز يكسبها ويسكب التحدى قصاد التانى،،لكن اللى كان بيدور جوه كل واحد منهم عكس اللى كان بيحصل ،، لما يحدفها دفعة قوية لبعيد تبدأ هى تقرب ،، ولما يحاول هو يقرب هى تبعد ،، شد وجزب ،، طلوع ونزول ،، كلمات من غير حروف ،، كان حوار عصبى عنيد ، كله ثقة وثبات وتحدى ومشاعر مغلفة بالغرور والكبرياء ،، ويخلص الحوار الراقص ببوسة وقاطعة فى ديل الفستان................

و مع اخر دقة فى وتر الجيتار، وبسكوت وتحفذ من الموجودين وترقب للى هيحصل

زقته بعيد عنها ،، بصلها باندهش وقالها فى رأيك مين اللى فاز؟؟؟؟؟؟؟؟؟

ما طلعش منها اى رد كان رد فعلها الوحيد نظرة كلها شرار ، عند وكبرياء،

مش عايزة تعرفى انا هطلب منك ايه؟

وانت مين قالك ان ايا كان اللى هتطلبه هيتنفذ؟

دى اصول المراهنات

وفى هدووووووووء وبعد تفكير عميييييييق جدا

عايز ايه؟

هو ده اللى كنت عايزه

مش فاهمة

اكسر عندك وكبرياءك............

مشى ، وجريت وراه ،، وكل الموجودين مستغربين اللى بيحصل

لحظة لو سمحت

التفتلها ،، انت بتكلمينى انا؟؟؟؟؟؟؟؟؟؟

مافيش غيرك

عايزة ايه؟

انت فاكر ان انت اللى كسبت مش كدة؟؟

فاكر !!!!!!!!!!!!!!!!!!! ليه بتقولى كدة ،، دى حقيقة الكل شافها بعينه

ضحكت ضحكة كلها عند وتحدى ،، اتغاص وجن جنونه ليه بتضحكى ،، فى ايه فى كلامى يضحك

فيه انك شايف نفسك بزيادة وفاكر ان انت اللى كسبان

يا حبيبى خلينى اقولك ان لو بصيت بتركيز وفكرت شوية هتلاقى ان انا اللى كسبت ،مش انت

قصدى انه اغبى انسان اللى يفتكر نفسه انه مشة كلامه على ست ،، ماتستهونش بذكائى يا صديقى

لسة مستغرب قصدك

بعد ما انت رفضت عرضى للرقص ،، انا اللى جريتك لترقص معايا ، وانت فاكر انك جيت بأرادتك عشان تتحدانى وفى الاصل انا اللى ثيرت روح التحدى جوالك عشان تيجى ونرقص ،، وانا اللى وصلتك فى الرقصة للبوسة وللنهايةودلوقتى مين اللى كسبان ،أنا، أنت؟؟؟

؟قرب منها بخطى كلها ثقة وثبات وهدوء ، لف ايده حوالين خصرها النحيف ومسك ايدها ، وقالها بكل هدوووووووءانا اللى كسبان ،، بس مش فى الرقص !!!!!!!

انا كنت عارف انك هاتخترينى من بين كل اللى كانو موجودين

ليه بقى ؟؟؟؟؟

عشان انا فاهمك كويس وعارف ان اللى كانو موجودين دول مايكلوش معاكى ،، ممكن تصحبيهم فى رقصة ، فى كاس ،، لكن مش مشاركة فى الرقصة الاخيرة اللى انا فاهم انك جواكى عارفة كويس انه اللى هيرقصها معاكى هو اللى هيفضل معاكى لاخر العمر ،، وانا كل اللى محتاجه انك تفضلى فى حضن قلبى لاخر العمر ،، وتخلص الدنيا وانا وانت لسة بنرقص

يبقى مين فينا اللى كسبااااااااااااااااااااااااان!!!!!!!!!!!!!!!!!؟

صديقى العزيز.................

الشاعر الكبير ولجميل والعظيم واللى بحبو وبموت فيه " نزار قبانى" كان قال فى قصيدة من قاصيدو الجميلة " لم تستطيعى بعد ان تفهمى ان الرجال جميعهم اطفال" الحمد لله وشهد شاهد من اهلها مش انا اللى بقول اهو نزار راجل زيو زى كل الرجالة وهو اللى قال ان الرجال جميعهم اطفال فا محدش يزعل ،، وكمان للى مابيحبش نزار ، عمنا" صلا ح جاهين" عم الكل... هو كمان قال كدة ،

المهم ان كل انثى عارفة كويس قوى ان الرجالة اطفال ،، بس انهو طفل عشان طفل عن طفل يفرق

-فى طفل زنان ومزعج ويوصلك لدرجة انك تبقى عايزة ترميه من الشباك ومابيبطلش طلبات ومابيعجبوش العجب ..

-فى طفل انانى يعنى مايهموش غير لعبه ومصاصاته والبلاى ستيشن بتاعه ويبقى عايز الحاجة دلوقتى يعنى دلوقتى مافيش حاجة اسمها اى نوع من التقدير لاى حاجة بتحصل حواليه ، مايهموش امه تعبانة، ابوه وراه شغل ، اى هبل هو كل مشكلته انه يعمل اللى هو عاوزه وخلاص......

- فى طفل اهبل بقى مابيعرفش يشيل مسؤلية وبيمشى ورا مامته فى اى مكان تروحه وبيسمع لاى كلمة ماما تقولها صح بقى غلط ماشى فى ديل ماما طول الوقت وماعندوش هو اى تفاصيل صغيرة خاصة بيه هو .....

-فى طفل شقى حلنجى ياكل اللى قدامه بشقوته وضحكته وحركاته اللى دمها خفيف " نصاب يعنى" هههههههه ، بس تلاقيه فى اى حاجة بقى فيها جد شوية اعبط من العبط

-طفل غلبان وحيد هادى بيلعب مع نفسه وماتحسش اصلا بوجوده ............

-فى طفل جبان ، طفل كداب ، طفل لا يعتمد عليه.........

لكن عزيزى الرجل خلينى اقولك ان نوع الطفل اللى اى ست بتحبه واللى هى بتشوف انه هو ده معنى طفولة الراجل حاجة تانية خالص............

-طفل المرأة هو الطفل اللى فى عز الزحمة او الضلمة يحضنها جامد قوى و يتشعلق فى رقبتها من الخوف ، خوف عليها من الزحمة اللى حواليها وبيحاول يداريها من الزحمة وبيحاول يطمنها من الضلمة ويحسسها بالونس وانها مش لوحدها، وكمان بياخد منها الامان فى نفس الوقت لانه هو كمان مش مطمن فى وسط الزحمة ولا فى الضلمة بس احساسه انه حضنه هيحميها

-الطفل اللى بيحوش من مصروفه نث جنيه عشان يادوب يقدر يجبلها وردة فى عيد ميلادها او عيد الام ههههههه، اوحتى الىى بيعملها كارت صغير من ورق بسيط بس لما قالو مين نعمله كانت هى اول حد فكر فيه ،، يعنى حاجة بسيطة فكر فيها يقدر بيها يقولها بحبك.......

-الطفل اللى بيمسك ايد مامته وهو بيعدى الشارع ويقولها عادى يا ماما ماتخفيش انا معاكى انا هاعديكى ، وتبصلو وتبتسم وتحس انه معاها ضهر تتسند عليه ، مع انه عقلة صباع زبلة صغير هههههههههههه......

الطفل اللى لو مامته عيت شوية يقوم يجرى يجبلها ميزان الحرارة حتى لو هى بتعطس ويبتدى يعمل زيها ويقلدها لما هو بيتعب..............

-الطفل اللى يملى عليها حياتها ويكون لها كل حاجة وتقضى معاها ساعات وتفوت ثوانى ومهما يعدى ومهما تضحى عشانه هى عايشه بمنتهى السعادة ومعندهاش اى حلم غيره عايشة عشانه بيه وليه وعمرها ما تحس بانها مضايقة او زعلانة او نفسها فى حاجة ، راضية بوجوده وبتدعى ربنا طول الليل انه يخليهولها ويطرح فى البركة ....

-الطفل بمعنى اللى تحس انه محتاجلها فى اوقات اللى يحس فيها بخوف او قلق حتاجلها عشان يحس انه مش لوحده ،انها وحشاه ، الطفل اللى بيقابل مامته وهى جايه من الشغل بجريه وحضن ويقولها وحشتينى ويعاتبها عتاب طفولى " شغلك ده وحش " عشان بيحس انه واخدها منه ويتقمص شوية صغيرين وبعدين لمة تقوله وحشتنى يجرى عليها " وانتى كمان "

-الطفل اللى علاقته بأمه علاقة صداقة يعنى لما يغلط يقولها ومايكدبش لانه عارف انها هتفهمه ومش هاتعقبه ولا هتزعقله والكلام بينهم هيكون راقى ومافيهوش شباشب بطير هههههههههه.......

-الطفل اللى لما يخاف او يحس بالوحدة او بعدم الامان يبقى متأكد ان امه جنبه وحنينة عليه وهاتساعده لما يقع مش هتسيبه لوحده ابدا ابدا.........

اعتقد ان هو ده الطفل اللى ممكن تحبه المرأة وتحس ان لو الصفات دى موجودة فى الراجل اللى بتحبه هى عمرها ماهتضايق ولا هتحس انه " اففف لاء زهقت منه " بالعكس ده هيبقى اسعد لحظة فى حياتها لما يكون معاها وقصادها وحواليها،،ساعادة الست لما يكون الراجل اللى معاها بيحبها وبيقدرها وبينهم علاقة صداقة وثقة وبيخاف عليها وفى نفس الوقت هى بتشكله الحنان والحب وبتحس بيه وبتدلعه زى مايكون ابنها بس راجل وكبير ،، برىء زى الاطفال وشجاع وفارس زى ابطال الروايات فى العصور الوسطى وجوده امان، ووجدها استقرار، يعرفو يلاقو بعض فى الزحمة ، ويكونو ونس لبعض فى الفضا ،، وفى اخر اليوم ينمو فى حضن بعض زى الام وطفلها المدلل الوحيد......

المرايا................

طبعا جه فيلم اسف على الازعاج واغنية شيرين الجميلة وسبقونى فى الكلام على المرايا،لكن بجد انا فى حاجة حصلتلى من كام يوم وانا ببص فى المرايا،، انا اصلا من البنات القليلة جدا اللى بتبص فى المرايا يعنى الميكانيزم عندى سريع لدرجة ان فعلا اوقات قليلة قوى اللى ممكن ارفع عينى واشوفنى فى المرايا...

لحد من كام يوم كدة برفع وشى فجأة فركزت فى المرايا فى وشى قوى وابتاديت اعمل شوية انفعالات كدة بوشى ،بس ساعتها حاسيت احساس غريب وهو انى مش حاسة اصلا،،يعنى انا مثلا شايفة ابتسامة لكن مش حاساها مش حاسة انى مبتسمة،لما بعدت وشى عن المرايا وابتسمت ساعتها حاسيت انى مبتسمة ،، مفاهمتش ده معناه ايه بالظبط،،يمكن ده معناه انى بحس نفسى اكتر ما باشوفها ....

بجد مابعرفش اتعامل مع نفسى اللى بشوفهاان دى انا سواء صور او زى المرة دى لما ابص فى المرايا ،،بعرف اكتر اتعامل مع نفسى اللى مابشفهاش مثلا عنية مش بلونها لكن بأحساسى اللى بحاول اوصولو من خلالها ،، وشى مش بشكل ملامحه لكن بالتعبيرات اللى بحسها وبعملها عشان اوصل شعور معين او فكرة معينة ،، شفايفى مثلا مش شكلها اللى باشوفو لكن بحجم الابتسامة او الضحكة واحساسهم اللى طالعين بيه ،،،أيديا مش بشكلها لكن بالمستها والمعنى اللى بقولو من لامسة الايد ،، كل التفاصيل مابشوفهاش بحسها ولما باشوفها صدفة بتعامل معاها باستغراب ،،حتى اختياراتى فى شكل اللبس برده مابصش فى المرايا بعتمد على احساسى بالحاجةاللى لابساها لان فى خيالى واحساسى بيها كتير بيكون احلى يمكن من شكلها " بس لايقة عليه يعنى " م الاخر كدة انا اكتشفت انى بحسنى اكتر مابشوفنى واكتر ما بتعامل مع نفسى بالعقل والطرق التقليدية

بس اللطيف بقى انى مش بتعامل كدة مع نفسى بس ،،لاء ،،الانيل انى بتعامل مع الناس كمان كدة،، يعنى لا يهمنى انت شكلك ايه ولا لابس ايه ولا شبه مهند ولا البيه البواب المهم ان اللى قدامى اقدر احسه انه حد كويس او حد مش لاطيف يعنى والحمد لله مابتخمش فى اللى برا بدخل فى اعماق البنى أدام اللى قصادى بعدى معاه الحدود اللى هو بيرسمها علينا ويصدرهلنا ماتكلش معايا ،،بس الاهم انى بجد بهتم بالاحساس اكتر مابهتم باللى بتشوفه عينى او بتسمعه ودنى ،،كل الحاجات المادية دى ماليش فيها وكتير بحس انه احلى اننا نتعامل مع بعض بأننا نحس بعض اكتر ما نشوفها او نلمسها بمعنى انى ابقى عارفة وحاسة ان اللى قدامى ده ازاى بيحس لما يحصله الحاجة الفلانية ده هيقربنا من بعض اكتر ويمكن يخلينا نفهم بعض اكتر ،، عشان كدة انا بعرف اتفاهم معايا لانى بحسها مش بشوفها .......

حاضن أحزانه

" حط الدبلة وحط الساعة ،،حط سجايره والولاعة"

وبعدها حضن جيتاره وبدأ يعزف اول نغمة ..اول نغمة طلعت كلها شكوى من الوحدة والزحمة والطريق الطويل اللى ماشيه لوحده من غير رفيق يونس عليه وحدته ويهون عليه مشواره الطويل وينورلو ضلمة الطريق الكحل ...

تانى نغمة طلعت صرخة غضب من الدنيا غضب من الدوشة من الظلم والقسوة والدنيا القاسية والغدارة اللى ماتديش صاحب الحق حقه واللى بتعلى الواطى والعالى تجيبوه سابع ارض...

تالت نغمة طلعت نغمة حزينة وكلها الم ووجع من فراق الصحاب والمحبوب والاهل والخلان ،مع كل ضربة وتر كأنه بيعزف على اوتار قلبه الحزين البأس اللى مش فاهم وبعدين لفين واخداه الدنيا ورايحة بيه فين الحياة .....

رابع نغمة طلعت نغمة هادية فيها تأمل فيها فكرة فيها جملة بتقول شوية هدوء عشان هنبدا من جديد ، ياريت نركز شوية عشان احنا محتاج للهدوء وللتأمل يمكن نقدر نوصل لحاجة او لفكرة تفتحلنا طاقة نور او تكشف لنا عن حقيقة معينة....

خامس نغمة جت سريعة مرحة كلها شقاوة وضحك وهيبرة مع الصحاب جرى وطنطيط ، رحلة صيد ، وركوب خيل فى الفجرية، وشد شيشة على قهوة الكربة وكوباية سحلب دافية فى عز البرد مع حمص شام على كوبرى قصر النيل ،بولة كوتشينة عند عبده مع جيمة بلاى ستيشن...

سادس نغمة بتقول وبصوت عالى جدا جدا جدا انا حاااااااااااااااااااااااااااابيييييييييييييييييييييييييييييييييييييييت،،كلمة حب طالعة من جوه القلب ، ريحت القلب بعد طول عذاب ، رست القلب بعد البهدلة وعدم الاستقرار...

سابع نغمة جت بتقول للى غايب ارجع صدقنى مافيش أحن من قسوتها ولا اجمل من قبحها ولا احلى من مرها ولا اهدى من دوشتها ،، دى بلدك وفى حضنها ضامة الغريب مابالك ابنها!!!!!!!!!

وخلص اللحن وحضن جيتاره وبصله وقاله طلعت عينى بالحانك بس مين يسمع لحنك غير حزنك ومين شجعك غير اوتارك ، ومين يحيك غير انغامك ،، اما اللى هيقدرك هو جمهورك " الجنون" !!!!!!!!

المشاعر الخرساء

دايما الاقى حد من اصحابى جى و مضايق او مضايقة قوى ويفضلو يزعقو ويشتكو من حد ساعات ببقى معرفش عنه حاجة اصلا ...

ولما اجى اسألهم طب ايه بس استهدو كدة فى ايه؟؟

يكون الرد انه فلان او فلانة مش حاسيين بينا ولاء وكمان بتقولى او بيقولى انى مش بحبه ولا بقدر ظروفه انا ،انا انا ده انا بحبها جدا هى ازاى مش عارفة هى عندى ايه،فيكون ردى عليهم طب هما عارفيين انكو بتحبهوم قوى كدة ؟

اه طبعا اكيد ،،طب ماهو لو اكيد هيقولو كدة ليه؟منعرفش اهوم هما كدة ناكريين للجميل بقى او مابيحسوش بينا،عندهم حاجات شغلانة عننا

طب وهما ليه بيقولو انكو مش بتحسو بيهم او هما ليه كمان مضايقين منكو؟

مش بنقولك مش فاهمنا مع اننا والله بنحبهم جدا

المشهد ده بشوفو كتير بجد حواليا تقريبا مش فتش حد من صحابى ماحكليش القصة دى"يمكن انا نفسى كمان فترة فكرت كدة" بس لما هديت كدة مع نفسى شوية وصلت لحاجة مهمة اننا بنعانى من مشكلتين مهمين جدا وهما فى رأى اللى بيعملو الحدوتة دى كلها : "مشكلة تواصل،،مشاعرنا خارصة" و اننا "بنعرفش حنط بفسنا مطرح غيرنا"

اول حاجة موضوع المشاعر الخرصة دى: ماحدش قال انهم مش بيحبكو الحب مالوش دعوة بالمشكلة الاساسية اللى هى اننا مابنعرفش نوصل لبعض اللى جوانا لبعض بشكل صح،يعنى ممكن جدا نكون بنحب بعض لكن تصرفتنا مابتقولش ده الحب مش كلام والخرص مش معناه اننا مابنتكلمش لاء معناه اننا مابنحولش نوصل لبعض الحب ده تصرفتنا ما بتقولش ده،تصرفتنا هى اللى خارصة يعنى لازم من شوية اهتمام يقولو اننا بنحب ،مايحسوش اننا بعيد عنهم ، مش بحاجة معينة انا ماعنديش الطريقة كل واحد واسلوبه الخاص بيه،لكن اهم حاجة اننا نقدر نوصل بيها مشاعرنا يعنى نشوف مثلا ايه اللى بيسعدهم ونعمله ،نشوف هما بيحبو ايه نعمله ونشوف اللى بيزعلهم ونحاول على قد مانقدر اننا مانعملوش ،لان كل حد فينا عنده حاجات معينة بيحبها صغيرة وبتسعده وفى حاجات برده ممكن تكون صغيرة جدا بس بضايقهم فنبطل نعملها

اهم حاجة اننا واحنا بنتعامل مع الناس اللى حوالينا نبقى عارفين من جوانا احنا عايزين ايه من علاقتنا بالناس دى يعنى الاصل فى العلاقة انها ابدية ماينفعش نعيش من غير الناس فى حياتنا مهما حصل بينا وبينهم عارفيين اننا مكملين حياتنا مع بعض ،،ولا الاصل ان الناس دى مش فارقة قوى فى حياتنا يعنى لو مشيو من حياتنا مش هتفرق ،،اعتقد ان ده من الحاجات الاساسية جدا اللى لازم نحطها فى اعتبارنا واحنا بنتعامل مع الناس عشان كل حاجة ليها اساس بتمشى كويس

تانى حاجة فكرة " حط نفسك مكانو" الفكرة دى اللى اخترعها بجد عبقرى ،لان احنا كابنى أدمين مختلفين عن بعض ماحناش زى بعض فاكيد كل واحد فينا ليه طبيعة مختلفة الراجل مش زى الست والست مش زى الطفل الصغير والمدير مش زى العميل،،يعنى احنا ناس مختلفة ماحناش زى بعض عشان كدة كتير بنتخناق مع بعض ونزعل مع بعض واصل المشكلة هو عبارة عن سوء تفاهم يعنى لو احنا حاطينا بعض مكان بعض كل حاجة هتتحل ،يعنى لما واحدة تزعل من واحد انه مابيكلمهاش عشان شغلة ،طب ماتبصى لنفسك ماتنى كمان لو بتشتغلى زيو هتلاقى نفسك كتير ماعندكيش وقت،،او مثلا واحد يضايق من صحبه انه مش هيخرج معاه الويكند ده عشان خارج مع خاطبيته ولا صحبته ياسلام ده قصر ديل ده عشان لو انت مصاحب زيو ماهتصدق اصلا وتبيع صحبك فى ثانية " ان جت الست" ههههههه ولا اللى تضايق من اختها مثلا انها مش فاضية عشان عندها بيت وولاد مانتى كمان لو عندك زيها مسؤليات هتفهمى حياتها

قصدى اننا محتاجين نحس ببعض اكتر من كدة بس كمان مانقولش اننا نتكل على كدة

انا بكلم الجانبيين يعنى مانفضش للناس اللى لازم اهتم بيها واقول مهما هيقدرو لاء اه هما هيقدر بس كمان لو سوقنا فيها هيزهقو ويبقى معاهم حق ساعتها ،القصة بسيطة ومعقدة فى نفس الوقت يعنى احنا محتاجين مانخرسش مشاعرنا ونكبتها لاء نطلعها لبعض ونعرف بعض بشل عملى اننا بنحب بعض بجد ومهتمين ببعض وكمان مانضايقش قوى من الناس اللى حوالينا ونحاول نحط نفسنا مكان الناس اللى بنحبهم عشان المركب تسير فى سلام وامان

الاصل اننا نعيش مع بعض مش اننا نعادى بعض ونقف لبعض على الوحدة ونبقى قاعدين مراقبين بعض فلان عمل وفلان قال ماينفعش وياريت نبص لنفسنا شوية ونعترف باخطأنا فى حق الناس اللى حوالينا وفى حق نفسنا قبل ماهمو يجو يعاتبونا وساعتها مش هنلاقى حاجة نقولها وتبقى النهاية مش لاطيفة

" لو الناس دورت على الف سبب يكرهو بيها بعض ..هيلاقو،،، وكمان لو دورور على الف سبب يحبو بها بعض ..هيلاقو" والحياة اختيارات..........................

لحظة أسف...........

هى:بحضن وبوسه ولفة فى الهوا قابلته

هو:قابلها بابتسامة وعلامة تعجب،ايه ده؟

هى:بابتسامة خجولة جدا جدا اسفة اصلك كنت واحشنى ،ونظرة بريئة فى الارض

هو:لمس خدها فى رقة وقالها بصوت حزين مكسوف،،وانت كمان كنت وحشانىهى

هى:طب يالا ندخل فى الدفا نشرب حاجة!!ودخلو الكافيه وهى على وشها نظرة فرحة غريبة ولمعة فى العيون تعكس نقاء شمس الشتا بعد سيل المطروهو ماشى وراها راسو فى الارض ونظرة قلق وعينه بتلمع من الخوف،،مش عارفة دى لمعة ولا دموع؟؟طلبو القهوة المظبوطة وهو طلب الشيشة بتاعته عشان يدارى فى دخانها قلقه

هى : وبامبتسامة لا تنتهى ،،يااااااااا بجد انت مش عارف كنت واحشنى ازاى!ومش متخيل انا نفسى اتكلم معاك قد ايه؟

هو:انت ايه اخبارك عامله ايه؟

هى:انا تمام خلاص بنحضر لمعرض مشترك مع مجموعة اصحاب انا بتماثيل نحت، وفى حد هيقدم حلى،،وتلاتة لوح زيت،،واتنين فوتوغرافيا،،لمينا من بعض واجرنا قاعة عرض فى وسط البلد وبنظبط نفسانا،،وفى ليك مفجأة فى المعرض عشان كدة انت لازم تيجى الافتتاح

هو: هيكون امتى؟

هى:مش هتصدق ،،يوم 14\2ه

هو:اه،،،بس ده انا حتمال كبير ماقدرش اجى

هى : ليه؟

هو: هى ايه المفجأة اللى انت عاملاها فى المعرض؟

هى:لاء ماينفعش اقولك انت لازم تكون هناك بنفسك وتشوفها بنفسك،،قولى بس انت ليه مش هتيجى؟

هو:انتى اكيد مبسوطة جدا بالمعرض ده صح

هى:اصلا انت مش متخيل انا مستنياه قد ايه ده حلمنا كلنا ،ان الناس اخيرا هتشوف الشغل اللى تعبنا فيه،اصلا نفسنا ندعى كل الناس اللى فى مصر عشان تيجى،،،عارف فكرنا فى فكرة كدة لو المعرض نجح

هو:فكرة ايه؟

هى: بنفكر نعمله فى اماكن كتير ونلف بيه فى حتت يمكن ناسها مابيعرفوش عن اللى احنا بنعمله حاجة ،هننزل للناس ،،عشان اللى عنده فكرة زيينا بس مش عارف يعمل ايه يشوفنا ويمكن نعلمه حاجة

هو:برافو ربنا يكرمكو

هى:يارب،،عشان كدة انا كنت مشغولة عنك بقالى فترة وماكنتش عارفة اكلمك ولا اشوفك ،،اسفة متزعلش منى ،،بس والله انت كنت واحشنى قوى،،انا كنت عاوزة اقولك ........

هو:كنت عاوزة تقولى ايه؟

هى:ولا تزال عيونها بتلمع وصوتها فرحان ونظرة الفرح فى عينها سابتة،،كنت عاوزة اقولك انى لسة بحبك قوى،وانى ندمانة قوى على اليوم اللى بعدنا عن بعض فيه وقررنا اننا نفضل مجرد اصدقاء ،،انا ماستحملتش قصة الصداقة دى،،عارف............انت عمرك ماغبت عن خيالى لحظة واحدة،،طول مانا ماشية فى الشارع ،طول مانا قاعدنا فى بتنا،طول مانا بشتغل ،،،حاسة بوجودك حوالية،،عمرك ماكنت بعيد،،لما كانت تحصلى حاجة حلوة كنت اجرى على التليفون عشان اعرفك،،بس دايما ماكنتش بترود عالية فاكنت ابعتلك رسالة او اى حاجة اعرفك بيها الخبر الحلو،،بس انت كنت مشغول دايما،،ولما كنت اضايق او تحصلى حاجة مش لطيفة كنت برده اجرى عالتليفون بس ماكنتش بتصل

هو:ليه؟

هى:عشان ماكنتش بحب اشيلك هموم زيادة ،انا عارفة انك مش مبسوط قوى فى حياتك وان فى حاجات كتير ممكن تكون شاغلاك ،ماكنتش احب ازود عليك عبء زيادة،،كنت افضل حاطة التليفون قصادى وعينى عليه كأنك لو اتصلت مش هاسمعه،،وافض ماستنياك،،لغاية لما تتصل ،،افرح قوى ولالقنى برد عليك بس ماقولكش اى حاجة،،وافضل اسمع فى صوتك واتخيلك واسرح فيك وانسى اى همومانا بحبك

هو:كفاية!!!!!!!!!!!!!!!بصوت مخنوق ،،،عشان خاطرى كفاية ،،كلامك بيوجعنى اكتر مابيفرحنى

هى:فى غاية الاستغراب والمفاجأة،،،ليه؟انا قلت حاجة غلط؟؟؟

هو:انت مش عايزة تعرفى انا مش هاجى المعرض ليه؟

هى:اكيد

هو:هاكون مسافر هى:طب ايه المشكلة؟؟؟؟؟

هو:بقضى شهر العسل

هى: وكأنها نسيت حروف اللغات فى كل الدنيا،،وبصوت فاقد للنطق،،ي عن ى اا يه؟

هو:مش انت لسة قايلة انى كنت ساعات بتتصلى ومش برود عليكى ،،وساعات تلاقنى بتصل فجأة،،،انا كمان عندى حاجات عايز اقولهالك

هى:قول انا سمعاك

هو:هتصدقنى؟؟؟؟؟؟

هى:هاحاول ،،انا عمرى اصلا ماكدبتك

هو:وكل صوته بيترعش وعنيه مش راكزة فى مكان،،انا فى الفترة اللى فاتت مش من كتير يعنى ،،قابلتها وشفتها وتكلمت معاها وقربنا من بعض ولاقتنى فجأة باتشدلها جدا،،،.................................سكت شوية

هى: كمل

هو:وهى كمان اتشدتلى وشوية ولاقينا كل حاجة جت بسرعة،،وطلبت منى انى اروح واتقدم،،وكنت بحكى لامى وشبطو فى الموضوع...............

هى:ما الاخر كدة كل حاجة جت بسرعة ،،ماشى بتحصل

هو:عشان خاطرى.................

هى:قاطعته،،،انا اسفة

هو:على ايه؟؟؟؟؟؟؟؟؟؟ انا اللى لازم اعتذرلك

هى:لاء ليه!انت اللى حكيته ده انا شفته كتير ،،لكن انا بعتذر على حبى ليك

هو:!!!!!!!!!!!!!!!!!!!!!وكل علامات التعجب على وجهه

هى:اسفة على الحاحى وبوحى بمشاعرى ليك،ماكنش النفروض انى اقولك كل الكلام ده،،انت ليه ماقلتليش كل ده قبل كدة؟؟؟؟؟؟؟؟؟؟؟؟؟؟

هو:مش عارف

هى:عموما انا مصدومة جدا مش عارفة اى حاجة بس .....................................مبروك

واستعدت للرحيل

هى:على فكرة المفجأة اللى كانت فى المعرض !!!!!!!!!!كانت تمثال ليك كنت نحته عشانك ومشيت،،مشيت وكأنها بتنحت فى اسفلت الشارع بعيونها اللى اتحول لمعانها لمطر شديد وافكاها ومشاعرها تتضارب وكأنها رعد وبرق،،وتحولت لحظة دفا الشتا الجميل ليوم شتوى عاصف ،نوة شديدةماكنتش عارفة هل هى غضبانة منه ولا عليه!!!!!!!!!!!!!!!!!!!!!!!!!!!!!!!!!!

وهو فضل قاعد مكانه مش عارف اذاكان زعلان ولا فرحان،،حيران ،،طب ليه؟اسئلة كتير مرت قصادى وفى بالى من منظرهم هما الاتنين

بس كان السؤال المهم: هل فعلا حياتنا قضاء وقدر و لاهى عبارة عن مجموعة اختيارات؟؟؟؟؟؟؟؟؟؟؟؟؟؟؟؟؟